بعد ما انتهى افضل يوم لهم قامو الصباح بدري متوجهين للديار طبعًا عند وصولهم كانو يشوفونهم يتكلمون عن لمياء وروز ودراستهم وأنها كانت بالنسبه لهم عيب وان ابو لمياء مات وهو مو راضي عنها وهي سبب موته كل هذي الاوهام والأفكار الفاسده كانو يتكلمون فيها
طبعًا ابو روز الي هو عم لمياء عازم كان راضي لدراسة بنته لين وصلت للتخرج بعدين جا وقت عند رجعتهم كانو الرجال يذمون تصرفه وأنه ليه خلا بنته تدرس وتكمل وكل الرجال بدو يبعدون عنه لأجل هذا التصرف بتعرفون بالحوار الي دار بين عازم وصاحبه والي مثل اخوه راشد في عزيمه أعدها عازم لرجوعه للديار عشان يكون للناس معرفه أنه رجع لبيته وبدأت العزيمه وبدأ يهلي ويرحب بضيوفه
اثناء العزيمه في وسط مجلس الرجال
راشد: كيف الحال ي عازم وينك اليومين الي راحت سمعنا انك أذنت لبنتك تدرس اهاما قلت عيب هذاك اليوم ولا اني ناسي
عازم: الحمدالله على كل حال ما دامك سامع اني أذنت لبنتي جايني بلف ودوران تبي العلم ليه ؟ ... وبخصوص أذنت لها أنا كنت رافض تروح لحالها ومدام اخوها الي تكفل بروحتها وسكنها وتوصيلها ليه يكون عيب بالعكس ارفع راسي فيها وكلي فخر أن بنتي جابت النتيجه الي رفعت راسي
احد المعزومين ماجد
ماجد: اي ي عازم هذاك تغيرت وتغير رايك واختلف ليه وش مغيرك هزت كلمتك بنت اثارينا مادرينا أن كلمتك مب قويه ي عازم ي حيف بس
راشد:عز الله صادق ي ماجد
عازم : ومن قالكم أن الكلمه أنهزت عشان بنتي طلبتني وبالعكس انا واثق بها ووش مرضيكم بجلوس بناتكم بدون علم وعن الرسول صلى الله عليه وسلم قال: اطلبو العلم من المهد الي اللحد ... الحين لاخليت بنتي تكمل دراسه طلعت مخطي ؟
راشد: اي اي دور تبريرات الحين لكن طحت بقوة من عيني
عازم : دام اني طحت من عينك أنا معد لي خوي وصديق اسمه راشد بيتي يتعذرك
ماجد : م دام طردك ي راشد مب بعيده يطردني بطلع الزم ما علي كرامتي ولا ليه اخلي واحد هزته كلمة بنته عشان يطردني
راشد: كنت أحسبك مابتدخل صحبتنا وخوتنا ب المواضيع هذي لكن سم أنا طالع لكن الي بينا انتهى
عازم بقهر: اطلع اطلع انت ماخليت خوة ولا صحبه كسرتني
رجعو الناس على سوالفهم بعد انتهاء النقاش الحاد وكان عازم يهوجس بكدر من الي صار ومعلومه*راشد كان بيته مقابل ل عازم وهم مع بعض بالدوام وجيران *ووده لو كان كل الي صار كذبه
طبعًا رائد ورعد لاحظوا الي صار وتكدروا من الي صار
رائد : ماتحس ي رعد أن كلام عمي راشد يحز
رعد: والله ي رائد أن عمي راشد كبر الموضوع وأبوي كان صبر لان عمي راشد يقول الكلام من ورا قلبه مانك ماتخبر أن عمي راشد انتشرت سالفة بنته وقام عشان ما يأنبه ضميره يحاول يخرب على فكرة الدراسه عشان مايطلع غلطان بحق بنته الي توفت وهو باقي مانعها من كلشي مو سواء دراسه
رائد: لا ابك أنا معكم بالديار بس امشي ايام الدوامات ولا ادري عن هالعلم
رعد: انا ماني الي بيخبر الموضوع زين لكن روز روز عندها العلم
رائد : افا عليك من بعد العزيمه نروح لها
رعد: رائد لازم نحاول نصلح بين ابوي وعمي كلهم محسودين على خوتهم وصحبتهم
رائد: والله ي رعد ابوي مو لين الرأس وشوف عينك عمي مره عصبي
رعد : لابأس بالمحاولة لازم والله لازم ي رائد
الاب عازم: هييي انت وياه رعد رائد انتم صقهان ما تسمعون يلا يلا قلطو الرياجيل على العشاء فضحتونا
رائد : ابشر ابشر ي ابوي
رعد : سم سم الحين اقلطهم
رعد :الله يحيكم على قل الكلافه
رائد : انطحو فالكم يالربع الله يحيكم تفضلو
عند الحريم طبعًا ام روز متوفيه والي حضرت خالتها زوجة عم لمياء الجازي و وعد طبعًا عندهم العزيمه كانت محفوفه كانت مليانه بالسوالف والتجهيز للرجال
الجازي :روز الشاهي وديتيه لاخوك ؟
روز: لا ياخاله جالسه اخدره
لمياء : امي ركبت قهوه للرجال عبدالله دق علي طلبها اركب لنا ولا نسوي قهوه سوداء
الجازي : ابك ماني راعية ذي السوالف خميلي قهوه ع السريع وانتم اشربو الي تبون
لمياء : جربيها مامي بتعجبكي
الجازي : مدام فيها مامي اجل روحي مناك اعجلي ركبي لي مع الرجال
لمياء : طيب يمه سمي
الجازي : اي احسن رجعت تركبيتك صح
لمياء : العرق دساس يمه حتى لو تنقلب اللهجه
روز: خاله خاله خلصت دقي على عبدالله يجي يأخذه العيال مايردون
الجازي: طيب طيب
الجازي: الو عبدالله تعال خذ الشاهي حق الرجال عيال عمك مب يم الجوال
عبدالله : سمي سمي جاي جاي...، فكي الباب يمه أنا عند الباب
الجازي : يلا يلا بناديلك لولو
عبدالله:يلا هذاني استنى
لمياء:خذ ي عبدالله حار بسرعه
عبدالله:ياي ياي باخده مره حار كدا ليه عليكي
لمياء : انطم مالك شغل اص
عبدالله: ابك حتنا شايفتني بيز ولا باب ما احس حرام عليك تبين تحرقيني وتفتكين مني
لمياء: اممم ترا ما اهتميت رح ضيف الرجال بس
عبدالله : طيب طيب زعلت منك
لمياء : عادي اصلًا شوي تجي تبي قهوه وترضى
هابنوتات وش نسوي
الجازي : كلشي سويتيه وتبين تسوين شيء ثاني
لمياء : شدعوا عاد ابي اتونس
روز : خل تتونس ي خاله عشان كرف المواعين
وعد : اي انا برجع مع رائد وانتم غسلو
روز: اي معليك بتغسلين رائد بيمرح اليوم
وعد:بناخذ فندق
روز : ابوي بيرفض
وعد : ابك علامك مسكرتها بوجهي
روز: الأمر الواقع لا مفر منه ي عزيزتي
وعد : كان به مفر بس معك لا
روز: حبيبتي تسلمين
انتهت العزيمه وجاء ينادي من تحت رائد بصوت عالي روز روز ي بنت اعجلي اعجلي
روز: علامك علامك
رائد : ابيك بموضوع مهم مره أنتِ ورعد بالمقلط
روز : والمواعين ببكي لو طولت
رائد : بكلم وعد وقولي للمياء يغسلون على بال تجين
روز: احس حرام ي رائد
رائد : ابك الموضوع مهم امشي لا افقع عينك
روز: يلا يلا بجي صبر بس
توجهوا رائد وروز ورعد للمقلط
رعد: اسمعي روز مب اول قلتي لي موضوع عن بنت عمي راشد
روز : وشهو
رعد : هذاك سالفتها الي توفت منها
روز : الله يرحمها، الحين ليه تبون تصيحوني ليه اهخ ي غيم قطعتي قلبي الله يرحمك
رعد : يوهه ي روز كيف تسكتين لا صحتي قوليها في موضوع صار اليوم
روز: يمه وش صار
رعد ورائد:تهاوشو عمي راشد وأبوي
روز: ي ويل حالي ابك ليه ليه ...
أنت تقرأ
تعبت من الرضا بالواقع الكذاب
Poetryنُبذة تدور الرواية على بنت تحاول وتسعى عشان تكسر عين كل من قال بنات الديار اغبياء ومايفهمون بالعلم وأنهم غير متحضرين عمومًا بتفهمون بالاحداث الي صار ...
