{ فهد}
گعدت العصر تقريباً وانا حيلي مهدود وتعبان بس ماريد ابين لـ أهلي حتى مايقلقون عليَّ سمعت
الباب يندگ دخلت عليَّ ميار يااخي شكد احبها
اتمنى عندي اخوات بعد ويشبهون ميار
املك كنوز الدنيا
ميار مثل بنتي وانا احب ادللها وهي ممقصره
وياي تعتبرني مو بس اخ انا الها اب ' واخ ' وحبيب ' وسند ' وملجأ
كلشي احجي بحقها قليل أميرتي الصغيره المُدلله هاي
ميار _ فهودي عادي ادخل؟
فهد _ اي عادي تفضلي حبيبتي
_ عمري شلون صرت هسه احسن؟
_ مبيه شي يگلبي ليش خايفه انا هاا كدامج شوفيني حديد.
_ اكيد انت سبع ماينخاف عليك .
_ اي لعد ليش تخافين؟
_ انت كلشي بالنسبه الي طبيعي اخاف عليك من بعدك ما الي سند .
_ عمريي انتي شلون دروسج وامتحاناتج ؟
_ كلوو تمام اخيتك بعد ... گلتها وغمزت .
_ عفيه بروح اخوها حبيبي انتِ .
_ فهد؟
_ روحه لـ فهد .
_ يعني هسه هاي ... اشرت على مكان الجرح ... توجعك صح؟
_ يعني مو كلش.
_ فهد انت ليش متحب تبين ضعيف ومتحجي ومتفضفض لـ أحد؟ مع العلم انو كل انسان وعنده شي بداخله كاتمه وكلش يأذي هلشي مو المفروض تحجي حتى ميبقى يدمر ويأكل بيك من داخلك؟
_ اكيد ماكو انسان ماعنده شي كاتمه وميريد يحجي
بس يا حبيبتي بهذا وقتنا ماكو أمان القريب منك يخون لازم مانثق بـ بشر او نحجيله كل اسرارنا لان ممكن بيوم يستغل هلشي ويستخدمه ضدنا مو صح؟
_ اي صح
_ اي عفيه اريدج فطنه ونبهه كلش ومن كل شخص ماعدى ساره البقيه ابتعدي عنهم قدر الأمكان لان
انا لو ماعرفهم هم شنو ما اكلج ابتعدي عنهم انا تهمني مصلحتج كلش .
_ حبيبي انت شايل هم البيت كله وشايل همنا واحنه
ولا يمنا الموضوع انت اكثر واحد تتعب علمودنا .
_ انا تعبي هذا كله يروح فداء الكم وربي بس اشوف ضحكتكم واشوفكم مرتاحين انسى كل تعب بيه .
دنحجي انا وميار ودخل جدي
مُهيب _ الله يساعدهم .
ميار + فهد _ ويساعدك جدي .
مُهيب _ شلون صرت وليدي .
فهد _ عالِ العال جدي انا بخير الحمدلله.
_ الحمدلله دائماً وابداً
ميار _ انا اترخص منكم راح اروح
فهد _ غاليه ومترخصين ابد .
_ حبيبي فهوديي .
مُهيب _ فهد ابني انت لازم تكون حذر بعد اكثر
اعدائك هواي وبكل مكان ليش ماتخلي حمايه او فد رجال وياك؟
أنت تقرأ
لبوة الـفهد
Teen Fictionبِـذاتِ اللهَفـةُ الأولـىٰ، وُ بِڪُلّ المَشاعِـر الَّـذيّ أمَـلك، أنا أحبّـكَ عَلىٰ الـدَوامِ.🖤
