اليوم المنتظر طبعًا كانو روز ولمياء متحمسين
ورائد راح بسيارتة مع زوجتة وعياله عشان يجهز السكن لعبدالله ولمياء وعبدالله توه بيمشي الرياض مع روز ولمياء
عبدالله :يلا بنمشي ي لمياء نزلتي كل أغراضك
لمياء :اي كلشي جاهز بسلم على امي وأبوي واجيك السياره
الام:اخخ ي لمياء مقدر على فراقك لكن الله يوفقك ي عيوني
الاب:اخاف عليك من كلشي ولكن الحين أنتِ بأمانة اخوك والله يحفظكم لكن ماتقطعين عني قلت لاخوك يجيب لك جوال عشان تتواصلين معنا
لمياء :وهي شوي وتصيح تبشر ي ابوي بكل مايرضيك،يلا ف أمان الله
راحو لمياء وعبدالله متوجهين لبيت عمهم عازم عشان ياخذون روز
دقو الباب
رعد :طيب طيب جاي
عبدالله :السلام عليكم كيف الحال ، روز خلصت عشان يلا ورانا خط
رعد:الحمدالله كلشي على ماتحب وترضى ،اي اي الحين بناديها
رعد :روز روز يلا يلا جو
روز:اي بنزل الحين يلا امي ابوي مع السلامه اشوفكم على خير
الام الاب : مع السلامه بحفظ الرحمن
رعد: طيب وانا ماتبين تسلمين علي قبل تروحين ؟
روز:مع السلامه ي رعد والله اني بفقد حسك
رعد:اخخ ياروز والله انك حياة بالبيت مدري من بطالب اذا رحتي ولا اتهاوش مع من وعاد لا تقطعين دقي وسولفي معي تراي احبك عمري ماكرهتك
روز : خلاص رعد لاتصيحيني احبك والله لكن ابشر مابقطع عنك ببلشك بجيك حتى بحلمك
رعد: احلى بلشة والله يلا يلا لا يتهاوش معي عبدالله له ساعة يستنى برا
روز: يلا يلا طالعة
عبدالله : الحمدالله على السلامة ي رعد كل ذا تناديها لي نص ساعه برا
رعد : اودع اختي وش عندك انت
عبدالله : يلا يلا فأمان الله
رعد : حافظكم الله
بالطريق متوجهين الرياض
عبدالله : تبون شيء تسلية للطريق
لمياء : اي جب لنا قهوة وحلا صبر بشوف روز ، لفت على روز تبين شيء روزي
روز : الي بتجيبونه معكم
لمياء : خلاص عبدالله قهوه وحلا
عبدالله : زين زين نازل الان
لمياء : مويه مويه
عبدالله :تمام
نزل عبدالله
روز : احسني غلط بينكم
لمياء : شدعوا عاد مابينا
روز : ياخي لحالي ورا احس مدري
لمياء : مالك الا الي يرضيك تبين اجي اجلس مع ورا
روز: حرام وتخلين اخوك
لمياء : عادي ترا
روز : الي ودك
لمياء : يلا جايتك
جت لمياء ورا وجلسو يسولفون لين جا عبدالله
عبدالله :علامك ورا ي لمياء
لمياء :حرام اخلي روز لحالها
عبدالله :وتخليني
لمياء :روز اولى
عبدالله :طيب زين
لمياء : شدعوا كل يوم تقابلني انت هي من زمان عنها
عبدالله :امزح يالمطفوقه
لمياء :الحمدالله تمزح
عبدالله:جبت لكم القهوه ماكنت ادري وش تحبين ي روز وجبت لك زي لمياء v60
لمياء :تحبه أكثر مني معليك
روز :اص أنتِ
لمياء : يلا خذي
وجلسو يتقهوون ويسولوفون بعدين صارت لحظة صمت لين تكلم عبدالله قال وصلنا الرياض بكلم رائد يقول وين المكان
عبدالله:الو سلام رائد كم لك واصل احنا وصلنا الرياض نبي الوجهه
رائد:اي وصلت الظهر يلا يلا تمام برسل الموقع ترا الشقه الي اخترتها جنبنا يكون احسن للكل
عبدالله :ازين ما اخترت والله
رائد: والعشاء عندي اليوم بمناسبة جيتكم عندي اليوم الممراح عندي لين تجهز الشقه
عبدالله : ياخي كلفت على نفسك ليه الكلافه
رائد: اقول مامن كلافه ووالله ماتردني
عبدالله :ي خوي انت عارف ليه جايين ليه الكلافه
رائد: ابك للحين تقول كلافه ترا بيصير زعل
عبدالله : خلاص مايصير خاطرك الا طيب مع السلامه
رائد : يلا وداعة الله
عبدالله : لمياء ابي انزلك السوق الحين وتجيبين هديه لوعد وانا بجيب لرائد مسوي لنا عشاء وعاد مايصير نجي يدنا فاضيه المهم بناخذ هديه وحلا وعلمي روز لا يطلع العلم ولا بزعل والله لان عيب كلف على نفسهه
لمياء: سم سم روز سمعتي مايحتاج انقل الكلام
روز: سمعت سمعت بس ماله داعي احنا اهل
لمياء :اص لا يكثر بتساعديني باختيار الهديه
روز: خلاص سمي
يلا توجهوا السوق
لمياء: روز وش رايك ناخذ لها عطر ولا ساعه ولا كلهم
روز: اي زين والله خل ناخذ
لمياء: يلا شوفي هذي الساعه شرايك
روز: تهبل تهبل ي لولو بتستانس عليها
لمياء : اغرمت اغرمت
روز :يلا نروح ندور عطر
لمياء:يلا
خلصو الهدايا وغلفوها على طريقهم وجابو ورد وحلا
دقت على عبدالله لمياء
لمياء: عبدالله خلصنا الحلا والهدايا وينك؟
عبدالله : يلا جايكم جايكم حتنا خلصت شريت هديته
لمياء:زين زين وش جبت
عبدالله : جبت قلم وبشت ومصحف وعطر وسيف وانتم وش جبتوا
لمياء: زيننن جبنا عطر وساعة وورد وغلفناها وحلا
عبدالله : يلا أنا عند الباب وينكم
لمياء: اي شفتك يلا جينا
عبدالله : يلا بنزل احط الاغراض بالشنطه
لمياء : يلا ، روز الحمدالله خلصنا أنجزنا الحين بنروح لهم
روز:اي زين كيف نروح ي لمياء بدون ماتجهزنا
لمياء:باقي بدري على العزيمة هي باليل نتجهز عند وعوده
روز: خلاص زين
وحرك عبدالله واتجهه لبيت رائد وصلو ..
رائد :جعلها ترحب ي الله حيهم تو مانورت الرياض
عبدالله : منورة بأهلها
رائد : ي الله ادخلوا من هنا من هنا
دخلو البنات عند وعد
وعد : اهلا الله اليوم احسن يوم يوم جيتم عندي
لمياء : اهخ ي وعد يونس بنصير جنب بعض
روز : اي كل يوم جدولل فلهه
وعد : افا عليكم اضبطكم بس اهم شي جامعتكم
لمياء : بنات قرريت بكره التقديم
روز: اي بكره لازم نقدم بدري يارب ننقبل ي لولو
لمياء : ضامنه القبول بأذن الله، وعوده نبي نتجهز قبل يجون الضيوف وينن نروح
وعد:هناك غرفة فاضيه جهزتها لكم
روز : يلا لولو خل نروح نتجهز أنا بأخذ شور ع بالل ماتستشورين
لمياء: اهخ ي روز شعري اطول عليه متعب
روز : معليك والله حلو وهو طويل وكثيف جذاب
لمياء : بس متعب يلا خذي شور وانا بخلص
روز: خلصت شور وجت تقول لولو خلصتي
لمياء: ابك ليلي طويل ابدأي بنفسك
روز : يلا يلا
خلصت البنات تجهزو ا ....
أنت تقرأ
تعبت من الرضا بالواقع الكذاب
Poetryنُبذة تدور الرواية على بنت تحاول وتسعى عشان تكسر عين كل من قال بنات الديار اغبياء ومايفهمون بالعلم وأنهم غير متحضرين عمومًا بتفهمون بالاحداث الي صار ...
