Firefighter Transmigrated into the Mafia Boss Foolish Daughter

Chapter Five

FTMBD

Frustrated akong napabuntong-hininga. Hinanap ng mga mata ko ang cellphone na pagmamay-ari nitong bruha. Nang hindi makita ay tumayo na ako para buksan ang mga kabinet. Nahanap ko naman ito sa kaniyang study table.

Pagbukas ko'y napagtanto kong hindi mahilig sa password ang bruhang 'to. Napatulala pa muna ako sa wallpaper nito bago ko buksan ang kaniyang social media.

Sinong hindi matutulala kung mukha ng isang lalaki ang nandito?! Siya na ba iyong lalaking hinahabol-habol niya? Ang pangit! Okay, OA lang talaga ako manlait. Puwede ng ipanglaban ang mukha niya kina Daniel Padilla at James Reid.

"Para sa 'yo, ang laban na 'to~," naikanta ko nalang nang maalala si Daniel.

T--teka... Parang may mali sa lyrics ko? Mukhang tama din naman. Si Daniel Padilla naman ang kumanta no'n, right? Ahh nevermind!

Nagpunta kaagad ako sa trending lists at doon nga ay nakita ko ang mga kahihiyan na ginawa ni Cosette sa sarili niya nitong mga nakaraang araw. Naroon na may picture siyang may cake ang mukha.

Ayon sa mga comments ay hinablot niya daw ang kamay ng First Young Master Flauntleroy pero hindi sinasadyang matabig daw nito si Cosette kaya ito ang resulta.

Yah! Anong hindi sinasadya?! Sa hitsura ng bruha ay halatang forcefully siyang tinulak doon eh! Iyon din ang nasa alaala ni Cosette, sinadya siyang itulak ng lalaki pero pinalabas nitong aksidente lamang iyon.

Biglang tumaas ang altrapresyon ko kahit anemic naman ako sa sumunod kong nakita. Sa picture kasi she's running after the car na papalayo yata sa kaniya.

Sabi sa comments na nabasa ko'y sabay daw talagang nagtungo sa event na 'yon ang dalawa, sa pag-aakala ng lahat na maayos na sila ay nagulat nalang sila na umalis mag-isa ang First Young Master habang naiwan naman ang luhaan na si Cosette.

Baka akala ng bruha na nasa taping sila at gumagawa ng drama! Naiimagine ko kasi ang ginawa nito basi sa mga napanood kong kdrama noon. Nakakaawa ang bruhang 'to, sa totoo lang. Naaawa ako sa mga katangahan niya sa buhay.

May nabasa pa akong mga comments na dumagdag lamang sa kulo ng dugo kong three percent nalang yata ang content.

Sinabi ba naman ng mga 'to na wala daw kasalanan ang First Young Master sa katangahan ni Cosette. Tapos sinabi pa nilang deserve daw ni Cosette ang nangyari kasi nakakahiya daw itong kasama. May isa pang nagsabi na baka daw ginalit ni Cosette ang lalaki kasi mabait naman daw talaga ang First Young Master ng Flauntleroy.

Pinatay ko ang cellphone ni Daisy at tinapon sa gilid nang matapos ako sa pagtingin ng mga kahihiyan niya at pagbasa sa mga public opinion na wala naman akong pakialam.

'Walang pakialam pero gusto mo ng pasabugin ang mga bahay nila? Hay naku, bruha!'

Masyado silang bulag dahil sa guwapo daw ang lalaki. Anong kinalaman ng kapogian niya kung pangit naman ang pag-uugali niya?! Tsaka saan banda ang mabait sa mga kilos ng hayop na 'yon?!

Mga bulag ba ang mga tao sa mundong ito? My gosh!

Napahawak ako sa sintido ko't marahan itong hinilot. Nakaka-stress. Ilang araw palang ako sa katawang ito pero parang mauubos na yata ang buhok ni Cosette dahil sa sobrang stress na nararamdaman ko ngayon.

'Kumalma ka lang, gaga! Wala ka pa nga sa exciting parts pero nadadala ka na kaagad sa emosyon mo! Hintayin mong dumating ang mga main characters para malaman mo kung anong stress level ang kaya mong i-endure!'

Siguradong makakalbo ako kapag sumulpot nalang bigla ang female lead, lalo na ang mga male characters.

Speaking of male characters, Cosette's older brothers are one of the female lead's harem. Nang mabasa ko ang tungkol doon sa nobela'y halos malaglag pa ang panga ko. Sinong mag-aakala na hindi lamang harem ang meron sa nobela, may polygamy din!