ليس له معنى!!

السادس عشر

سلام عليكم
رجعت لكم بعد فتره طويله
طبعا بالروايه صار شوي لخبطه او اني نسيت الاحداث لان لي فتره ماكتبت ومالي حيل اعيد القراءه والا كانت الفكره السابقه جباره الحين احاول اطول بلاحداث لحتى الم شتات الروايه ««لاني مافضيت هالفتره كنت بعرس بنت عمتي ههههه«««

وخرب عليا وتباد طير حسابي لكن رجعته
يالله نبدأ طولت بالحكي
لاتنسوا اخواننا في غزه
ولاتنسوا ذكر الله والصلاة على النبي
نبداااااا
»»»»»»
طاهر: لا ولا واحد من كلامك كنت بقول لك أن أخي
قطع كلامهم من جديد ببنت كانت تجري وتنادي يباااه
سليمان عرف أنها سحر: ها ها منو اديك لونا
سحر وهي تبكي وراح صوتها من الجري: أأل حق
سليمان لاحظ على عيونها بتبكي من فوق البرقع: أيش وقع بالبيت
سحر: يباه عهود بتموت هئ بتموت
طاهر سمع خاف وسليمان اللي مايدري أيش يعمل  جروا بتجاه البيت
سحر: لا عهود مو بالبيت عهود ببيت جدتي غاليه
سليمان وطاهر وقفوا
سليمان: منو سرحكن هناك
سحر: كنا بنودي لجدتي الصبوح
سليمان: حسبي الله ونعم الوكيل
وجروا وسحر اللي بالحيل تجري وراهم

عند عهود بدأت تتنفس ببطئ بس الألم بصدرها يزيد
مسكت قمر يد عهود: رهف يداتها بارده مره
رهف وهي تبكي: عهود تسمعيني
الجده: ابعد من جنبها خلوها تتنفس يبنتي انتي بخير
عهود وهي تتكلم وتتألم من صدرها: بخير بخ ير يا جد ه
دخل سليمان البيت وشافهم
سليمان وهو يجلس جنب عهود: يابنتي أيش فيك بسم الله عليك
طاهر حس انه لازم يجلس بخارج وجلس متوتر وسحر دخلت بعد أبوها
عهود وهي تكابر عن الألم: بخير بخير ياعم مافيني شي
سليمان: تعالي بنوديك المشفى
عهود: لا ياعم مايحتاج اني بخير
سليمان وهو يحاول يوقفها وعهود اللي تحاول تبين أنها بخير وقفت ولبسوها البرقع
الجده: ودوها المشفى يشوفوا أيش فيها
سليمان انتبه لها وراح سلم عليها: اعذريني ياجده نسيتك من الخوف على عهود
الجده: ماعليه يبني بز البنت روح عالجها يالله
  مسكوا عهود قمر وسليمان وطلعوا ماسكين لها
سليمان وهو يشوف طاهر: روح ياطاهر قول لغمدان يستاجر أي سياره بسرعه
طاهر بتوتر: طيب
عهود وهي تظهر أنها بخير: لا ياعم مابروح لأي مشفى انا بخير تعب بسيط وخلاص
سليمان: لا بنروح نفحص نشوف أيش فيك والا مابطمن عليك
عهود: امانه ياعم خليني أرجع البيت انا بخير
سليمان: لا بنروح المشفى بالاول
عهود وهي تفكهن عنها: لا أنا بخير وها برجع البيت
سليمان: انتي عنيده والله، خلاص يالله بنرجع البيت  طيب ياطاهر لاعاد تروح خلاص
سحر: يبه لاتصدقها هي مو بخير
عهود بعصبيه: قلت ما فيني شي تمام
سليمان: طيب لا تعصبي بنرجع البيت واحنا مانشتيك الا تكوني بخير يالله
طاهر كان بيسمع وضحك كيف هالبنت عنيده بس تذكر موضوعه وحس بالحزن مايدري أيش يعمل

بالبيت كانت الجده معاها عصاتها وتدق فيها وبيدها الثانيه مسبحتها تستغفر بها
اما بالمطبخ كانت تغريد وعفاف
عفاف: الله ما سبرين لذولا الاثنين بس
تغريد: مجانين نص الخبز بي الأكل حق البقره
عفاف: سحر ذي البنت ماادري متى بتعقل هي تدري ان اليوم بيجوا عندنا ضيوف وهذا الخبز مو يكفي
تغريد: مو سحر والله مايكونين لسلاحف حقي اللي ماعلمتهن حاجه
عفاف: وحين تزوجيهن من يفعل لهن
تغريد: هذا الدلع حقي مو نعمل نسيت حنى قاهن كبار
عفاف: اي والله شوفي بنتك قمر كبرت ويوم يومين والباب يدقوه خطاب وانتي ماعلمتيها شي
تغريد: والله الله يستر كيف أعمل
عفاف: ماعليك بخلي سحر تعلمهن كل شي عيب البنت تكبر وهي ماتعرف شي
تغريد: اي صح انا مدري وين كان عقلي يوم خليتهن كذا دلع بس ماغير يأكلين ونوم بس
عفاف: اهااا انتي لعبتي بهن البنت ماتكون الا شحطه من عادها صغيره تشحطيها وتخليها تعمل كل شي لو تزوجت بتفعلي انتي لها
تغريد: والله مافكرت يختي بذا وانتي ماشاء الله بنتك سحر والله انها مره تعرف لكل شي الله يحفظها احسن من بناتي
عفاف: ذي البنت مجنونه تصدقي بعض الأحيان يقول لي أبوها برجع أوديها مشفى المجانين ههههه
تغريد بضحك: والله مابينها شي حركيه بسم الله عليها
سكتوا وهم يسمعوا صوت سليمان وصوت الجده خافوا وخرجت عفاف تشوف أيش في
بالخارج دخل سليمان والبنات وطاهر جلس بالحوش ينتظر مايدري أيش يعمل
سليمان وهو يدخل وماسك لعهود: ها يالله يبنتي رجعتك البيت اجلسي ارتاحي
عهود: تسلم ياعم
الجده وهي تقوم: ايش فيها البنت
عهود: ولا شي ياجده
سليمان: تعالي اجلسي بالغرفه فوق ارتاحي واذا وجعك شي كلميني
الجده: ياولدي أيش فيها بنتي
الكل ناظر الجده اللي كانت بكلامها مره حزن ومحبه لعهود والكل يدرك السبب
دخلت عفاف: ايش في ها عهود أيش فيك يابنتي
عهود بأبتسامه: بخير ياعمه بخير
سليمان: مو وقت كلامكم بطلعها فوق ترتاح بعدين تسألوا
الجده وهي تشوف لسحر: ايش فيها البنت
سحر: مدري والله
رهف وقمر كانوا للحين أثار البكى عليهم
عفاف: قمر رهف مالكم تبكون
قمر بحزن: وين أمي ياعمه
عفاف: بالمطبخ
قمر ورهف جروا للمطبخ وهنا حضنوا امهم وبكوا
تغريد: بسم الله عليكم أيش فيكم
رهف ببكى: يمه عهود كانت بتموت هئ
تغريد وهي تبعدهم عن حضنها: ايش مو تقولين ووين عهود
قمر: عمي طلعها الغرفه ترتاح
عند سليمان دخل عهود بالغرفه وسطحها وجلس جنبها: بنتي عهود انا اعتبريني أبوك تمام ولاتستحي أيش اللي يوجعك
عهود: ياعم تعب بسيط بس مافيني شي
سليمان: عهود لاتكتمين ألمك قولي لي يابنتي فيك صداع حراره قولي
عهود: ياعم صدقني مافيني شيء وانا بخير ها تشوف
سليمان: ان شاء الله يبنتي مايصيبك شر الحين ارتاحي تمام
عهود بأبتسامه: تمام
سليمان ضحك: جعلها تدوم هالأبتسامه الحلوه هههههه
عهود: امين يارب وياك
سليمان: يالله بطلع انتبهي على نفسك وأرتاحي
عهود: طيب
نزل سليمان وعهود تحاول تقاوم الألم وتحاول تنام
الجده: يبني ليش مااخذتها المشفى
سليمان: يمه البنت مارضت وما حبيت اغصبها خليها براحتها
عفاف: بس سليمان قالت سحر البنت كانت ماتقدر تتنفس بتموت
سليمان: بعيد الشر عليها خلوها ترتاح وتطيب بأذن الله
ويالله ارجعوا على سغلكن
عفاف: ان شاء الله ووين الأغراض اللي قلت لك عليها
سليمان وهو يمسح وجهه: قلت لغمدان بيجيبها
الجده: الله يستر ويحفظ لنا أولادنا
سليمان: امين يمه يالله بشوف طاهر وارجع لكم
وطلع
طلعت تغريد وهي معاها بناتها اللي هدتهم: ها وين عهود
سحر: طلعها أبوي فوق لترتاح
عفاف: يالله نطلع لها نشوفها نتطمن
الجده: اي يالله
طلعوا شافوها نامت بعمق تأملوها وبعدين سكروا الغرفه ورجعوا على عملهم
عند طاهر كان شارد بتفكيره
سليمان:  مانسيتك لا تأكل هم
طاهر: ها لا لا أذا انت مشغول خلاص عادي
سليمان: لا مو مشغول ولا شي يالله كمل كلامك
طاهر  وهو يقوم بتوتر: يالله بقول لك الشي من أولها وبدأ يحكي له أول ماعرف غسان بجرأئم أبوه والحين حين أختفى،       واا ياعم انا شاكك أن أخوي معى العصابه وخايف ماقدرت أخبي عليك أشتي أخي ياعم
سليمان اللي خلاص وصلت معاه مسك طاهر من شميزه: انت ياكلب ليش ماقلك لي ليششش خليك أخوك انت تدري وين راح لموته ليش ماكلمتني أول ماعرفت
طاهر ماقدر يتكلم: ا يا عم حلفنا ما أقول لك والله
سليمان: انت تصدقه اهبل ها اهبل لا انت تفكر ولا هو كلكم نفس العقول الهبلا
طاهر: يعني ذلحين أخي وين
سليمان: والله الحين تدور أخوك مو أنت السبب خليته يروح لموته ولا كلمتني ذلحين على اساس ذاك مسوي نفسه سبيدر مان وانت خافي الأسرار ها  انا وين بلاقيه وين ها حازم الشرطي حازم مالي الا هو
طاهر: للحين حازم مايدري بشي
سليمان: طاهر ما اشتي اشوفك يالله أدخل ساكت والحين تسكت يالله
طاهر:  تمام اول ماتعرف شي علمنا ياعم
سليمان: ادخل أقول ياطاهر ادخل
طاهر: تمام تمام
سليمان بهم: يارب استر ياارب واخذ جواله واتصل بحازم
سليمان: هلا ياخوي
حازم: هلا بصديقي وينك معاد تنشاف
سليمان بعتب: انا صديقك واعتبر أخوي وتخبي علي الموضوع
حازم: ماخبيت عليك شي
سليمان بعصبيه: لا تكذب ياحازم وين غسان قلي ها
حازم: مدري والله ليش تسأل
سليمان: حازم خلاص انا دريت بكل شي رسل ملف أخوي سليم لعندي
حازم: تمام بس أيش تبغى فيه
سليمان: اتصور معه يعني ايش جيبه وماعليك
حازم:طيب لا تزعل مني ياخي والله ان غسان اللي منعنا ما اقول لاحد
سليمان: حصل خير طيب رسل لي
حازم: تمام تأمر بشي ثاني
سليمان: لا سلامتك
سليمان جاءته رساله فتحها لقى مستند شافه من حازم عرف وجلس يتفحص كل شي لين وصل لشي لتأريخ نفس التأريخ
سليمان: الا والله انه هو نفس اليوم اخ ياسليم اخ انت واخي غمدان أيش سويتوا بأنفسكم،  وين بلاقي اخي غمدان ذلحين وين يكون
سليمان دخل البيت وهو بأكبر همومه دخل المجلس وجلس يفكر مايدري كيف يعمل
____________________________