ဗုဒ္ဓဘာသာ၀င်မိန်းကလေးက စာအုပ်တစ်အုပ်ထဲကို ကူးပြောင်းသွားတယ်

Chapter 114

Unicode

လူထုအသိပညာပေးအတွက် ဓာတ်ပုံတွေ ထွက်လာပြီးတဲ့နောက်မှာတော့ အပျော်ဆုံးက  "လော့လိမျန်"တွေပဲ။

လော့ချယ် နဲ့ ကုမျန်က လူထုအသိပညာပေးဓာတ်ပုံတွေထဲမှာ ခင်ပွန်းနဲ့ဇနီးအဖြစ် သရုပ်‌ဆောင်ရုံပဲဆိုပေမယ့် သူတို့ကတော့ ချိုမြိန်လှတဲ့ သကြားလုံးတွေစားလိုက်ရသလို စိတ်ကျေနပ်သွားကြတယ်။

"လော့လိမျန်" cp အဖွဲ့အများစုက သူတို့ရဲ့ cover photoတွေကို လော့ချယ် ၊ ကုမျန်နဲ့ ဝမ့်ရှင်းယွမ်တို့ပါတဲ့ပုံတွေအဖြစ် ပြောင်းလိုက်ကြတယ်။

Gpထဲက တစ်ချို့အဖွဲ့ဝင်တွေဆိုရင် သူတို့ရဲ့ avatarတွေကိုတောင် သုံးယောက်လုံးပုံပါတဲ့ပုံလေးတွေကို ပြောင်းလိုက်ကြတယ်။

သူ့အကောင့်ထဲကို log inဝင်လိုက်ပြီးတော့ လော့ချယ်က သူ့avatar ကို သုံးယောက်လုံးပုံပါတဲ့ ဓာတ်ပုံလေးနဲ့ပြောင်းလိုက်တယ်။

အဖွဲ့ခေါင်းဆောင်: @all members အဖွဲ့ဝင်တွေ warningသုံးခါပြီးလို့ သူတို့avatar ကို သုံးယောက်လုံးပုံပြောင်းမထားတဲ့သူမှန်သမျှ အဖွဲ့ထဲက အထုတ်ခံရပါမယ် ဒါက ပထမအကြိမ်ပါ pay attention please

လော့ချယ်က သူ့ဖုန်းနဲ့အလုပ်ရှုပ်နေတုန်း လော့ကျစ်ယွီက ဖရဲစေ့စားရင်း ဖုန်းကို လှမ်း,လှမ်းကြည့်နေတယ်။

လော့ချယ်နဲ့ကုမျန်ရဲ့ ဆက်ဆံရေးက သူတို့ပထမဆုံး dateတုန်းကထက် ပိုတိုးတက်လာပြီး လော့ချယ်ရဲ့စိတ်ဝင်စားမှုက Dou Dizhu ကစားတာကနေ gp chatထဲဝင်ကြည့်တာကို ပြောင်းသွားတယ်။

သူ အသေအချာကို ဖုန်းကွယ်ထားနိုင်ခဲ့တာပဲ။

Gpထဲမှာ စာလုံးဝမပို့ပဲ screen ကိုပဲ ငြိမ်ငြိမ်လေးကြည့်နေတတ်ပေမယ့် activityတိုင်းမှာတော့ သူက တက်တက်ကြွကြွပါဝင်ခဲ့တယ် ။avatarတွေကို အားလုံးအတူတူပြောင်းတာမျိုးပေါ့။ ဒီတော့ သူက စကားလုံးဝဝင်မပြောပဲ သူ့activityက သိပ်မမြင့်ပေမယ့် adminက သူ့ကိုတော့ထုတ်မပစ်သေးဘူး။

ဘယ်အဖွဲ့ဝင်ကမှလည်း သူက လော့ချယ်ကိုယ်တိုင်ဆိုတာ တွေးမိမှာမဟုတ်ဘူးလေ။

လော့ကျစ်ယွီ သူ့ပါးစပ်ထဲက ဖရဲစေ့တွေကို ထွေးထုတ်လိုက်တယ်။ သူ ခဏခဏချောင်းကြည့်နေပေမယ့် ကြာတော့ ရပ်လိုက်တော့တယ်။ သူအန်မိတော့မလို ခံစားနေရတယ်။