غـزاله علـي

البارت 5

#غزاله علي للكاتبه زهراء

.......

بلَىٰ أنَا مُشتاقٌ وعندِي لوعةٌ
ولكنَّ مثلِي لا يُذاعُ لهُ سِرُّ.

......

حسين:: ليش تموتين نفسج انا اموتج احسن.

مروه:: باوعتله بحقد، اي مو صعبه عليك تذبحني علمود واحد چبان مثل ابن اعمك.

من حجيت هيج اتقدم يمي وضربني على وجهي هذاا ابن عمج هم و زوجج المستقبلي قبلتي او لا غصباً عليج..

باوعت على ابوي وعيوني متروسه دموع بلكت ينقهر عليه..

علي:: ما انقهر وابن عمج تاخذينه اذا ما يعجبج راح تبقين ذليله ويوميه حسين يكتلج فـ اختاري..

مروه:: اموت ولا ازوج.
حسين:: وربج يامروه راح اخليج تشتهين الموت وگولي حسين ماگال..

مروه:: اذا موافقه على كلشي بس بعدين رب العالمين راح ياخذ حقي منكم..

علي:: انچبي ولج فوك مانريد الستر الج..

مروه:: ليش بويه انا شمسويه وتكول نريد الستر الج؟!
حسين:: حمدلله ربج ما ذبحتج من عرفت تحبين ابن خالج بس ولله ما اخليج تصيرين اله لو تموتين..

مروه:: اي عادي اموت والمهم ما اصير الغير علي.

نهله:: ولج يمه اسكتي فدوه لا يذبحونج.
مروه:: خليهم يذبحوني واموت واخلص منهم.

حسين:: باعي لجج باجر يجي عمي والشيخ وذا ما قبلتي اموتج..

نهله:: شنوو بكيفكم تنطونها.
علي:: اي وباجر يجي الشيخ واشوف منو الي ما تقبل..

شهد:: بس حرام عمي تغصب البنيه على الزواج حتى الله ما يقبلها..

حسين:: اسكتي ادبسزز لاتدخلين بـ شي ما يخصج.
شهد:: ليش ما ادخل ترا مو غريبه انا تمام..

علي:: عمي صعدي الغرفتج احنه اهلها ونريد مصلحتها..
شهد:: مصلحتها تنطوها لواحد ماتريده وبعمرها ما حبته؟!.

حسين:: وشتردين ننطيها الواحد تحبه وبعدين احنه ما عدنه هاي سوالف مال الحب.

نهله:: گول الابن اخوك لايجي ويتعب نفسه ترا البنيه ماتريده مو بالغصب هي.

علي:: اي مو بكيفج، انا انطيت گلمه وما اتراجع عن گلمتي..

حسين:: مثل ما گال ابوي.

مروه:: حسبي الله ونعم الوكيل عليكم.
حسين:: لازم اربيج من اول وجديد.

مروه:: انا متربايه احسن تربيه تمام.

حسين:: واضح التربيه.
نهله:: عوف اختك كافي راح تموتها.

مروه:: امي تحجي وياهم وتكول مروه ما اقبل انطيها لو تموتون..