شاهينة البدو

بارت ١٢

اللهم صل على محمد وال محمد
بقلمي الكاتبة ميلاد العزاوي
احبكممم ❤️

ح

يادر: ألف ألف ألف مبروش اقصد مبروك.
نهى: عجبتني هاي مال مبروش 😂.
حيادر: شعبالج يـُبا.
نهى: يلة اني راح اروح اتغدة اشوفك بعدين.
حيادر: يلة كبدي استودعتچ الله.
نهى: هلا.
_ نزلت اتغدة امي مسوية قيمة نجفية وتمن وطرشي وزلاطة ولبن .
نهى: امممم يمة عاشت ايدج.
امي: وايدچ بنيتي بالعافية.
نهى: الله يعافيچ .
امي: نهى اليوم العصر اريد نروح اني وياچ ع خالتي ام خنساء.
نهى: يمة اني ما اروح وياچ .
امي: ليش ولچ ؟؟
نهى: يمة خليني ساكتة استغفر الله.
امي: احچي شبيها خالتي ؟
نهى: يمة ماكو شي بس اني ما ارتاحلها شكلها مو راحة شعدنة رايحين يمهم .
امي: لا تروحين وياية وغصبا عليچ قابل شبيها خالتي ام وصخ .
نهى: يممة شنوو ام وصخ روحي گولي الام خنساء ام وصخ مو علية .
امي: دنشوف هسة العصر منو ميروح وياي الة اخليچ تجين.
نهى: اهوو يمة عناااددچ .
_ خلصنا غدة شلت الصينية وغسلت المواعين وصعدت بلغرفة نمت گعدت الساعة ٤ ونص نزلت جوة لگيت امي مسوية چاي وكليچة واخواني طالعين برا يلعبون.
امي: عيني ابو نهى اريد تودينة اني ونهى ع خالتي ام خنساء شوية نروح نزورها خطية .
أبوية: يمعودة شسوين رايحة ؟ اني شخصيا هاي خالتچ ما ارتاحلها احسها من جوة ليجوة.
امي: يااااا ابو نهى انتة اشايف ع المرة ؟
أبوية: ماكو شي ما بيها بس ما ارغب الها.
نهى: يي عفية بأبوية اني هم ما ردت اروح گتلها الامي ما ارتاحلها هية عندت الة تروح وتاخذني.
امي:لا اشو الة هسة اريد اروح اريد اشوف شنو العلة البيها.
أبوية: اهووو صعدت الحالة امشي بوية يلة خل اوديچ .
نهى: يابة اني ما اروح ويا امي .
أبوية: هاهي ضلي انتي واخوانچ بلبيت.
امي: شنو الة اريدها تروح وياية لو نفس ذاك اليوم هم يجون ع البيت ولد وانتة رزلتني اريدها وياية بعد منا وغاد.
أبوية: روحي روحي نهى اريد اطلع هاي النهدة الي بگلب امچ مدري شبيها اليوم.
نهى: اهوووو يمممة مننجج.
امي: ووجعووو امشي ولي احسلچ لا اجي اموتچ .
_ صعدت أبدل وامي هم راحت تبدل طلعنا بلسيارة وصلنا لبيت خالت امي وابوية ما نزل واخواني ضلو ويا أبوية ما قبل ينزلون ويانة .
امي: يلة امشي وياية.
نهى: يمة مو گتلچ ما اجي شكو دگيتي رجللل ؟؟
امي: امشي وانتي ساكتة لا اشمرچ بلنعال.
نهى: استغفررر الله يا الله .
_ دگينة الباب وطلع ابنها الياس.
الياس : يا مرحبا اهلا خالة تفضلي تفضلي .
امي: يا الياس صاير رجال خالة ما مقرر تتزوج ؟
الياس : خالة بعدني ما لاگي بنت الحلال.
امي: الله كريم يمة الياس امك جوة؟
الياس: يي يي تفضلي يمةةةةة تعالي جوي خطار عليچ .
نهى: يمة هسة اني شجابني لهنا اووف منچ .
امي: اسكتي ولج ضبي لسانچ عيب .
_ اجتي ام خنساء .
ام خنساء: يا اهلا وسهلا بيكم نورتونا.
امي: البيت منور بصحابة شلونج عيني ام خنساء شخبارچ .
ام خنساء: والله زينة ملتهية والله خنساء جامعة والياس وطبخ ونفخ وتعرفين بعد يا عيني ام نهى.
امي: يي والله يشلعون الگلب يا شغل يا مدارس .
ام خنساء: هاي بنتچ نهى؟؟؟
امي: يي بنتي شاهينة.
ام خنساء: يااا ماشاءالله تبارك الرحمن شبساع كبرتي وصرتي مرة.
نهى: تسلمين خالة حبيبتي.
_ شفتها گامت تفرر بحلگها يمنة ويسرة گلت هاي شبيها اكيد بيها شي لو هية هيچي طبعها.
امي: يي شكو ماكو .
ام خنساء: ماكو شي سلامتچ گاعدة وساكتة .
امي: شسوي والله حيرة وين نروح .
ام خنساء: عيني خلي اجيبلكم عصير واجي .
امي: شتسوين بي يا عيني احنة جينة نشوفچ ونطمأن عليچ .
ام خنساء: لا شلون يصير هسة اجي ما اطول.
_ تريد تطلع ام خنساء وافترت علية .
ام خنساء: ما تجين وياية بنيتي شوية اريدچ .
_ اني باوعت ع امي وامي اشرتلي بمعني روحي وياها اني گمت طبيت وياها للمطبخ لگيتة كاتلة الوصخ والمواعين ع السنك والريحة تكتل يبو هسة اني شجابني اوويلي منچ يمة .
ام خنساء: يي بنيتي انتي شگد عمرچ ؟
نهى: عمري ١٦ سنة .
ام خنساء: هاااا هم أحد جا يتقدملچ؟؟
نهى: لا بعدني صغيرة مو مال زواج ليش تسألين شنو السبب؟
ام خنساء: لا ماكو شي بس حبيت اسألچ والتعرف عليچ أكثر .
_ حسيتها باوعت علية من جوة ليفوگ اكلتني اكل ووجها مو راحة ابد .
ام خنساء: روحي بنيتي خلي الطبلة گدام امچ هسة اجي وراچ ما اطول .
نهى: يي رايحة .
_ رحت يم امي وحطيت الطبلة گدامها وهمست بأذانها.
نهى: يمة شو تسألني اسئلة غريبة شنو السالفة؟
امي: ما عليچ بيها شنو تسألچ جاوبي وبدون لف ودوران خوش .
نهى: يي افتهمت.
_ گعدت بصف امي وانتضر ام خنساء ورة تقريبا ٥ دقايق دخلت ام خنساء وبيدها صينية عصير وكيك خلت الصينية گدامنة اني وامي .
ام خنساء: تفضلو عيني تفضلو مدي ايدچ نهاوي .
نهى: يي خالة .
_ حسيت نفسي تمنعني ما اكل وگلبي ما مرتاح ابد امي گرصتني بمعنى اكلي اني ردت ما اكل بس امي كلساع تگرصني اكل شربت عصير وحسيت اكو شي بحلگي وام خنساء تباوع علية ومكتفة ايدها.
نهى: يمة هاذة العصير ما ادري شبي مو طيب ابد .
امي: ولج اسكتي خزيتينة الله يخزيچ .
نهى: يمة غير احچي الصراحة ع شنو اچذب العصير مو طيب وطعمة غريب .
ام خنساء : شربي بنيتي ما بي شي شربي .
_ گعدت وكملت العصير خلصتة كلة من ورة امي كلساع تخزرني شفت بنهاية الگلاص وصخ وشي يشبة الملح وشعر اني من شفتة هيچي شمرت الگلاص بلگاع وانكسر.
ام خنساء: يا يا يا شوف شوف شبيچ عيني.
نهى: لااا ابددد ما بية شي مجرد لگيت شعر ووصخ بلگلاص .
امي: ولج اسكتي فضحتينة اني اعلمچ بلبيت بس خلي ارجع .
ام خنساء: يلة ما صار شي .
نهى: شلون ما صار شي اني من البداية ما ردت اجي البيتچ بس امي لحت علية الة اجي .
_ ما احس غير امي ضربتني راشدي ع وجهي گدام ام خنساء اني قبلت عادي امي تضربني حتة لو تضربني بلنعال عادي بس لا گدام ناس ميستاهلون تهيني گدامهم وتنزل من قيمتي .
امي: امشي ولج لسانچ طالع اني اعلمچ بلبيت اعتذر عيوني ام خنساء ع الصار والله مو بوّدي هيچي يصير بس هاي نهى عينها طالعة ويرادلها تربية من جديد.
_ امي دگت ع ابوية ورة ثواني جا علينة طلعنة اني وامي .
أبوية: شكو شصاير وياكم ؟؟
_ امي حچتلة كل الصار .
أبوية: يي حقها نهاوي لعد اني مو گتلچ لا تاخذيها شلون تودين بنتچ البيت وصخ يا عيني .
امي: ما تستحي خزتنة گدام المرة حتة ام خنساء ضلت فشلانة.
نهى: يي ابو زايد بيها .
_ انداريت ع ابوية وگتلة .
نهى: يابة تقبل جابتلي عصير كلة وصخ وبي شعر بنهاية الگلاص ؟؟؟
أبوية: لا والله ما اقبل عليچ .
امي: خلي تولي هاي الجايفة ام الوصخ اني الچ ام خيسة .
نهى: ياابة اسمع تگول علية ام خيسة .
أبوية: كااافي كاافي راسي صار طبل يدگ بي .
_ رجعنة للبيت واني صعدت فوگ بلغرفة مالتي راسلت حيادر وحچيتلة ع كل الصار ويانة هوة ما قبل امي تأخذني وياها .
حيادر : ليش ما گلتيلي ؟ چان اني ادگ ع خالتي واگوللها لا تاخذچ .
نهى: يلة عادي ماصار شي بس عيب تقدم شي وكاتلة الوصخ ما تخجل ؟؟
حيادر: يلة بوية عادي اسمعي كلامي هسة وانزلي ع امچ بوسيها من راسها وراضيها يلة بوية روحي .
نهى: هسة راح انزل الخاطرك والله .
حيادر: عفية بوية اهم شي امچ روحي بوية روحي.
_ نزلت ع امي لگيتها شادة راسها بلشال دنگت عليها بست راسها .
نهى: امححح يمة بس لا زعلتي مني .

امي: وخري من يمي حيالة لوتية وخري ما احچي وياچ خزيتينة گدام المرة هسة شتگول علينة ااامددااچ يا ام خيسة هسة يلة صرتي تخرخرين نضافة اشو غرفتچ كاتلها الوصخ.

نهى: يمة ساالمين وين كاتلها الوصخ دروحي شوفيها بس امدّچ تنامين بيها من النضافة.

امي: زين اسامحچ بس بشرط .

نهى: آمريني نبع الحنان گولي ؟

امي: تنضفين الدجاجة الذبح الجابها ابوچ هسة حتة أسويها عشة .

نهى: لاااا يوووم مو هيچي ما اريد انضفها تلعب نفسي يووممم سالمين.

امي: والله هاذة العندي تقبلين اهلا وسهلا ما تقبلين روحي الغرفتچ الله وياچ وما اتراضة اني وياچ .

_ تذكرت كلام حيادر من گالي اهم شي امچ .

نهى: يلة قابلة امري لله شسوي 😂 عمي بس اهم شي ترضين علية لا الله يموتني.

امي: يلة روحي للمطبخ وهسة اجي وراچ .

_ دخلت للمطبخ واشوف الدجاجة مذبوحة من راسها وطالع دم وشفت شي اسود يمها يخوف اني ما ادري شصار بية من شفتها هيچي تخبلت طلعت اركض ع امي والهث شافتني امي ابچي وأشر ع الدجاجة.
نهى: يممممة يمممة شوووفييي شنو واگف بصف الدجااااجة يمة اني اخااف يوووممم.

امي: اسم الله عليج شبيچ .

_ امي گامت تقرة قرآن علية واني بنص الكلام وگفت وصعدت لغرفتي طايرة دخلت بلفراش وغطيت راسي بل بطانية من الخوف وارجف ورة ساعة شوية هدأت وحالتي استقرت دخلت علية امي .
امي: نهاوي نهاوي يمة ماكو شي لا تخافين گومي بنيتي گومي تعشي .

نهى: يمة ما اريد اتعشة خايفة .

امي: دگومي شو اسبحي بلكي تتحسن حالتچ شوية وإذا ما عجبج لا تتعشيت ويانة اني اضملچ اكل .

_ طلعت امي واني رحت أسبح فتحت باب الحمام وشفت الدوش مفتوح ويذب مي گلت عادي سديت الباب ونزعت ملابسي وچان اسمع صوت خلاني جامدة بمكاني واطگطگ سمعت ...........

يلا حبايبي بيباي 😂
اللهم صل على محمد وال محمد
احبكممم ❤️