لبوة الـفهد

بارت 1

وَغدًا سَأَمْشِي
فِي الدَّيَارِ لعْلَّهَا
تَأتِي خُطَايَّ عَلىٰ
خُطَاكَ تَضُمُّنِي .

گعدت لگيت روحي مشموره بغرفه كبيره وكلش مرتبه وبيها ضوء خفيف من الشباك بارده كلش وگفت اسند روحي على الميز حتى اطلع من الغرفه واحس الدنيا تفتر بيه من الدوخه وصلت يم الباب وطلع مقفول شگد صيحت صوتي راح حتى بس يجي احد يفتح الباب بس لا حياة لمن تنادي  ماكو ولا بشر البيت هدوء كلش بحيث اذا توگع ابره ينسمع صوتها گعدت يم الباب ولميت إيدي على صدري وابچي كل ما اتذكر الي صار وياي وليش هيج الدنيا قست وياي واني بعمر صغير بس لازم اقوي روحي ومابين ضعفي إلا لرب العباد الي يحس بينا وكلش قريب علينا وحتى اقرب النا من حبل الوريد ....
في يوم ما في شهر يوليو ولدت فتاة
قويه مكافحه ذات عيون بُنيه واسعه  وجميله ذات بشره سمارها خفيف وشعر اسود جميل طويله صاحبة الخصر الجذاب تحب الحياة والمرح طفوليه جداً تحب أباها مجتهده في دراستها وتحب المنافسه وتهوى الصِعاب ولا تخشى المخاطر لبوه في كل معانيها قست عليها الحياة بـ أغلى ماتملك ولكن هيهات اذا سقطت يوماً بقت على إتزانها وثباتها تواجهه عواصف الدنيا القاسيه الفتاة الملقبه بـ ريمان

طبعاً ريمان طالبة صف خامس علمي دتدرس حالياً
هواياتها القراءة والتنظيف وتحب صديقاتها كلش وذكيه وفطنه ورزنه كلش صح لطيفه بس شخصيتهااا يمه تخبلل كلش قويه تركز على كل صغيره وكبيره حذره كلش تخطي خطواتها ببطء حتى متتندم على شي من تسوي ماتثق بالناس ومتختلط هواي مو شوفت نفس لا بس غدر اقرب الناس الها سواها هيج مرأة أنجبتها تجارب الحياة الصعبه امرأة خلقت من نصل الصعاب من نصل والنفاق والغدر أتُراها تُهزم؟

في جانب اخر
هنالك من ولد في عائله يفتقرون الحُب والحَنان والعُطف اغنياء بالمال وفقراء بالأحساس ولد الشاب فهد صاحب العمر 20 طبعاً فهد عنده اخت وحده واخ واب وام وما شاء الله الله يحفظهم عائله كامله حتى اجداده عايشين طبعاً فهد من صغره عاش شعور التفرقة بينه وبين اخوانه وما عاش شعور الأمان بحضن امه لأن بهاي العائله يتربون الأطفال من يولدون لحد ميكبرون على ايد المُربيات فهد علاقته كلش حلوه بـ اخوانه عمران وميار طبعاً عمران متزوج بنت عمه الكبير ساره وصار الهم تقريباً 6 شهور متزوجين ومعدهم أطفال وميار تدرس وابو فهد وجده كل وقتهم وحياتهم بالشغل وكذلك عمران كل حياته سفرات وعمل حياتهم كلش عمليه لدرجه فهد يدرس كليه عسكريه فهد شخصيته كلش حلوه طويل ومو سمين جسمه كلش مقبول بشرته بيضاء  وعيونه وساع وحلوه لونها كلش مايل للأصفر بلون العسل هيج شي وكلش هيبه ورزن شعره اشقر بس مو كلش ولحيته كذلك ومعضل هادء وعصبي حنون وقاسي صلب وليّن قوييي جداً لأبعد الحدود لايهاب المخاطر يعشق الصعاب والموت رجل صُنِعَ من القسوه شامخ كالجبل رأسه ميگصه السيف مثل ميگولون رجل حكيم نبه فطين شُجاع في حضوره ترتجف حبال الكذب والقتل والنفاق والخداع ذكي جداً ويحسب للخطوه الف حساب قبل لا يخطيها