شاهينة البدو

بارت ٨

اللهم صل على محمد وال محمد
بقلمي الكاتبة ميلاد العزاوي
احبكممم ❤️

حيادر: ولج هاي شمسوية حشة نعمة الله عبالك سلابيح.
نهى: لا تلعب نفسي معليك بية.
_ كملت الاندومي واكلت ع الميز وهوة گعد گبالي يدخن اني اختنگت
نهى: يمعود شجاك انوب اصيحلك ابو گطوف .
حيادر: يي عادي اتقبل صيحيني اي شي يعجبج.
نهى: اممم أكلك باچر اريد ارجع للبيت صديقتي گالتلي النتائج راح ينطوهن هل ايام .
حيادر: يي اني هم ارجع وياچ نرجع سوية.
نهى: انتة شكو راجع مو تكول عندي واجب؟؟
حيادر: هاي انتي وين نايمة خلصتة يـُبا من زمان.
نهى: ها عبالي بعدك ممخلص يلة اني اروح انام .
حيادر: اهووو كلساع انام انام وين مولية ؟؟
نهى: انتة شعليك بية اني بكيفي وبمزاجي.
حيادر: دروحي عيني علساس شلون مزاج .
_ صعدت فوگ طبيت للغرفة وحيادر ضل جوة گعدت الصبح الساعة بـ٩ لان اريد ارجع نزلت جوة لگيت جديتي گاعدة.
نهى: صباح الخير والورد جدة اليوم اريد ارجع كافي صارلي 5 ايام يمچ شبع خما شبع😂.
جديتي: لازم صار عندچ ملل هنا ؟
نهى: لا والله جدة بس صديقتي گالتلي النتائج راح ينطوهن هل ايام.
جديتي: ها دروحي بنيتي وبشريني بل نتيجة.
نهى: تددللين.
_جدة اگلچ حيادر وين ؟؟
جديتي: بعدة نايم روحي گعدي .
نهى: لا انتي روحي اني ما بية .
جديتي: روحي اصعدي دا اگولچ ما بية اصعد الدرج اني.
_ رحت صعدت لغرفتة دگيت الباب ماكو يمكن نايم ابو الوصخ.
نهى: دق دق دق ...... حيادر وينك يمعود راح ادخل عليك  ماكو ولا رد فتحت الباب ودخلت لگيتة نايم ولغرفة مشتغل بيها السبلت وصايرة ثلج وشفتة متغطي بچرچف لنص ضهرة.
نهى: حيادر حيادر اگعد اگعد يمعود ورانة رجعة لبغداد اگعد بي وماكو گمت اريد اطلع چان احس بأيدي انسحبت وانردمت بي وهوة ملابس شي عضلاتة طالعات.
حيادر: يا صباح الخير كلة شعجب انتي جيتي تگعديني؟
نهى: والله صارلي ساعة اگعد بيك وانتة متگعد متگولي شلون نايم بهاذة البرد ترة باردة طفي السبلت.
حيادر: شعجب دخلتي للغرفة ؟
نهى: اهوو راح تضل تسأل كافي اجيت اگلك اريد ارجع للبيت .
حيادر: وتعوفيني وبعد ما اشوفچ شلون ؟؟؟؟
نهى: شنو اعوفك ليش انتة جاهل وبعدين شنو بعد ما اشوفچ تعال البيتنة وتشوفني.
حيادر: يلة يلة اطلعي خلي أبدل ملابسي واجيج.
_ طلعت نزلت جوة وهوة ضل يبدل ورة ربع ساعة صعدت اريد أبدل ملابسي وصلت لنص الدرج طلع مقابيلي مبدل وكاشخ.
حيادر: ها وين ؟
نهى: أبدل يعني وين برأيك؟؟
حيادر: لا لا ماكو شي روحي روحي.
_ صعدت أبدل وهوة نزل لبست بينصل وفوگا بشت لون ابيض واسود (مشجر) وويا جنطة وساعة وسوارات ومناضر وشال وعطر نزلت جوة .
حيادر: شنو هاي يـُبا ترة رايحين للبيت مو رايحين للحفلة.
نهى: رجاءا انتة بلاخص لا تدخل تمام .
طلعنة برا وبوست جديتي وگتلها اجيج بعدين هية گامت تبچي طلعنة اني وحيادر .
نهى: حيادر شگد نطول يلة نوصل ؟
حيادر: منطول جوز اقل شي لو ٤ ساعات لو ٥ حسب .
_دگيت ع ابوية اطمنت ع رجل اخوية وگتلة اجيت اني وحيادر.
مر من الوقت يمكن ساعتين او اكثر نعست وچان انام بل سيارة وحيادر ضل يسوق ومشغل قرآن بل سيارة سورة البقرة اني ما حسيت بروحي من نمت خليت راسي ع الجامة ونمت .
حيادر : نهى نهى اگعدي هيوووو عود تعيبين علية من نايم وما ادري بروحي طلعتي انگس مني .
نهى : اممم شتريد يمعود .
_ ما حسيت غير حيادر ضرب بريك وانردمت بلجامة الگدامي وجفلت.
نهى: سااالمين شبيك متگول وحدة بصفك منطمرة.
حيادر: موووو صارررلي ساااعة الغي وياچ حاگي نشف .
نهى: علكيفك ابو الوصخ صاير عصبي.
حيادر: ولج شنو ابو الوصخ ؟؟شنو مشتمة بية ريحة مو طيبة ؟
نهى: لا بس هاي اني طلعتها عليك من يمي.
_ صارت الساعة بـ١١ ونص اني جعت.
نهى : حيادر اريد اكل جعت .
حيادر: تأمرين هسة اجيبلچ شتردين تاكلين ؟
نهى: جيبلي لفة گص ووياها ببسي .
حيادر: تددللين هسة ثواني بس اصف السيارة.
_ وگف السيارة ع صفحة ونزل جاب لفتين وانطاني اني ميتة جوع اريد اكل وهوة واگف .
حيادر: يلة حروح اجيب ببسي واجي حتة انتي تاكلين براحتچ.
نهى : تمام
_ راح جاب ببسي ثنين الي وآلة واني خلصت اللفات ع السريع قبل لا يجي.
جا صعد وشمر الببسي بحضني واخذ قوطية الة شرب واني هم كذالك.
حيادر: شبعتي يا گبد حيادر ؟
نهى: يي شبعت وبعدين شنو هاي انوب كبد حيادر؟جديدة لازم نزلت للساحة؟؟
حيادر: والله محتار شحچي وبعد ما اشوفچ ولا احضنچ واسولف وياچ شلون راح ادبرها ما ادري.
نهى: سالمين شنو تحضني ؟؟؟
حيادر : تدرين انتي شنو .
نهى: شنو بلة ؟
حيادر: انتي المعنى الحقيقي في حياتي انتي ضعفي وقوتي .
نهى: واو واو روعه.
حيادر: عندچ تليفون ؟
نهى: اكيد .
حيادر: عندچ انستا ؟
نهى: يي ليش ؟
حيادر: جيبي تلفونچ خلي اصادقچ بي حتة من اريد ارتاح اجي يمچ يراحتي كلها.
نهى: سالمين ما انطي وبعدين حسابي خاص شسوي بي وانتة اكيد مصادق جماعتك الضباط شسوي داحسني بلنص؟؟؟
حيادر: عادي اسوي حساب جديد اتفرغ بي بس الج.
نهى: هاك التلفون أخذ حسابي .
_ وصلت للبيت واستقبلني أبوية .
أبوية: يا هلا وغلا بشاهينة شلونچ بوية.
نهى: الحمد لله زينة .
امي: هلا شاهينة شلونچ يمة بدونچ اني ضعت والله چنتي شايلة البيت كلة .
نهى: لعد من اتزوج منو يبقالچ 😂.
امي وابوية: لا لا احنا ما ننطي بنتة عزيزة.
_ التفتت واشوف حيادر يباوعلي بنضرة ما اعرف افسرها حسيت يريد يگولي شي بس متردد .
أبوية : تفضل حيدوري تفضل .
حيادر : لا والله خالي اريد اروح .
نهى: اگف حيدوري اگلك باجر تگدر تجيني علمود اروح للمدرسة اجيب النتيجة.
_ اني گتلة هيچي وانرسمت ابتسامة شگت حلگة ووصلت الاذانة فرحان.
حيادر: يي بي اجي .
نهى: شكرا متقصر.
حيادر: تددللي بوية.
_ حيادر يريد يطلع وامي صاحتني حتة اطلع ورا وابوية ديصلي جوة واني رحت ورا للباب باوع علية وبگلبة گةمي حچي .
حيادر: ما راح انساچ بعمري تضلين مدفونة بگلبي و بعقلي.
نهى: تسلم واني ما راح انساك وگضيت احلا ايام بحياتي وياك.
حيادر: يلة بوية استودعتچ الله .
نهى: في امان الله.
_ رحت صعدت بغرفتي سبحت وطلعت نمت ع الچرباية وگمت اتذكر كلشي ويا حيادر  گلت معقولة گمت احبة لو بس اتخيل ؟ زين حيادر ليش هيچي يتصرف وياي ؟معقولة هم يحبني لو يگول عادي  بنت خالة وشي طبيعي هيچي يتصرف ؟؟ ما اعرف عقلي گام يوجعني من التفكير ورة شوية نمت من بعد التفكير.

حيادر.......
_ جتي وياي للباب وبگلبي اريد اضمها بي واقفل عليها باب گلبي گالتلي ما راح انساك وگضيت احلا ايام بحياتي وياك اني هنا صار عندي أمل بسيط گلت بلكي تتغير وتبادر وتشاركني حياتي بس اذا شاركتني حياتي ودخلت بيها الة اگوم اگمز من الفرحة.

نهى: گعدت الصبح ونزلت لگيت أبوية وامي گاعدين واخوية الي نجرحت رجلة گاعد وياهم لان ميگدر يمشي .
نهى: صباح الخير للجميع.
كلهم ردو : صباح النور
أبوية : صباح الورد هلا بنيتي.
نهى: يابة متوترة هواي وايدي ترجف حيل.
أبوية : لا تخافين شاهينة انتي ناجحة بأذن الله.
الكل: آمين .
صعدت للغرفة وفتحت الكنتور طلعت الملابس وشفت ايدي ترجف وتذكرت من انجرحت وحيادر لزم ايدي وگالي
ها ها شبيچ عيني.
حسيت گلبي يدگ حيل وتذكرت كلشي من يحضني ويشتم بشعري ومن رگصنا سوة ومن شالني من الدرج ومن سحبني من ايدي وشعري نزل وووووو......
_ بدلت ونزلت لگيت حيادر گاعد وياهم سلمت علية وگال.
حيادر: يلة شاهينة نتوكل.
نهى: يي امشي لان بعد ما بية اووگف اريد اعرف شطالعة.
_رحنا اني ويا صعدت بلسيارة وهوة هم صعد .
حيادر: البارحة تذكرت عطر شعرچ .
نهى: حيادر ايدي ترجف شووف.
_ من شاف ايدي ترجف لزمها حيل .
حيادر: ولج وين اضمچ متگوليلي ؟؟
_ اني ضليت ساكتة ما اعرف اجاوبة رحنا للمدرسة ونزلت والتفتت واشوف من بعيد شي صدمني صددمة ضليت جامدة بمكاني............

خوش قفلة مو 😂 اعوضكم انشالله في تكملة الرواية
احبكممم ❤️