يادانه بعين بحارك🩵

بارت ١٩

اميره : بس يعني اذا تبي الصدق الصدق اتبع قلبك وخلاص وامجاد ان شاءالله الله يعوضها بشخص ثاني البنت حلوه ماشاءالله وتستاهل الأفضل
نايف:اي والله تستاهل افضل مني
خالد:اذا عرفنا اهل البنت زين بكلم ابوها انا ان شاءالله وخلاص .. ندق الحديد وهو حامي افضل من اننا نطولها خلاص تبغاها تتقدم لها ..والباقي بيصيرون في الأمر الواقع ويتقبلون ان شاءالله لاكن لو استشرناهم اكيد رح يرفضون ونكد ومعرف وش اما اذا حطيناهم في الأمر الواقع خلاص معد يمديها
نايف: طيب اسمع
خالد :هلا .... نايف :الحين اخوها احسه بينصدم صدمة عمره
خالد بضحك:اكييد ولا وش جاب مديره يتزوج اخته الرفلا
نايف بضحك:هيييه وشش رفلا هاذي القهوه الجديده ذي طريقتها روح ابحث وتثقف
خالد :اييه اييه جديده
نايف : يبه لاتكلمه الحين ابداً لين تقوم امي بالسلامه تماماً ان شاءالله يعني ممكن تدق عليه ويقولك على طول تعال خطبه او ملكه و امي لسا تعبانه
خالد :اففا عليك توصي علي انا .. بس ان شاءالله بعد الزواج حقنا بنبدا فيك
نايف ب استغراب:بتسوون زواج؟
خالد:لا يعني ماهو زواج زواج كبير لا كذا عزيمه كبيره بس ماهي زواج .. كيف اقولك ياربي يعني هي عزيمه تعتبر كبيره بس بمقارنه انها زواج لا يعتبر زواج صغير المعازيم اهلي وخالاتي وبناتهم وذولي واميره نفسي يعني مافي احد غريب وممكن الجيران نكلمهم ان شاءالله عيب مانقدر نسحب عليهم
نايف تذكر نكد عمته منيره وجدته :اايييه اريح لكم
اميره :وصديقاتي برضو مارح اسوي لهم سكب خالد وهو يغمز:وطالباتك برضو في احد بيفرح بجيتهم
نايف :الله عليك بس .. خالد :لاتصدق بس
نايف بتخطيط:لو عزمتوها بيكون سالفة خطبتي لها مره سهله جت العزيمه وانعجبت فيها امي وقالت تزوجني ياها تدخل العقل ل اهلنا واهلهم يعني اثنين في واحد
خالد :نايف .. روح البيت نام خلاص الحُب اثر عليك
نايف : سلامات تبغاني اروح عشان تزين لكم الجلسه بدوني ماني رااييح
خالد وهو يهوش له: مخلفين نشبه احنا استغفر الله بس
نايف بغرور وهو يكلم اميره:واحلا نشبه صح ولالا ؟
اميره ب استفزاز:لا طبعاً .. نايف بصدمه وتمثيل:ايشش! حتى انتي تغيرتي علي اخخخ يازمن غدار اخخ
خالد ضحك:ياخي كفو والله احسن يله انقلع
نايف وهو يسوي نفسه بيطلع :معد بقدر اكمل معليش انجرحت .. كمل لين وصل للباب
ولف بسرعه:يقول الشاعر ..
خالد بسرعه:لاتكمل
نايف :ياخي .. طيب والله جد لازم اروح انام عندي طياره الضهر
اميره ب استغراب:وين؟؟
نايف: جده .. رايح اجيب أغراض طالبها لي ٦ شهور ولي فتره م اجلها وكلمت شركة الشحن ورفضوا يرجعون يجيبونها ف اضطريت انا اروح لهم للمقرر الاساسي حقهم واخذ الاغراض من هناك
خالد :بالتوفيق .. لاتطول عشان اذا بيكتبون لاامك خروج تكون موجود ان شاءالله
نايف :ان شاءالله

..

استراحة مسعود ..
مسك خط بعد ماطلع من المستشفى للاستراحه
دخل بنفسيه سيءه وهو يدور على الشراب ومالقاه:اخخخ ياعيال الكلب مخلصينه الله لايوفقكم .. فتح له علب الدخان وهو يدخن
ويفكر: والله لاتندم وانا مسعود والله والله
فكر بخباثه ونجاسه بكل شي سيء ممكن يقدر يسويه لنايف وابوه ..: صدقني حتى امك مارح تسلم والله مارح تسلم مني خلفتك بالحرام ياولد الحرام ..