غزاله علي الكاتبه زهراء..
..
لاتنسون التصويت والتعليق بين الفقرات حتى تصعد القصه.
....
هلي!!
ليش اليحب عدكم تذمونه.
هلي بـ هذه حجيكم كلبي تأذونه.
هلي خلوني اعيشن يوم.
وي الردته وانتم ما تريدونه..
....
مروه:: كلش ضجت من اخوي وسوالفه ويوميه مسوي عركه ويكلتني وانا بس احجي ويا يزيد عصبيته.
فـ مره كاعدين وهم دخل متعصب وبقى يصيح عليه وانا اتجاهله لان مالك خلك يوميه مشاكل..
نهله:: مروه تعاي سوي اكل الاخوج.
مروه:: رحت سويت الاكل وانا ساكته.
حسين:: شهد وين ليش ما تسويلي اكل؟
مروه:: واحنه شنو ما نعجبك؟. بس حجيت هيج هو كام عليه وضربني، كرهت روحي من وراه وتمنيت اموت و اخلص لان يوميه يضربني بسبب احمد الله لايوفقه شكد غيره عليه.
ولاعبالك اخته عبالك عدوته، ومن يريد شي مني يطلب بصيغه تأمر وينتر وانا متحملته ومتحمله سوالفه اكول ميخالف اخوي. ميخالف مروه صبري مهما يكون اخوج الجبير..
بقيت ساكته وما احجي لان اريد اعرف وين يوصل بـ هاي سوالفه.
كملت اله الاكل و خليته كدامه، حتى ما كلي شكراً.
حسين:: اريد ماي بسرعه.
مروه:: انطيته الماي وهو نتر بعصبيه، من تقدمين الاشي ايدج نزليها خوش.
ما جاوبته وطلعت من الغرفه رحت يم امي والبنات.
شهد:: شبيج ضايجه؟
مروه:: مابيه شي بس حسين شوي ضوجني بالكلام.
زينب:: انتِ ماتدرين بـ حسين وسوالفه؟
مروه:: يعنى الشوكت اتحمل سوالفه وضربه على اشياء ماتسوه..
زينب:: اتحملي بعد شسوين مهما يكون اخونا الجبير.
مروه:: اذا اخونا الجبير خلي يحترم نفسه ويسكت مني.
نهله:: لا مروه عيب هيج تحجين على اخوج.
مروه:: العيب الي يمده على اخته وياخذ بكلام ابن عمه.
شهد:: عمه تدرين الصراحه حسين الغلطان لان يسمع كلام احمد..
نهله:: يعني شسوي اكله لا تروح البيت عمك.
مروه:: بقينا نسولف بس انا بالي يم علي وافكر بي، ردت اكوم الغرفتي وامي كعدتني كالت لا ترحين ابقي يمنا..
هزيت راسي تمام يمه. شوي وسمعنا صوت اخوي، دخل وهو وابن عمي بالاستقبال.
علي:: مروه سوي جاي.
مروه:: يعني ماكو بس مروه تسوي الجاي..
علي:: اي بس مروه كومي سوي الجاي الخطيبج.
مروه:: فتحت عيني بصدمه شنوو خطيبي ومن يمته صارهيج؟
علي:: اي خطيبج على الاقل احسن من ابن خالج.
مروه:: ولله اموت ولا اصير اله شكاعد تحجون انتو؟
علي:: يله يله بدون كلام زايد سوي الجاي الاخوج والابن عمج..
مروه:: دمعتي بطرف عيني، كمت سويت الجاي وتمنيت اكو سم حتى اخلي السم بالجاي واخلص من احمد ومشاكله..
أنت تقرأ
غـزاله علـي
Genel Kurguكُلَ شيئ مؤذي بطريقة وحشية كُل شيئ موجع ويَستنزفُ جروحً عميقة كُل ماضٍ لا يُنسى يؤُلِمُ وكُل جَديد صعبُ الأستيعاب صغيرة هي لتحمِل ما مَضى ورقيقة جِدا لِتواجه ما سيحصُل
