يادانه بعين بحارك🩵

البارت ١١

خالد وهو يرجع ضهره لورا ويده في شعره:اهلين.. كيفك
اميره وهي تجلس:هلا والله .. بخير الحمد لله
خالد وهو يفكر في موضوع يقوله :كيف الدوام معك؟
اميره ب ابتسامة: الحمد لله تمام
خالد من الاخير:الاسبوع الجاي ان شاءالله بجيك نتعرف على بعض اكثر مره ثانيه ..

اميره بحياء:حياك الله
خالد ب ابتسامة حب:الله يسلمك

قفل خالد المكالمه .. وهو كارهه السرعه الي صارت فيها المكالمه كان يتمنى يسولف معها اكثر لاكن انه صبر نفسه انه بيسولف معها وجهاً لوجه الاسبوع الجاي

..

دانه وهي تترجى ناصر يوديها البقاله عشان تشتري لها أغراض واكل
ناصر بانزعاج:يابنتي بسم الله عليك توك رايحه من الجامعه روحي نامممييي اشغلتيني
دانه برجاء:ناصر تكفى ودنيي ياخي مره مشتهيه الاشياء ذي
ناصر وهو يثاوب :قولي للعيال اما انا ماقدرت فينيي نوممم

دانه وهي تكش عليه:وع وع

راحت لغرفة ريان :ريان قول تم
ريان :لا
دانه بزعل:ريان والله ابغى اروح
ريان: مين يروح بقاله الضهر صاحيه انتي!
دانه :انا اروح .. تكفى بس اليوم والله مشتهيه
ريان بيأس انها تروح من عنده:يله بسرعه ومانطول!
دانه وهي تبوس خده:افففف اطلق اخ في ذا الدنيا احسن من ناصر الرخمه
ريان بضحك:يويلك لايسمعك

دانه وهي تركض تروح تلبس :خل يسمعني

طلعو ورايحين للبقالة

مكتب نايف
كعادته يدور ورا الموضفين عشان يتجنب الأخطاء
لاحض انو الاب الي على مكتب ريان مو راضي يشتغل حاول يشغله حاول ولاكن رفض
استغرب واتصل على ريان
ريان :الو
نايف بسرعه:هلا ريان .. بسألك يوم طلعت الجهاز الي على مكتبك كان خربان؟
ريان بااستغراب:لا وحطيت كل شي فيه وروحت .. ليه؟
نايف بنفس الاستغراب:مدري مايشتغل لي
.. تقدر تجيني الان؟ يعني بحيث مااشتغل ننقل المعلومات الي نقدر عليها في جهاز ثاني

ريان وهو يناضر بدانه بحيره:معاي اهلي في السياره

نايف ب استعجال:معليه مارح نطول تعال نشوف وش حله ودخل السياره في المواقف حقتنا وخلهم ينتضرون محد هناك

ريان بموافقه:تمام

قفل من المكالمه وهو يناضر بدانه :عندي شغل بسيططط مره بروح اسويه ونرجع نمر المكان الي تبينه

دانه باانزعاج:لاااا ودني اول ورجعني البيت ثم رح له
ريان ب استعجال:لا لازم اجي الحين .. مارح نطول لاتخافين

سكتت دانه بزعل وماتكلمت ب ولا حرف

وصل ريان لشركه وحط سيارته في المواقف حقت الشركه
ريان وهو يلف على دانه :لاتخافين مافي احد .. انا جوه اذا تبغين شي اتصلي علي

دخل ريان الشركه وهو يتوجهه لمكتبه :
السلام
نايف وهو يرفع رأسه له :وعليكم السلام .. معليش أشغلتك
ريان :مافيها شي .. وش المشكله الي تقولها؟
نايف ب استغراب وهو يضغط على الكيبورد عشان يوريه:مايشتغل غريبه .. المشكله الجهاز كله طافي وما اعرف وش المشكله التوصيله شغاله وهو مشبوك زين غريب
ريان بخوف:ليكون فيروس
نايف :لالا لو فيروس كان بيدخل فيها كلها مو ذا بس لانها تابعه لبعض