يادانه بعين بحارك🩵

البارت ١٢

بس ماقدرت .. وصلت البيت وهي خلاص بتنهار من التفكير!
:احسهم متعمدين يسمعوني انهم يتكلمون عني !مستحيل مايكونون انتبهو ان صوتهم شوي عالي واقدر اسمعهم..
معقول تكون من أقارب خالد؟ افففف
..
مسكت جوالها بدون احساس وهي شوي وبتتصل على خالد لاكن تداركت نفسها وتركت الجوال :افف مهبوله كان بيقول عنك خفيفه
.. خلي السالفه انسيها ممكن يحاولون يقهروني
يمكن يمكن من سوالف منيره وامها!عشان يبعدوني عنه .. خلاص اي اي متعمدين انتي بس انسي ولا تعطينهم الشي الي يبغونه

.. نقاشها مع نفسها عشان تحاول النسيان ..

بيت منيره .. عندها امها وخالتها

منيره بقهر:يمه والحل!والله ان تلعب بعقل خالد إذا وهو مطلقها مانشوفه الا قليل والحين تزوجها والله معد نشوفه وانه ليخدمها اكثر من مايخدمنا !
الام:ماسسمع كلاميي!ماسمع كلام أمه! الله ياخذها والله انها ساحرته ادري فيها عجوز معد جاها عريس قامت تحوم على ولدي لين اعرس بها .. جعلها للهلاك

الخاله الجازي: وانا ياوخيتي كنت اقولك زوجيه من بناتي لاكن لاتسمعين لي !وش فيهم بناتي بالله فهميني !
الام :انا الي رفضتهم!؟ولا خالد .. قالت وهي تقلده:ماابيهم صغار علي بيني وبين الوحده اكثر من ٢٠ سنه بربيها ماني داخل حياه زوجيه
الجازي بزعل:هاذا انا تزوجت زوجي وهو اكبر مني ب ٣٠ سنه لاكن عيال الحين ماعندهم سالفه .. والله ان بناتي ذهب وأنهم أثمن من العجيز ذيك لاكن شكلها ساحرته .. ولا وش اكثر شي يحبه الرجال اكثر من الزوجه الصغيره
منيره :والله ياخاله ماكان يصلح لخالد الا لمى بنتك اخ ياخاله اناقه وجمال وأدب وانوثه !لو تزوجها كانت الدنيا بخير

الام بتفكير:ان شاءالله انه ماخذها وهو مايشوف

الخاله بيأس:كيف بياخذها وهو قد تزوج ذيك !
الام بخباثه:ي يطلق ذيك ولا يتزوج لمى.. وعادي الشرع حلله اربع! في زماني قد تزوج علي ابوه وم اعترضت! لاكن الحمد لله ماتت قبل يتهنى فيها
منيره:يمه الله يصلحك تحسبين الكلام سهل زي الفعل!يمه ولدك خاالللد خالد العنيد الي راسه يابس اعوذ بالله .. والله انه حطها في عقله معد بيطلعها
الام:بتشوفين ....

.. المركز ..

وصلهم بلاغ عن بنت لقوها في الشارع مرميه وحالتها مزريه .. فاقده الوعي
شالوها للمستشفى وفي انتضار الشرطه تجي عشان يعرفون من أهلها..!

خالد وهو يطلع على نوع البلاغ:الله يسترنا بستره .. البنت يقولون واضح على شكلها انها في بداية العشرينات ويمكن اقل ! ان شاءالله مايكون الي في بالي وتكون مضيعه اهلها ونلقاهم
بدر بحزن:كانت قريبه من استراحة عزابيه ان شاءالله ماسوو لها شي
خالد :تجهز بنروح نحقق معها ومع الي جابوها
.. علم طارق معك بنروح انا وياك وهو
بدر:ابشر طال عمرك