اصبحو كلهم على خير وكانو يتجهزون لصلاة الجمعه
روز: عيال عيال تبون نسوي قهوه
الاب عازم : ابك ركبي لي قهوه كايفه
روز:ابشر ابشر يبه
الاب : تسلمين ي بنتي ،يلا ي عيال الصلاة الصلاة
رائد: هذاني جاهز يبه
رعد: وانا قضيت خلاص يلا نمشي
الاب : يلا يلا لا اله الا الله توكلنا على الله
راحو الصلاة كلهم وبعد الصلاة جو
الاب: روز روز
روز: هلا يبه الله حيهم
الاب: الله يبقيك ي بنتي،جهزي القهوه بالمجلس خبرك اليوم جمعه ماندري من بيجي
روز: سم سم
الاب : كفو ي بنتي
روز: كفوك الطيب
رعد: يبه يبه ترا دق علي محمد يقول بيجي يتقهوى عقب صلاة الجمعه
الاب: اجل الحين شكله على وصول يلا يلا روز وديني القهوه
روز: ايه يبه ايه
الاب: روز سنعي الغدا ، للرجال
روز: سم سم ، رعد تعال ابيك تطلع تجيب نواقص البيت عشان العزيمه
رعد: يلا الحين بجيك صبر
روز: اعجب اعجل
رعد: هاه يلا بجيب شماغي واجيك ..... جيت هلا وش الناقص
روز: جب لبن ،وطماط ،وخضار سلطه ،وجب لحمة حاشي إكرام الضيف وتمر وقهوه وسكر وشاهي
رعد: ارفقي بي ي بنت
روز: علامك عاد داق يستعزم منك مالي شغل
رعد: ابشري بجيبها
روز: اعجل لازم اسوي الغدا بدري ، تعرف ابوي عجل
رعد: يلا
رائد: صباحو
روز: حنا ظهر ي ابو ركان
رائد: ماعرفت من هو ابو ركان
روز: أنت أنت ولدك ماهوب ركان
رائد: ايه غريبه مو من العوايد
روز: لازم نكبرك حتى طالع لك شيب ي شايبنا الصغيرون
رائد: اي ادري بصبغه قبل العيد
روز:تقوله صدق مو مشوهك الشيب
رائد: انتهى أنا بشبابي لازم ما اقعد مشيب
روز: اي يابو الشباب رح رح للرجال بالمجلس
رائد: أما عاد من هو جاي
روز: مدري بس الغدا عندنا
رائد: ابك ي وجه الله أنا معكم بالبيت اجل لو اني مهاجر بناديلك وعد تساعدك
روز: يلا زينن زينن
وعد: قالي رائد عندكم غدا جيت اعاونك بدق على لولو تجي
روز: سبقتك عزمتها
وعد: اخس اخس بقولها تجيب لنا من دانكن
روز: اي والله حلو
وعد :يلا .......الو لولو جيبي لنا معك قهوه من دانكن
لمياء: اي يلا يلا خلاص ابشرو وش تبون ولا اجيب على ذوقي
وعد: الي على ذوقك
روز : اي خل تجيب دونات
وعد: لولو جيبي دونات
لمياء : روز الي تبي صح
وعد: ايه ايه وش عرفك
لمياء: اختي الروح بالروح
وعد : اححمم احمم تراي اختك
لمياء : اكيد اكيد
وعد: يالله سلام ورانا شغل
لمياء : يلا سلام
عند الرجال ابو عازم يهلي ويرحب
الاب : رائد رائد
رائد: سم يبه
الاب: اعزم عمك راشد مهما كان له مكانة بينا
رائد: سم سم بروح لبيته مخصوص
الاب: ايه ازين
رائد راح متوجهه لبيت عمه راشد دق الباب .....
خالد: من
رائد: أنا رائد فك فك
خالد: يلا
رائد: سلام عليكم كيف الحال رائد
خالد: كلشي على ماتحب أمر شبغيت
رائد: مايامر عليك ظالم بس الوالد فيه
خالد: ايه داخل ،اقلط الله يحيك
رائد: البقى السلام عليكم ي عمي
راشد : وعليكم السلام هاه علامك ي رائد وش بغيت
رائد: والله الوالد ملزم علي أجيك اعزمك مخصوص الغدا عندنا
راشد: اي وانطرد نفس اول زعلي كايد ي رائد كايد
رائد : مالك الا الرضا ي عمي بس الله يحيك
راشد : اعتذر ي رائد اعتذر
رائد: عشان خاطري ي عمي تعال
راشد: والله إنه لو بجي عشانك ي رائد غلاتك من غلاة خالد
رائد :الله يحيك انت وخالد
خالد وراشد البقى
توجهه رائد لبيتهم عند ابوه عازم
رائد: ابوي عزمتهم ولزمت عليهم ولا عمي زعلان والله
عازم: ابك ي رائد انت شفت وش سوا "تعبت من الرضا بالواقع الكذاب" تعبت ي رائد
رائد: ي يبه هو تعب تعب من فراق بنته ف طبيعي تلاقي ردة فعله كذا وانا متأكد أنه يحبك ولا يرضى عنك الغلط
عازم: يالله يارب يعدي الموضوع على خير
عند راشد وولده خالد
خالد: يبه مانك بشايل بقلبك على عمي عازم صح
الاب راشد: كسرني ي خالد ماكنت ناوي ازعله
خالد: ...يبه اصبر جوالك يدق
راشد: منهو ذا
خالد : محمد محمد
راشد: والله اني مادانيه
خالد: عاد شالسواة رد
راشد:عطني الجوال
خالد: سم خذ
محمد: سلام عليكم ورحمه الله وبركاته
راشد : وعليكم السلام ورحمه الله وبركاته
محمد: اقولك راشد بتروح لغدا الخسيس عازم
راشد: موضوع صار بيني وبينه انت مب شغلك وغير كذا ما اسمح لك تغلط عليه مفهوم واي بحضر فيها شيء خويي وعزمني
محمد: اسفين بس لاتتصنع تراك واضح
راشد: تعرف تروح عني قال تصنع هذي خوه بينا عيش وملح نزعل عشان موضوع لا قدم ولا اخر ؟
محمد: اي بس كنت أحسبك تكرهه وتدور عليه الزله
راشد: أنا ماعمري كرهت
محمد: خلاص سلام بس قلت بشوف إذا بتحضر بحضر معك
راشد: بيت صاحبه انت سابه ارجوك لا تجي
محمد: تطردني من بيت خويك
راشد: اي لا احترمت نفسك يكون لكل حادثة حديث
محمد: طيب زين سلام اخذت كلام بما فيه الكفايه
راشد: أنت ذا الي تبي توصل له سلام
بالعزيمه عند عازم بدأ يهلي ويرحب بالضيوف
ومن بين كل الضيوف دخل راشد وولده خالد وقام له عازم
عازم: أرحب أرحب ي راشد تو مانورت
راشد قرب من عازم:مدري هذا عشان غلاي عندك ولا عشان الناس يشوفون
عازم: والله ماكذبت أن غلاك عندي يسوى الدنيا لكن زعلتني ي راشد يوم قصدتني بالكلام قدام الرجال
راشد: أنا ماكنت قاصد اسوي كذا لكن حديتني انت
عازم: حصل خير واحنا اخوان
راشد: حصل خير والسموحه
عازم: السماح مابينا ي خوك ماكان به زعل عشان يصير سماح
راشد: ودي اكلمك بموضوع
عازم: أمرني
راشد: بعد مايروحون الضيوف
عازم: الي ودك فيه
محمد: اقول ي عازم
عازم: سم
محمد: جيتك اليوم بموضوع وان شاء الله ماتردين
عازم: اطلب وان شاء الله ماتنرد
محمد: ابي اخطب بنتك روز لولدي ماجد
عازم: والله ي محمد الموضوع كبير كبير
محمد: خذ وقتك وفكر
رعد:رائد رائد ي ولد نسيت الموضوع
رائد: اي موضوع
رعد: روز روز
رائد: علامها
رعد: يوه ي رائد خالد يوم كلمنا أنه يبي يخطب روز وقال لنا نقيس نبضها
رائد: ابك وش ذا خطبها محمد لولده تهقى الموضوع الي عمي راشد بيكلم ابوي فيه خطبة روز؟
رعد:اهقى ونص
عازم: ي عيال صبو القهوه رعد تعال ابيك
رائد: أنا بصب القهوه ورح يرعد لابوي
عازم: اسمع رعد رح لروز وولم معها الاكل وحطه بالمقلط وإذا خلصت علمني اقلطهم
أنت تقرأ
تعبت من الرضا بالواقع الكذاب
Poetryنُبذة تدور الرواية على بنت تحاول وتسعى عشان تكسر عين كل من قال بنات الديار اغبياء ومايفهمون بالعلم وأنهم غير متحضرين عمومًا بتفهمون بالاحداث الي صار ...
