Part2
داخل قاعة الاختبار:
كانو البنات يحلون بعمق ولكن ريم كانت تحل عشوائي مايهمها شيء خلصت بدري ريم لفت عليها المراقبة تقول خلصتي
ريم: اي خلصت
المراقبه :راجعي ي بنتي بسرعة كذا خلصتي مايصلح
خلصو البنات اختبار
وبدأت الاهالي بمناداة بناتهم
عبدالله :وصل المدرسه على الوقت ومعه قهوه راح ينادي لمياء بالمكرفون طلعت له لمياء وتوجهو للسيارة كيف اختبارك ي لولو
لمياء :اخس لولو غريبة لكن اختباري جميل عال العال
عبدالله : ادري انك بتفلحين بس أنتِ عندك رهاب ماقبل الاختبار لو تفتكين منه
لمياء : ماشاء الله عليك تدري وش احس فيه
عبدالله :اي معليك تراي شاطر مره بذي الاشياء اي ترا جبت لك قهوه خذي يلا بنروح للبيت الحين ابوي الصدق عيا أنه يخليني اطلعك عشان يقول مالها الا البيت
لمياء :اصلًا عادي تعودت معد اهتم ، تكذب لمياء بس عشان ماتبين لاخوها شي وكانت تصيح من تحت النقاب على معاملة ابوها لها والتشدد هذا
الام :ها لولو كيف اختبارك
لمياء: يجنن يجننن اختباري مره حلوه حليت زين
الاب: لمياء ترا الإجازة مابي اقول الكلام مرتين أنا ترا من خوفي عليك امنعك لكن الاجازه اشغلي نفسك في ماينفعك طلعات مافي لحالك والروحية تروحين توصلين أقاربك مع امك فقط لا غير
لمياء :وهي كاتمه الصيحة من السيارة سم يبة راحت وقفات الغرفة وجلست تصيححح بكل قلبها وتقول ليه ابوي كذا ليه ليه كذا تفكيره ،وعدت نفسها انها تجيب نسبة تدخلها الجامعة الي تبيها وتغير الفكره الي كانو بانين رفضهم للدراسة عليها
مرت الايام وخلصت لمياء الثانويه
في يوم التخرج عزمت فيه روز لأنها كانت قريبة لها مثل الاخت وامها
الام:مبروك ي بنتي ومنها للاعلى ومعليك أنا بساعدك وبحاول اقنع ابوك تكملين الجامعة
لمياء :يارب يوافق يارب
روز :مبروك لولو اهخخ اخيرا تخرجتي وبدرس الجامعه معك يارب مايردوني املي كبير ضيعت سنه من عمري عشان انتظرك لعل وعسى يوافقون
نجد :ي خاله بطلبك طلب
الام :امري ي عيوني
نجد : ي خاله أنا أعرف ابو لمياء شديد لكن مانبي لمياء تنقطع عنا بعد الثانوي ومانشوفها مقدر احس صحبتي من الابتدائيه وبكذا بعد الثانوي معد به تلاقي تكفين ي خاله مابي كذا ابي يكون بينا مقابلات وكذا
الام :بس ي نجد ابوها شديد مره مقدر اطلعها هو يرفض تجون الله يحيكم البيت مفتوح لكن تطلع والله مقدر سامحيني ي بنتي
نجد:حاولي عشاني ي خاله على الأقل خلوها على تواصل معانا
الام :يصير خير
وبعد الحفل رجعو البيت
ورجعت روز متأخر طبعًا من لقت مستنيها اخوها رعد
روز : بسم الله خرجنا وبسم الله ولجنا وعلى الله توكلنا
رعد :الحمدالله على السلامه خير تو تشرفين الساعه تدرين كم هي ١٢الليل كل ذا حفل تخرج
روز :انت علامك علي وش سويت ترا معزومه وحفل تخرج بنت عمي ورائحه مع خالتي مافيها شيء ماهو عيب ترا
رعد:ايش تراددين بعد اقول يلا بس ابوي بياصله العلم والجامعة الي كنتِ متأملة انك بتدخلينها احلمي بعد رجعتك اخر الليل
روز :طيب خلصت خلاص بروح انام ... روز بضيقة راحت لغرفتها وجلست تصيح من قلبها جلست تقول ضيعت سنه عشان تفكيركم والحين اخويي يحاول ينهي مستقبلي ليه ي ربي ليه
دق الباب
روز:مين
أنا رائد
روز :رائد روح بنام
رائد: والله ما اتحرك لين اسلم عليك جاي من سفر وتعبان وجاي اسلم عليك وماتبين تفكين تبين تنامين افتحي لا ازعل عليك
روز :طيب بفتح
رائد:كيفك روزي ليه ماتفتحين
روز : ي رائد ضايقة فيني ضايقه مره
رائد:علامك ي عيون اخوك وش ضايق فيك
روز:تعبت ي رائد تفكير ابوي ورعد هدني هدني ابي اكمل مستقبلي لكن هم موقفين بوجهي ورعد يقول أنا بخرب عليك حتى لو بيوافق ابوي ليه كذا هو ليه يكرهني هو وكان رعد يسمع من عند الباب
رعد : قعد يقول مع نفسه أنا ماودي كذا ي روز بس ابيك تعامليني زي رائد معد اقدر اسوي الا عشان تحسين لي مكانه بالبيت
رائد :خلاص معليك مايصير خاطرك الا طيب وترى رعد يحبك حاولي ي روز لو تجلسين معه وتسولفين وتحسسنينه أنه مهم بحياتك مو تطنشينه اكيد بيحز بخاطره
روز :بحاول والله بحاول أنا أحبه ي رائد بس هو يزعلني احيان اي خلاص اترك عنك الكأبه وين رهف وركان ووعد وحشوني
رائد:وابوهم ماوحشك شوفيهم تحت
روز :وخر بس انت توب ون بس وعوده تجنن هي وعيالها احبهم
رائد: الله يديم المحبه ، وانا بكلم لك ابوي عن الجامعه انك تجين معي الرياض
روز : شكرًا ي رئودي شكرًا
رائد :رئودي وش اص بس
رائد : متوجهه لابوه دق الباب
الاب:هلا من ادخل
رائد:السلام عليكم هلا بك والله
الاب: أرحب ي رائد أرحب حمدالله على السلامه كيف الاخبار
رائد :معليك كل الامور زينه وطيبه كيفك انت
الاب :كلشي على ماتحب وترضى
رائد:ابوي بغيتك بموضوع
الاب : أمر علامك خوفتني
رائد: مامن شيء يخوف بس ابوي تكفى لاتردني قبل شوي كنت عند روز وكانت مره متضايقه عشان انها ضيعت سنه مادرست الجامعة وهي ودها تكمل وتحقق حلمها وأبيك انك توافق أخذ روز معي الرياض واتكفل بدراستها وارجعها لك
الاب : وش هذا الكلام ي رائد وأنتِ ماتعرف أنه مايصلح البنت تكمل دراستها البنت مالها الا بيت زوجها
رائد:تكفى صدقني بتغير فكرتك وانا بكون مسؤول عنها بس بخليها تدرس وانتبه لها من كلشي صدقني
الاب :الموضوع صعب ي رائد وش بيقولون العالم
رائد: ي ابوي تراهي رائحة تدرس مع اخوها مب عيب ولا حرام
الاب : خلاص ي رائد مايصير خاطرك الا طيب
رائد : الله يسعدك بتشوف وش كثر بتستانس روز
الاب: أن شاءالله
عند روز
رهوفي لالا لاتهاوشين ركان
رهف :هو نونو أنا كبيره لازم يسمع كلامي
روز: لا يروح عمه لازم تعطفين عليه عشان يصير يحبك
رهف : ابشري ي عمه
وعد : خليهم ي روز وحشتيني تعالي سولفي لي
روز : اهخ أكثر ي روحي والله مامن جديد تعرفين كيف وضعي
وعد: ليه عمي للحين معيي تكملين الجامعة ؟
روز :اي والله معيي ي وعد ودي يوافق رائد قال بيكلمه بس اعرف راس ابوي يابس
أنت تقرأ
تعبت من الرضا بالواقع الكذاب
Poetryنُبذة تدور الرواية على بنت تحاول وتسعى عشان تكسر عين كل من قال بنات الديار اغبياء ومايفهمون بالعلم وأنهم غير متحضرين عمومًا بتفهمون بالاحداث الي صار ...
