يادانه بعين بحارك🩵

البارت ١٣

خالد من كل قلبه:بخير دامك بخير .. لايكون صحيتك وانتي نايمه؟
اميره بخجل:لالا توني صحيت والله
خالد:اشوه حسبالي صحيتك .. طيب فاضيه الليله ؟
اميره بتوتر:ايه
خالد :اجل ان شاءالله بجيك على تسعه كذا اذا خلصت شغلي
اميره :حياك الله
خالد :الله يسلمك .. مع السلامه
اميره بحُب:مع السلامه

قفلت المكالمه بتوتر:يمه بييجي! وش اسوي الحين اف وش البس
راحت لغرفتها وهي تفتح الدولاب بالكامل وتشوف وش تلبس .. احتارت بين الفساتين كلها بس وقع الاختيار على فستان كحلي طويل بالكامل مع اكمام طويله وحلق مقفل

اختارت الكعب كان كعب ابيض ساده
طلعت الاكسسوارات والحلق ورده صغيره ابيض

خلصت من اختيار الفستان وركضت على طول الحمام تتروش

خلصت وطلعت وهي تجفف شعرها وطلعت للمطبخ تفكر وش تسوي من ضيافة

طلعت لها عجينة بُف باستري وهي تفكر تسوي فيها بقلاوه
شيكت على المكونات ولقتها كلها
بدت تسويها بتركيز عشان ماتطلع ولا غلطه فيها ..

دخلتها للفرن وراحت تخلص تنضيف المجلس
ماكان وسخ بس كان يبغى لها تعيد عليه شويه
شغلت البخور وحطته في المجلس وقفلت عليه

رجعت لحلاها وطفت عليه وخرجته وبدت تزيينه انتهت من اخر اللمسات وهي تحطه في صحن مرتب وتوديه على طاولة المجلس بدت تجهز القهوه السعوديه .. وخلصتها وحطتها في الترمس وودتها المجلس

خلصت من كل شي وبدت في نفسها
حطت الميكب الي كان ايلاينر ومسكرا وكونسيلر وقلوس احمر والكثير من البلاشر ..

لبست فستانها وهي تبتدي في شعرها
المره ذي خلته ستريت بالكامل
لبست الاكسسوارات وكل شي وناضرت نفسها برضا مسكت جوالها وانخرشت لما شافت الساعه ٨ وفي الخمسين

اخذت عطرها المفضل من ديور وهي تبدأ تتعطر .. نزلت للبخور الي في المجلس وهي تطلعه وتروح الصاله وتزيد بخور وتبخر نفسها وشعرها

سمعت صوت الجوال يدق قلبها جالس يدق معاه راحت له وهي تشوف المتصل خالد
ردت
خالد :الو
اميره بتوتر:الو هلا
خالد :انا جاي شوي واوصل بيتك افتحي الباب
اميره :تمام .

قفل خالد المكالمه واميره راحت على طول للمرايه وهي تشيك على نفسها.. جلست تناضر نفسها ماتبغى ولا شي يخرب راحت للمجلس تنتضره ..
شويات وسمعت صوت الباب قامت بتوتر وهي تحاول توخره ولا ويوضح عليها وفعلاً هاذا الي صار فتحت الباب بهدوء
دخل خالد وهو يسلم عليها
اميره وهي تمشي للمجلس وبخجل:هلا والله حياك
دخل خالد المجلس وهو يبسمل بهمس جلس على الكنبه واميره جلست على الكنبه الي مجمبه :كيفك
اميره بحياء:بخير الحمد لله انت كيفك؟
خالد :بخير الحمد لله .. عسى ماجيتك في وقت غلط
اميره وهي تتكي بيدها على المتكى وتنزل يدها :لا والله عادي حياك في اي وقت
خالد ب ابتسامه :قلت اليوم اجيك مدام اني فاضي واسولف معك