#بقلمي الكاتبه طَيف الدليم
طبعاً بما ان الأبطال من الأنبار الكلام كله راح يكون باللهجه الأنباريه
بعد اسبوع
من داخل المخفر
والدة الطفله المقتوله _ أبني اريد حق بنتي اليوم انا ما اتحرك من مكاني ألا وحق بنتي وياي
فهد _ خاله تدللين من هاي العين قبل هاي العين وحق بنتج محفوظ ان شاء الله مايروح هدر وانا عد كلمتي
_ اريد هـالنذل الحقير ياخذ عقوبته اليوم
ولك ليش تسوي هيج بنتك هاي بنتك هي تسوي بيها وحيدتي وفلذت كبدي راحت مني بسببك يا ضالم حسبي الله عليك دنيا وأخره
والد الطفله _ سيدي ارجوك تتفهمني انا والله ماجنت بوعيي وما صاحي على إلي سويته
_ اسكت ولا حرف لك شلون طاوعك گلبك تسوي هيج طفله هاي طفله شنو شافت من حياتها وتجي انت إلي حسافه بيك كلمة بابا صدگ رب العالمين ينطي النعمه لـ يلي ميستاهلها ناس تروح وتسافر وتفحط وتدفع نص عمرها حتى بس تشتم ريحة طفل وانت تجي بهـالسهوله تقتل بنتك
_سيدييي واللـ...... قاطعه فهد لزمه من ياخته
_ كافيييييييي اسكت لاتحجييي صوتك ماريد اسمعه
نزل بي فهد ضرب بوكسات راشديات وضربه على راسه بغمه اغمى عليّ من قوتها وگع ماتركه فهد بعده يضرب بي فهد نزل الدم من راسه وايده صارت كلها دم من الضرب إلا اجه مُهيمن يلا گدر يخلصه من إيده
فهد _ مُهيمن خلي ياخذون هـالكلب من هنا بسرعه قبل لا اجرم بي واخلي موته تصير على ايدي
_ صار صار بس اهدء شوف شسويت بروحك بس والله يستاهل كفو ماقصرت
_ شگد ضربته وبعد دمي يفور عليّ
_ اني گلبي انفطر عليها شلون هو ابوها وهيج يسوي
_ تعال خلي اضمد ايدك لا تلتهب
{ ريمان }
اليوم بابا ينزل من الدوام وكلش فرحانين سوينا الاكل الي يحبه ورتبنا البيت وگاعدين ننتضره يوصل لان كلش مشتاقيله التمينا كلنا بالصاله ننتضر اني واخواني وماما وزيد يداهر بـ شهد وهي تتخبل واحد يركض ورا الخ وحمودي گاعد يلعب بالفون واني وماما دنحجي وجان نسمع صوت السياره مالت بابا والباب انفتح وطل علينا أجمل أنسان بحياتي بابا طويل واسمر وعيونه ملونه كلش حلوه تلمع شعره الاسود ولحيته يجننن هيبته ورزانته يمه شنو احجي بحقه قلييل دخل وكلنا تجمعنا داير مدايره واحتضنا بحضنه الدافي وحنانه بعدها ارتاح وگعدنا على السفره وخلص يومنا كله مسامر وحجي وضحكاتنا تارسه البيت هاي اللحضات إلي الله لا يحرم احد منها ابد
طبعاً جان مباقي شي قليل للمدرسه فـ قررنا نشتري ملابس وهاي الشغلات
تجهزنا كلنا وطلعنا بالسياره ويا بابا وطول الطريق الاخوان ماسكتوا بس يحجون صرعوا راسي صرع وانا كاعده طول الطريق صافنه على المنظر وجان ياخذني التفكير لغير عالم يعني وين راح نصير ونوصل وشنو راح يصير بعدين وحياتنا راح تتغير لو تبقى هيج حلوه وهادئه
بس لو ممفكره احسن .....
أنت تقرأ
لبوة الـفهد
Teen Fictionبِـذاتِ اللهَفـةُ الأولـىٰ، وُ بِڪُلّ المَشاعِـر الَّـذيّ أمَـلك، أنا أحبّـكَ عَلىٰ الـدَوامِ.🖤
