سلام من جديد في البارت الخامس عشر
لا تنسوا ذكرالله والصلاة على النبي و لاتنسوا أخواننا في غزه من دعائكم
قبل البدأ حطوا ⭐ ولاتبخلوا من التشجيع
كنتم برواية ليس له معنى للكاتبه: حواء المجيدي
نبدأ
الغرف والصالات وخلصين عالساعه 8:47ص
جلسوا البنات جنب جدتهم
قمر: ها ياجده خلصنا
الجده: شاطرات ماذلحين الواحد يركن عليكن
الجده: سحر قومي افعلي لجدتك خبز وسرحي لها
سحر بعدم فهم: جدتي من
الجده: جدتك اللي هي امي
سحر: لمه قا رجعه من عند عيالها
الجده: ايه تروحه اليوم قبل ساعه
عفاف دخلت الصاله هي وتغريد: ياعمه قاتروحه غاليه
الجده: اي روحه أخي اليوم قال مارضت تجلس خلصت علاجها وتروحه
عفاف وهي تجلس:قاكانه هي وعياله ذحين تجلس وحده بالبيت
الجده: هي ماترضي تفرط للبيت حقها
قمر وهي تهمس لسحر: عاده ام جدتي عايشه
سحر بنفس الهمس: ايه
رهف: ماشاء الله مفكرتها ميته
سحر: لا والله حتى مايبان عليها انها قاهي كبيره مره جدتي عاده تبان عجوز اكثر من امها
الجده وهي تشوفهن يتهامسين دقت سحر بعصاتها: بنات ماتستحين تتهامسين واحنا جنبكن
سحر: بسم الله الرحمن الرحيم فجعكيني
الجده: يالله علما قلت لك بسرعه
سحر: جده خلي عامر يسرح اني تاعبه
عفاف: عادهم رقود وتعرفي عامر مايرضى يقوم الا لين يطلع لي الجنان
سحر: خلاص خلاص بسح أنا
قمر: يمه خلينا نروح معى سحر نشوف القريه
تغريد:لا وين تروحين كلكن عصابه
رهف: امانه يمه خلينا نخرج امانه
عفاف: خليهن يخرجين يشمين هوا وبعدين البيت باللفه ذي قريب
تغريد: يالله خلاص اطلعين اللبسين العبايات
لبسين العبايات والبرقع وخرجين
سحر: بنات انتن قلتن جايئات بس هناك مو بيت طبيعيه من شان بس تحذرين
قمر: كيف مش بيت طبيعيه
سحر: ما رح اخوفكن ذلحين لين نوصل تعرفين
طول الطريق وسحر تلمح لهن عالبيت وتخوفهن
سحر وهي تقف أمام بيت طويل مره كان شكله قديم بناء حجري وكان مره كالأثار القديمه: هذا الدار
عهود: ماشاء الله مره طويل
رهف وهي مركزه عليه: البيت كبير مره اكبر من الي احنا عايشين فيه كيف تعيش جدتي فيه لحالها
سحر: هي تحب تجلس ببيته وعيالها ونسوانهم بالمدينه مايشتوا يجلسوا هنا
قمر: ولو المفروض يأخذوا امهم عندهم
سحر: أسألوها الحين وهي تجاوب يالله ندخل
البنات كانين بيدخلوا باب الحوش بس سحر فجاءه
______________
في البيت
عند طاهر اللي كان يفكر بأخوه كيف بيعمل الحين يشتي يكلم عمه بس هو وعد أخوه جلس يتقلب فوق فراشه لين حس راسه بينفجر حس بالباب يفتتح
الام وهي طالعت راسها من الباب: طاهر صحيت
طاهر وهو يقوم: اي يمه صاحي صاحي
دخلت الأم وجلست جمبه: تشتي صبوح اروح اجبلك
طاهر والصداع بيكسر راسه: لا يمه شبعان
الام ولاحظت على وجهه التعب صارت تشوف راسه : يبني تاعب بينك شي شوف كيف انت حامي
طاهر: شويه صداع يمه
الام وهي تقوم: مو شويه صداع ولا شي الحين بجبلك بنادول
ومشت اما طاهر بالحيل قام دخل الحمام(الله يكرمكم) وبدل ملابسه وطلع وكان التعب يزيد
هنا الأم دخلت معاها الأكل: ها كل وبعدين خذ البنادول
طاهر: يمه مالي نفس أكل
الأم وهي تحط الأكل وتمسك بأبنها وتجلس وياه: يبني ايش فيك في شي ثاني تاعبك
طاهر اه يمه أخي الحين ماادري ايش فيه وايش سوى بنفسه: لا يمه قلت لك مافيني شي غير شويه صداع ومسخن بس
الأم وهي تعطيه الأكل: خذ كل خلاص وأشرب البنادول وانت بتكون بخير
طاهر: يمه مو جوعان بأخذ البنادول بس
الأم: لا مابتشرب العلاج وانت معدتك فاضيه كذا يضر كل وبعدين أشرب
طاهر وهو صح جوعان بس أنسدت نفسه اكل كم لقمه لان امه جالسه فوق راسه الا ليأكل وشرب البنادول ورجع عفراشه
الام وهي تغطيه: نام وان شاء الله تصحى تكون بخير
خرجت الأم واغلقت الباب
___________________
أنت تقرأ
ليس له معنى!!
Actionليس لكل ما اعيشه معنى فكيف سأكتب لكم المعنى......... أحداث تتوراء من الصفر لتعلن لكم النهاية، وغالبا ماتكون النهاية مرضية لبعضنا والبعض لايرضيه شيء.......
