شاهينة البدو

بارت١٨

بقلمي الكاتبة ميلاد العزاوي
اللهم صل على محمد وال محمد
احبكممم ❤️

نهى : شلونك حيادر ؟

_ ركزت بوجهة ملامحة ذبلانة ومن سلمت علية ابد ما رفع راسة ضل مدنگ بلـ گاع

حيادر : وعليكم السلام خوية.

_ انصدمت من گالي خوية رحت يم امي بلـ مطبخ چانت تثرم وتحضر الزلاطة والطرشي
مريم اجتي وراية طايرة عبالك ضلّي كلة وراية تمشي
اني گلت بيني وبين نفسي
معقولة هلگد متغير ؟ البارحة چان حيادر واحد ثاني شجا هلگد انگلب ١٨٠ درجة؟

امي : وولج نهى وين شاردة ؟

نهى : ها يمة لا لا ماكو شي.

امي : تعالي حضري السفرة يلة وروحي رتبيهل بلصالة بساع.

نهى : يي يمة .

_ رحت طلعت السفرة ودخلت للصالة لمحت حيادر باوع علية بس ما طول بساع نزل عيونة
مريم اجتي وراية تركض

مريم : جيبي اني اساعدچ .

نهى : هاج الزمي .

_ انطيتها السفرة حتة تفرش وياي انتبهت ع زيد كلساع يتلفت ع حيادر ويفرك بأيدة

زيد : حيادر؟

حيادر : اسمعك گول.

زيد: تعال امشي نطلع برا بين ما يجهزون الغدة.

حيادر : يلة امشي .

_ طلعو برا واني ومريم واخواني الصغار نحضر الاكل.

حيادر..........

_ چنت گاعد ادوس علة نفسي ما اباوع الها لان نزلت نفسي الها هواي
وهية ما مقدرتني بس هم اعذرها ما تريد ترتبط بهيچي عمر
بس اني والله حبيتها شسوي مو بأيدي الموضوع
يعني اني احبهة مو شغلة اعجاب لو شي اني حبيتها بدون سبب
ف قررت اغير طبعي وياها من اليوم
چنت شارد مو يمهم زيد صاحني نطلع برا اني گتلة يلة امشي
طلعنة برا اني وزيد وحسيت اكو حچي بداخلة

حيادر : ها شبيك شو تحوص ؟؟

زيد : ولك شجاك اليوم ؟ شبيك شو مو طبيعي مو اخوية الي اعرفة ؟؟

حيادر : ولك شحچي شگول !!

زيد : احچيلي اني اخيك وعد عيناك احچي .

حيادر : ولك زيد انتة تتخيل البارحة من اجتي رزلتني وتگول اخوك احسن منك !!
واني ما اقصد اغار منك لا بلعكس اصلان هية تقارني حتة اصير افضل .

زيد : ليش انتة شسويت وياها حتة رزلتك وهيچي ضايج وصاير عندك انقلاب ؟؟

حيادر : خليني ساكت يا خوية .

زيد : احچي ولك سويت شي عيب ؟

حيادر : مو هواي.

زيد : ولك شمسوي احچي ؟؟؟