يادانه بعين بحارك🩵

بارت ٢٢

بارت ٢٢🌷🌊🐚 .

.
ناصر: في نفس الجامعه فقط وكم مره تكلمنا مع بعض يمكن مايتذكرني بس انا اتذكره

خرج ريان وهو يركب السياره :سلاماتتتتتت توكم تجون !انتضركم وكل من جا يطلع يقولي وش فيك اقولهم اخواني باقي بيجون ياخذوني!سلامات مدرسه هي اخر مره اجي معكم
ماجد :وقف وقف مين قالك اصلاً تجي معنا من البدايه؟؟؟ اركب وانت ساكت
ريان وهو يقفل الباب:ياخي قرار متسرع فشلت نفسي اليوم في الشركه كل من عدا قال اركب بوديك يحسبون ماعندي سياره!
دانه بروقان :فداا الحين ودوني اشتري فستاني بس قبل كل شي ابي ننزل مطعم نتغدا
ماجد:ابشري من عنيا! وين تبغين ؟
دانه:مدري اي شي اهمشي غدا

وقف ماجد عند مطعم ونزل يطلب ونزل معاه عبد الرحمن وريان
قبل ماينزلون ..
دانه:دحوم هاتي جوالك بدور اغاني  لطريق

عطاها ونزل المطعم

تكت دانه ورا وهي تفتح جهات الاتصال وتدور لرقم قاسم!

لقته وهي على طول تصور الشاشه من جوالها وترسله ل جيهان
وراحت على طول لليوتيوب ع اساس انها تدور اغاني رمت الجوال بطفش :اففف مالقيت !
ناصر التفت لها:ضهريه يااختي مين رايق يشغل اغاني !
خلينا نتغدا ونروح السوق

وصل الغدا وتغدو ووصلوا للمول

دخلت دانه  لااول محل وهي تدور وكان معها ناصر وماجد
اما ريان وعبد الرحمن اختفوا في ضروف غامضه !

مسكت فستان سماوي ماسك على الجسم وطويل وترتر :اخخخخخ قلبييييي !يهبلللل باخذه !
ماجد وهو يسوي نفسه خبره:وييين ليه ماهو منفش!
دانه :ياقدددمممييييي مين باقي يلبس في الملكه منفش!ترا عادي نكون سسسممبللل !
ماجد:اما عاد خبري ايام زمان احضر مع امي الملك والله كان فسسستانننن منفش الوحده تصير نعامه !
ناصر:يوه بس اتذكر ملكة خالي اخر ملكه حضرتها مع امي حقت الحريم!
ماجد:حتى انا ! مسكينه فستانها كان يخوف!
دانه:بس صدقني في لحضتها كان عاجبها اكيد
ماجد:ايييوه اكيد  ..طيب يله عجبك ذا خلاص؟
دانه وهي تناضر فيه :لا وين سلامات بلف المحلات كلها بشوف اذا تعجبي غيرها ولالا !
ناصر:ماهوو لازم !ياخي البنات حوسه !
دانه :ايييوه احنا حوسه بس تعال السوق ذا شوف من برا واضح ممووتتتت

اما عند جيهان الي تلقت رقم قاسم وهي تطلع لمكان هادي مافيه احد من الطالبات حتى البنات ماقالت لهم عشان مايشتتونها ..

دقت عليه  وبعد ثاني رنه رد بصوت ملياننن نوم :اللوو
جيهان في نفسها :وععع .. وبتضخيم لصوتها
:معاي قاسم ؟؟
قاسم :ايوه قاسم من انتي ؟!
جيهان :معليك من انا مين الي عليك تعرفه ان انا اعرف من انت كويس واعرف وش مسوي وش مامسوي واعرف اصصغغغرررر تفاصيلك !في احد ناويك ياقاسم وجالس يعطيني حتى اصغر اصغر التفاصيل فعلياً !
قاسم فرجج من الخوف :كيف تعرفيني ؟؟؟ومييين علمك وميين انتي؟!
جيهان وهي تمسك الضحكه:قاسم عيد؟؟؟
قاسم وهو مسوي ذكي:لا مين قاسم عيد !؟
جيهان شوي وبتموت من الضحك:اوففف ماتعرف اسمك؟؟ طيب اسمع مره ثانيه ممكن تشابه اسماء اسمك  قاسم بن  عيد بن سالم بن بدر  ال ..
قاسم بخوف:وش تبون مني؟؟؟؟؟
جيهان وهي مسويه انها جزء من عصابه: وش نبي منك؟؟؟ يمكن نبي فلوس البقاله الي سرقتها !
قاسم قمط العافيه :اي بقاله!
جيهان وهي تتصنع العصبيه : تستغبيي؟؟ قسم بالله ياقاسم ان عادك كذبت في إجابتك ماتلوم الا نفسك  يانتقاسم الفلوس الي سارقها ياافضح فيك عند الي يسوى ولا مايسوى
قاسم: ماهي عندي ولا هي معي !كيف اقاسمكم ياها؟؟؟
جيهان:دبر عمرك ولا ترا نرسل لصاحب البقاله انك من الي سرقو !
قاسم:انتييييي مييينن؟؟؟
جيهان بطفش:انت غبي ؟؟؟؟؟ ولا وش اقولك نتقاسسسم الفلووسسس في أسرع وقت !ووش دخلك انا مين!
الليله توصلني الفلوس ياقاسم !
قاسم :بكره بكره اعطيك ياها والله عندي شوي بس بس ماهي كلها متقامسينها انا والشباب
جيهان:وليه بكرههه؟؟ ابيها الليله !
قاسم :لا مقدر الليله مقدر عندي شي ضروري !
جيهان وهي تسحب منه الكلام بالغصب :وششش الشي الضروري الي عندك ؟بتقول ولا اعرفه انا بطريقتي !
قاسم : مقدر اقابلكم الليله ملكتي خلوها بكره بكره الصبح وانا اعطيك الفلوس تكفون وبعدين اصلاً بدفع فيها أغراض الملكه كيف تبوني اعطيكم تكفون اتركوني والله بعطيكم ارقام الشباب هم معهم مبالغ كثيره انا مااخذت الا ٥ آلاف ومابقى منها الا الف وش تبون فيها!
جيهان:ملكتك؟؟ الليله !؟ شوف لو جت الساعه ٥ العصر والفلوس ماجتني والله ياقاسم لاافضح فيك عند الي بتملك عندهم وترا بمكالمة وحده الحين بقدر اعرف مين الي بتملك عليها !
قاسم بخوف اكبر : اقولكممممم الف ريال بسسسس اتركونننييي وش تبغوننن فيييها!الحين اعطيك أرقام العيال الواحد منهم معاه ١٠ آلاف
جيهان:لايكثر كلامك ٥ آلاف تكون جاهزه الساعه ٥ فوق آلالف تدبر ٤ آلاف ثانيه فاهمم؟؟؟
يله توكل وموعدنا على ٥