قامو البنات يجهزون لان بكره بتكون ملكتهم كانو يجهزون ليوم الي تتغير حياتهم لحياه مشتركه مع شخص ثاني فجأه لمياء سرحت بأفكارها بعد مارجعت من السوق جلست تفكر بوحدتها بطريقة فقدها لأهلها وكيف بتبدأ حياه مع شخص بدون امها وتعليمات ما ام لبنتها نزلت عليها دمعة شوق لامها بينما روز تجهز اغراضها لفت روز ولقت لمياء تبكي بسكات
روز: لولو ليه يعيوني وش مضيق بخاطرك ومكدرك قولي لأختك اختك الي تبيع العالم لاجلك قولي ي عيون روز ***طبعًا روز تدري ليه زعلانة لمياء عشان كذا تحاول تواسيها
لمياء: ليه انا وحيده كذا بدون ام ولا اب حتى اخوي راح اكره الفقد أكرهه
روز: زعلت عليك وانا مو اختك
لمياء : شدعوا روزي انتِ احلى اخت والله احبك
روز: اسمعيني عندي فكره وشرايك نسهر والسهره صباحي ونطلب رعود يجب لنا قهوه وفطور الفجر فلهه
لمياء : اقول اهجدي بكره الملكه واطلعي ي حلوة برقد الساعه ١الفجر
روز:تطرديني بحق أنا ماعندي كرامه بجلس
لمياء: ابك بكرامه ولا بدون روزي والله برقد أنا اعرفني نومي ثقيل
روز: ترا بصحيك بكره دام حكمتي نرقد
راحت روز وعلى طول دخلت بالنومه ^^^هذي الاخت الي تبي تسهر
جا رعد ورمى من تحت الباب ورقة ل لمياء كاتب فيها ابيات من الشعر
اي شعر أنا الي اكتبه***.
أنا مُحِبك الي رضيتي فيه
حبيتك وانا الي كنت جاهلٍ بالحب
كجهلي وانا مادري وش كان هالحب
الحب وجعني كثير فيك لكن
سبحان الله الي ربط على قلبي وجبرني فيك
حبيبك يحتري اليوم الي تمناه
يمشي فيه اليوم كنه سنه
حبيت اهنيك في قبولك بي
وابشري بالي زين حياتك معي
ياحلو سيرتك وطاريك كل
ماقالو اسمك فزّيت وقلبي معه
اختم ابياتي الي كتبتها بلهفةٍ احتريك
كلمة مُحب ماوراه أحد
ودعتك الله ي قلبي الي احتريه
انتبهي على نفسك ياروحي من التعب
انبسطت لمياء من الشعر فرحت أنها تحب أحد حاب الشعر زيها توجهت تنام وهي مبسوطة مره
اليوم الثاني البيت استنفار يجهزون ووعد ورائد جايين فالطريق
عازم: رعد رح ي ابن الحلال جب الذبيحه عشان الملكه اليلة سرعه
رعد: ابوي أنا المعرس حرام عليك خل اتزكرت
عازم: اقول بتمشي عني وتجيب ولا نكنسل
رعد: لا التوبة تحضر لك احسن ذبيحة ي ابو رائد
عازم: عز الله ما تمشي الا بالعين الحمرا
طبعًا معلومة صقر ولد خالة لمياء كان يحبها ويبيها لكن جاه رفض أكثر من مره صقر حقد لكن يوم سمع بخطبة رعد من لمياء عصب واشتد عليه الغضب ونوى الانتقام
نكمل بالاحداث وتفهمون القصه
رعد توجهه لسوق الغنم وخلص على الذبيحه ومر الحلاق يحلق ورجع البيت
رعد: يبه الذبيحه وديتها الطباخ يطبخها
عازم: زين زين المغرب يلا قدامي للمسجد
رعد: يلا ابشر بغير ثوبي بس
عازم: لاتطول بسرعه يلا
رعد راح غير ثوبه وطلع مسرع لاتفوته الصلاه، بعد الصلاة بدأو يجهزون للملكة ومحتاسين بنفسهم وبعد العشاء بدو الضيوف يجون وبدأ عازم وراشد يهلون ويرحبون لان عيالهم الي بيتزوجون
عازم: اقلطو للمجلس القهوه
دخلو الرياجيل يتقهوون وجا الشيخ الي بيزوج عيالهم
الشيخ: السلام عليكم
الرجال: وعليكم السلام
دخل الشيخ وتوجه وجلس بصدر المجلس جلّس يمينه خالد وجنبه أبوه راشد ويساره رعد وجنبه أبوه عازم
الشيخ : كلهم الاثنين بيتزوجون
الاباء:ايه نعم
الشيخ: رعد هل تقبل أن تكون لمياء عبد الرحمن لك زوجه ؟
رعد: اقبل
الشيخ : وين اب لمياء يروح يأخذ القبول منها
عازم: أنا عمها وأبوها بناديها لك عند الباب
روز: لمياء ابوي يبيك عند الباب عشان الشيخ
لمياء :يمه سمي سمي، السلام عليكم سم ي شيخ
الشيخ : وعليكم السلام هل تقبلين رعد عازم زوجً لكي من غير اي ضغط من اي احد
لمياء : قبِلت
الشيخ : مبروك الله يتمم لهما على خير
وكمل الشيخ وعقدو قرانهم خالد وروز وبعدها خذتهم السوالف وجا العشاء
رعد: يبه العشاء جا وصل مابقى الا تقلٌطهم
عازم : حياكم الله على العشاء وعلى قل الكلافه
الرياجيل ماتقصر ي عازم وكثر الله خيركم ومبروك
رعد كان يتمشى بالحوش الخلفي يستنى العامل حق العشاء الي راح يصرف وداهمه صقر بسلاحه وصوب عليه
صقر : والله لا اندمكم ي ال عازم زي ماحرقتو قلبي ب لمياء الي كل ما خطبتها ترفض اثاريك أنت الي تبيه
رعد: الزم حدودك واعرف انت وش ماسك بيدك
صقر: والله ما خليكم تتهنون اول ما اخلص منك بحرق البيت بالي فيه
رعد: تعبنا من الهموم اذبحني أنا بس لا تسوي بأهلي شي
صقر : والله ماتتهنون
صقر دخل معه رجال معهم أسلحة وصبو البنزين على البيت كله
رعد: تكفى اعتقني تكفى
صقر: برحمك بس اتشهد على روحك
رعد: اشهد ان لا اله الا الله واشهد أن محمداً رسول الله
صقر اول ما خلص رعد الشهاده صوب النار على قلب رعد طلقه ثلاث رصاصات فقلبه ووحده برأسه لين تأكد أنه مات
ولف ع الرجال وقال: شبو النار
شبت النار في بيت ال عازم ولا احد قدر يطفيها جت المطافي والاسعاف وشافو أن الأغلب توفى لان الكل كان يتعشى بالحوش وكان الحريق بالحوش أما عن روز ولمياء كان قافلين على نفسهم ومايدرون الا يوم بدت النار تاكل البيت
روز: لولو بنموت ي لولو النار النار الباب مانفتح لولو لا قومي ي لولو تحملي
لمياء اختنقت بحكم أن فيها ربو ولا قدرت وروز استسلمت وطاحت غشاينه من أثر الدخان ودخل على الغرفه الحريق وحرقهم
بيت ال عازم صار حكي كل من مر من جنب بيته والقصه اسيره بالاحزان توفى كل من كان بالبيت
وبطلتنا لمياء كانت نهايتها الموت عانت لمياء في حياتها ب اشياء واجد كانت حاطه أملها برعد لكن توفت وتوفى مُحبها معها
اخر ابيات شعر لهذي الرواية
لمياء الي تعبت من هول الليالي
قلبها الي كان كل ما زاد وجعها قوى
كسرها موت ابوها الي تحبه وأ
خوها الي كان صديقٍ لها
حطت أملها بحياتها الجديدة
وصار الي صار وراحت لربها
كلٍ حكى عن الي صار لها
راحت بطلتي القويه
الي ماوراها احد
كل من مر
قال رحمة الله على بيتٍ تعبو اهلهم واحترق
اجاويد ي جعل الي كان السبب ماينرحم
وسلامتكم
ختمت اول روايه لي شكرًا لكل من قرأها ماتعتبر طويله الروايه لكن اتمنى تعجبكم الأحداث وان شاء الله اجيكم بروايه ثانيه احلى من الي قبلها
الكاتبة والشاعرة: العنود عبدالله 🇸🇦
أنت تقرأ
تعبت من الرضا بالواقع الكذاب
Poetryنُبذة تدور الرواية على بنت تحاول وتسعى عشان تكسر عين كل من قال بنات الديار اغبياء ومايفهمون بالعلم وأنهم غير متحضرين عمومًا بتفهمون بالاحداث الي صار ...
