طاح التلفون من ايدي من الصدمه اخوي حيادر راح يموت شلون وين وليش شصار حتى راح يموت ما سوه شي بحياته جنت واكفه بس وكعت وضليت كاعده وكمت ابجي وابجي اريد دموعي توكف ما اكدر هسه شلون حال امي وابوي ونوب حيادر اكثر واحد قريب على امي حطيت شالي شلون ما جان ونزلت ابجي ياهو يشوفني يكلي شنو شبيج صاير شي رحت لمحمد لكيته كاعد بنص خواته وكتله واني ابجي واناشغ
كوثر: محمد محمد
رد عليه ب بعصبيه وعدم اهتمام
محمد: ها شبيج
كوثر: اخذني للمستشفى مال جوادر
زهره: ليش عيني محمد مرتك صايره هواي تتماوع هيه والبطنها
محمد:ليش شبيج هل مره
كوثر: اخوي حيادر بل مستشفى
رد عليه بلا مبالاه
محمد: ليش شبي
كوثر: انضرب طلقه براسه
محمد: وهسه شتردين
كوثر: شنو شريد اريد اروح لخوي
جيهان: ولله اني حسين ما يخليني اروح للمستشفى لو اي واحد تمرض اني حسين ما يخليني اروح للمستشفى
محمد: كعدي هنا ما ترحين
كوثر: هذا اخوي شلون ما تخليني اروح اله
محمد: بكيفي لا ترحين وابقي هنا كاعده
واني روحي انقسمت لنصين واحد يكول
"كوثر تحملتي هواي انفجري هاي هيه حتى لخوج ما يرضه ترحين هاي وين لاكيها انفجري عليهم وسوي بيهم فلك وخلي ياخذج غصبا ما عليه زعل لو ما زعل هوه واهله طبهم مرض اهم شي اخوي ما يروح مني"
والنص الثاني يكول
"كوثر لا تسمعين له خلي يولي دير بالج تنفجرين خاف تنفجرين و انتي حامل شي اكيد يطلكج وياهوا الج وال بنتج خاف دكولين اخواني بس احنه ما ندري المستقبل شنو ضام النه صبري شينسوي صبري انشالله تنفتح بوجهج دير بالج تنفجرين اصبري ولله وراء الصبر شغلات حلوه"
من كوه تحكمت بأعصابي وكلت بهدوء ما قبل العاصفه
كوثر: محمد كتلك اخذني لخوي اخوي لو يموت لو يعيش واريد اشوفه هسه انت لو مكاني شيصير بيك
گبل ردت نرمين
نرمين: يمه صمله فال الله ولا فالج عليمن فاكه عينج علينه
أنت تقرأ
خذلان الحياه
Spiritualتتكلم القصه عن أمراه اسمها كوثر عمرها 36 سوف نتكلم عن قصه حياتها البائسه وكم عانت في حياتها منذ ان ولدت الى الان لم تحمل والدتها باي طفل لمده عشر سنوات وعانو حتى ولدت كوثر ومن ثم ولدت ورائها 4 شباب 1 وشابه وهي قصه عراقيه داخل محافظه بغداد وتتكلم ال...
