#خذلان_الحياه
بقلم مروج
تصويت وتعليق لطفا من ايديكم الحلوه يا فراشات
~~~~~~~~~~~~~~~~~~~~~~~~~
وأنَا والكَتوم الحاذِق الُمتحذر، كَيفَ عبثتَ بي؟
~~~~~~~~~~~~~~~~~~~~~~~~~
كوثر ::كمت شلت الفراش عزلت الغرفه ومن ردت البس شالي حتى انزل جوه اجاني وجع كلش قوي بطني من كد ما قوي كعدت بل كاع وضليت شابكه بطني احس شلون راح تشلع احشائي من الوجع ضليت لازمتها بدون ما احس دموعي من وحدهن يوكعن احس نفسي راح اموت من الوجع من رفعت راسي حسيت الغرفه تفتر بيه واني بطني كاتلتني دخل محمد وشافني اجه وكعد كدامي ويكلي
_كوثر شبيج صاير بيج شي
_احس مصاريني تكطعت من الوجع
_كومي اخذج للمستشفى
_لا راح ابقه شوي اذا تحسنت خير على خير واذا ماكو اخذني
_بس شلون شوفي وجهج صار اصفر
_راح اتحمل شوي اذا ماكو اني اكلك اخذني
سوه مثل ما ردت بس كام وضل يفتر بل غرفه واني احس سجاجين وتدخل بطني اريد اتحمل ماكو كمت الوب من الوجع واني دموعي من وحدهن يطيحن وعيوني صارن حمر بعد ما اتحملت الوجع احس نار تاكل بيه كلت لمحمد
_محمد
_ها
_اخذني للمستشفى
_يله كومي
_ما اكدر اكوم
اجه هوه وكومني وانطاني الشال والعبايه واني من كوه اتحرك ولبستهن وكتله
_انطيني الجواريب
_هسه احنه بحال جواريب
_حرام انطيني البسهن يسجل علي ذنب
_هاج
انطاني الجواريب من كوه لبستهن وضليت انزل كوه من نزلنه عمتي كامت تحجي لان راح ياخذني للدكتور وحسيته شوي تراجع ويريد يصعدني لغرفتي كبل كلت
_محمد خابرلي على حسن اريد احاجي
فتح تلفونه وخابر على حسن واول ما فتح خط انطاني ايا وعمتي وحمواتي مستمرات يكلله لا تاخذها بس اني كبل كلت لحسن
_حسن
_ها ينور عيون حسن
_تعالي
_شكو
_اريدك بسرعه تعال
_يله جايج
أنت تقرأ
خذلان الحياه
Spiritualتتكلم القصه عن أمراه اسمها كوثر عمرها 36 سوف نتكلم عن قصه حياتها البائسه وكم عانت في حياتها منذ ان ولدت الى الان لم تحمل والدتها باي طفل لمده عشر سنوات وعانو حتى ولدت كوثر ومن ثم ولدت ورائها 4 شباب 1 وشابه وهي قصه عراقيه داخل محافظه بغداد وتتكلم ال...
