غـزاله علـي

البارت 7

غزاله علي للكاتبه زهراء

.....

انتهت مابعد اشوفه
عود تمُر طيوفه
صعد نجمه بسمانه
شلون ينلاح...

......

نهله:: سمعت الخبر ضليت الطم على وجهي،  يمه عليي يابعد عمتك ابجي بحركه گلب وما احس اله مروه انغمى عليها.

ركض حسين والبنات حتى يكعدوها وماكو بنتي راح تروح من ايدي شسوي ياربي فدوه اروحلك ساعدني ولله مابيه حيل افراك.

زينب:: جسمي كله يرجف والكلمه بالكوه تطلع مني،،  ماما حبيبتي لا تسوين بروحج هيج اذا يصير بيج شي منو النه..

نهله:: ولكم راح اموت اخذو اختكم للمستشفى..
زينب:: خليت الحجاب على راسها و اخذنها للمستشفى والطريق كله بس ادعي كون الله يشفيها وعلي مابي شي.

يمه راح اموت من الخوف علي منا سوه الحادث ومروه انغمى عليها ولله احس عين وصابتهم..

نهله:: يارب بجاه حبيبك رسول الله كون يكومون بالسلامه ونسويلهم احلى عرس والناس كلها تحجي بي..

زينب:: ان شاء الله الله يسمع منج،،  وصلنه للمستشفى ولكينه بيت خالي يبجون وحالتهم حاله.

نهله:: اجو الدكاتره للمروه حتى يشوفون حالتها..

__ حجيه ضروري طلعون من الغرفه حتى نسوي فحص للمريضه..

زينب:: امي ما رادت تطلع بس بالكوه قنعتها وحجيت وياها.

طلعنه من الغرفه رحنه يم بيت خالي اباوع عليهم وعيونهم مغوركه بالدموع وابد ما يحجون شي بس واحد صافن بوجه الثاني..

كعدت يم زهراء وايدها ترجف وتبجي وتكول.
اخوي اخوي بعده شاب مثل الورد ليش هيج يصير بي.
هوه من طلع باوعلي وكال راح اجيب القاط وطلع فرحان انا لو اعرف هيج يصير بي چا رحت ويا..

اخخخ زينب ولله احس نار بكلبي ولحد الان ما استوعب علي بالغرفه الانعاش  ومروه  مغمى عليها قبل ايام جانو فرحانين ومتحمسين للخطوبه ولحضه اتغير كل شي..

زينب:: بعد شنسوي هذا الله الي كاتبه وان شاء الله يطلعون بالسلامه..

زهراء:: الله يسمع منج بس ليش احسج ما مهتمه.
زينب:: مروه علمتني ما ابين ضعفي للبشر ولازم اصير قويه وبعدين البجي شنو يفيد المفروض ندعيلهم بالسلامه..

انا احجي هيج و  گلبي نار عليهم بس ابين يمهم انو قويه.

شوي وطلعو الدكاتره يتراكضون
سهام:: بس فهموني ابن مابي شي ليش هيج يتراكضون..

زينب:: خاله فدوه بس خلينه نفهم من عدهم.

زهراء:: رجلي بعد ما احس بيها جمدت مكانها من شفتهم يركضون سريع والدكاتره بيناتهم يحجون..