غـزاله علـي

البارت 1

#غزاله علي القصه حقيقه.
لاتنسون التصويت والتعليق بين الفقرات حتى تصعد القصه..

..
نعيد ذاك اللقاء يوم فز قلبي النضرتك

...
كاعده وحدي اباوع من شباك على قطرات المطر وانا اتأمل المنظر سمعت صوت امي وهي تكول..

مروه حبيبتي تعاي نزلي تغدي وكافيي تباوعين من شباك

مروه:: تمام يمه جايه بس اسد الشباك..
نزلت جوه لكيت اهلي كلهم كاعدين وامي تباوع عليه وتخزرني..

نهله:: شبيج مروه تردين تموتيني شكو فاتحه الشباك ودنيا مطر وبارده؟

يمه حبيبتي الجو كلش حلو مو بارده وبعدين اذا اتمرضت ابوي يجيبلي العلاج

نهله:: بنيتي انا مو على العلاج بس اخاف عليج ولله شعندي غيرج انِت و اخوانج

علي:: مروه ترا صدك امج تخاف عليج يا حبيبتي. المهم هسه بساع خابروني ومعزومين..

حسين:: وين بويه؟

علي:: بيت جدك عزومنه وان شاءلله باجر نروح من وكت وهم مشتاق الهم اريد اكعد يمهم..

نهله:: تمام هذا هوه باجر من وكت نروح يله هسه اتغدو وانِت مروه عفيه من تخلصون عزلي المطبخ انا راح اصلي..

مروه:: صار يمه..
خلصو اكل ودخلت للمطبخ نظفته وعزلت كل شي.

علي:: مروه فد كلاص چاي فدوه.

مروه:: اي لحضه. سويت الچاي الابوي.
وكعدنا نسولف اردفت امي مو تنسون باجر نروح البيت اهلي لان معزومين.

علي:: اي ان شاء الله.
مروه:: صعدت الغرفتي حتى احضر نفسي للعزيمه طلعت ملابسي وحضرتهن.

نهله:: باجر صبح نروح.
علي:: شسالفه شعدنا من صبح صدك جذب.
نهله:: مو اخوي كال تعالو من وكت.

علي:: هذا هو..
مروه:: نزلت جوه يم اهلي كاعدين ونسولف.
يمه باجر بيش ساعه نروح البيت خالو؟
نهله:: بـ 10صبح هناك حتى نساعدهم بالعزيمه.
مروه:: ترا احنه معزومين مو رايحين نساعد.

حسين:: يجوز انا ما اروح لان مالي خلك العزايم.
علي:: لابويه مايصير لازم تروح عيب.

مروه:: صعدت الغرفتي فتحت الشباك بقيت اباوع والجو چان كلش حلو شوي وسمعت صوت عمي!.

نزلت على السريع لكيت عمي و ابن عمي و زوجته رحت سلمت عليهم.

ابن عمي باوعلي وضحك انا درت وجهي هزيت ايدي الحمدلله وشكر.

عمي: الله بالخير خويه شلونك شخبارك ان شاء الله مرتاح.
علي:: الحمدلله بخير..

نهله:: مروه حبيبتي سوي چاي.
مروه:: رحت للمطبخ استغفرالله ياربي كلساع مروه مروه. سويت الهم الچاي وصعدت بغرفتي لان مالي خلك اكعد يمهم وخصوصاً يم ابن عمي لان ما اطيقه وكلساع يحجي وياي ويباوع..