رائد: عشان ابوي سمح لك تكملين الجامعه
روز: لا يربي حرام ماكنت ابي كذا ليه ليه
رائد: يختي الموضوع مو انتِ اخلصي علي
روز: يوه ي حبكم للنكد كم تدفعون واعلمكم
رعد: اقولك رائد اخترع لك السالفة ابرك
رائد: صدقت والله ذي متى تحس ان الموضوع مهم
روز: يعني مو مهتمين
رائد : لا
روز: اجل بروح ترا ها بروح رحت ترا بفتح الباب
رعد ورائد ودهم يعرفون السالفة مشتبّين وهي مو مهتمه بس يسوون نفسهم مو مهتمين لين رائد طلع عن طوره
رائد: ابك والله لو ماتجين لا ادق على وعد واربطك عندي واقولها لا تغسلون المواعين
روز: لا لا خلاص بعلمك بعلمك
رعد: ابك عرفت لها ي اخو رعد عرفت لها كفو عليك
رائد : افا عليك لعبتي
روز : اص انت وياه حسابكم مو الحين بعد المواعين
رائد : والعلم يالله
روز: يلا بقول
رعد: غردي خلصي
روز: ابقولك ... اسمع ي خوي بنت عمي راشد غيم كانت روحها حلوه المهم وكانت تحب تروح لبنات الي بالحي وكان عادي وتطلع للعزايم لين تخرجت من الثانويه وجلست تزن على ابوها تبي تكمل جامعه وأبوها تعرف رأسه مب لين المهم أنه رفض وطلبته مره ثانيه رفض وحاولت تكلم اخوها خالد أنه يتوسط لها بس مره رفض رفض وزعل على خالد عشانه وقف بصف أخته بعدين حاولت تكلم بنات عمها فهد يكلمون عمها فهد أنه يتوسط ل عمي راشد بس عمي راشد رفض رفض قاطع وهي جاها فتره انهارت
وهو فوق مامنع عنها الدراسه منع عنها الطلعات والاحتكاك بأحد ولاول واحد خطبها زوّجها بدون ياخذ رأيها طبعًا قبل الزواج كانت تحس غيم بألم بقلبها بس عشانها زعلانه من ابوها ماتبي تعلم احد وماكانت تدري انه في أحد خطبها والبنت الالم كل يوم يزيد أكثر واكثر ويوم فيه كانت تعبانه مره جاها ابوها وحاولت تبين نفسها قويه قال غيم ترى جاك خطيب ووافقت والملكه بعد بكره والزواج بعده جهزي نفسك وامك بتاخذك تشترون الناقص طبعًا انهارت انهياااار غيم وتقول مابيه مابيه حتى أنا مره جيتها مع امي ابارك لها نادتني بالغرفه تقول ي روز مابيه مقدر خلاص تعبت تعبت أنا رحت قلت لامي السالفه وانو البنت رافضه امي قالت شعليك منها ترا ماهي اختك قلت ي امي حرام الي نشوفه يصير عاد ماقدرت اسوي شيء لها واتزوجت غصب يوم الزواج يقولون انها راحت معه لفندق وباقي قلبها يألمها وزاده الصباح نامت وهي تبكي الصباح توفت صباح أول يوم زواج وأبوها انهار مره مره من الي صار بس ماحمل نفسه الغلط يأنبه ضميره بس مفهم نفسه أنه مو هو الغلطان وصار يسوي الحركات هذي عشان يرضي نفسه قبل العالم
رعد: اي صح كذا الموضوع وترى خالد كان خويي الروح بالروح كان يجيني يقول أنا ي رعد متضايق بس مب عارف من ايش وودي اساعد اختي بس بخسر ابوي
رائد: ابك ابك يوه ي ذا العلم الي يشيب منه الرأس يويلي عنها مسكينه عانت الله يرحمها ، والله الموضوع كايد ي رعد كيف نصلح مدامه يتعامل على كذا
رعد : يبي لها تفكير والله خلها على ربك
رائد : لازم نرقد بدري بكره صلاة جمعه
رعد: اي يلا يلا
رائد: أنا شكلي باخذ الديوانية بقسمها الكامل برقد فيها أنا واهلي لحد يجيني
رعد: زين زين
روز: يلا بروح اعلم وعد تنزل لك
رائد: زين وتجيب معها مفارش
روز: رائد وش رايك تنام بغرفتك
رائد: غرفتي جنب رعد وصغيره ماتشيل
رعد :عادي لو تبون انزل تحت انا
رائد : لا ياخي ماتشيل الغرفه خلك خلك على ما انت عليه
رعد: اشرها على الي يتطوع
روز: يلا رعودي خل نروح لغرفنا نرتاح وذا يرقد على الأرض
رائد: تحسبين رعد بيصف معك من بعد رعودي
رعد: اي بصف مع روزي شعندك رعد قرب من أذن روز قالها حسابك عسير من رعد لرعودي
رائد: ودي اصدق ي رعودي
رعد: ابك ارفع علومك
رائد: امسو امسو من عندي بس
رعد: يلا فأمان الله بكره الجمعه لاتنام نوم ممتده
رائد: افا عليك الواضح انك انت تلتزم لكلامك قبلي الصراحه أخبر لي واحد ينام نومه ممتده
روز: كلنا نخبره ي رئودي
رائد: ابك امسي عني ي روز رئودي أجل
روز قالت لولد رائد: ركان ركان بسألك وش اسمك وقول ركان رئودي
ركان : طيب
روز: ركان وش اسمك
ركان: ركان رائد
روز : وانا وش قلت لك
ركان: ابوي رائد ليه اجيب ابوي ثاني لي
روز : غبي على ابوك
رائد: تعال ي بابا معليك منها كلامها فاضي
روز: هين ي رائد
عند البنات:
وعد: تهقين الاخت روز وش تسوي
لمياء : شكل جازلها غسلنا للمواعين
وعد : ايه شفتي بس يحظي حظاه الاقشر
لمياء : يلا بس الحين خلصنا المهم يلا بنروح البيت
روز : بنات نعيما
لمياء : بعد وشو يلا يلا بروح أنا
روز: لا نبي سهره صباحي
لمياء : ابك ي بنت خل اروح معد اشوف ابي ارقد وامي تعبت
روز: اوه اي وعد رائد يقول نزلي الفراش للديوانيه وروحي هناك بترقدون
وعد: يلا وين الفرش
روز: بعطيك ياها
لمياء : بنات سلام توصوون بشيء
البنات سلامتك
روز: وعد تعالي خذي ذي وانا بنزل معك هذيك
وعد:حلو يلا
رائد: أنا ناديت وعد مب روز
روز: اساعدك ياخي اساعدها
رائد: اي اهرجي زين واعرفي من تحددين ويصير خير
روز: اص بروح خلاص
وعد: باي ي عيوني تمسيين على خير
روز: يلا مع السلامه
وعد : روز رائد يبيك
روز: هلا شيبي
وعد: مدري تعالي
روز :هلا وخر زعلانه منك
رائد: شدعوا تزعلين من رئودي حبيبك اخوك يلا تصبحين على خير ي عيون اخوك
روز: الله بنام مستانسه
رائد ووعد نوم العوافي
روز:الله يعافيكم
روز: وهي ماره بتروح الدرج عشان تروح لغرفتها كان رعد يبي يشوفها كان واقف ورا الدرج وهي جت بتركب اول درجه نقز عليها وصارخ وهي من الخوف معد قدرت توقف
رعد: كيفني اعرف اخوف
روز: خوفتني خوفتني بغيت توقف قلبي
رعد: بسم الله على قلبك
روز: وخر وخر اخ ي رعد
رعد: عيون رعد
روز: مابيك اتأف أف منك
رعد: بروح انام توصين بشيء
روز: سلامتك
توجهوا الكل للنوم
أنت تقرأ
تعبت من الرضا بالواقع الكذاب
Poetryنُبذة تدور الرواية على بنت تحاول وتسعى عشان تكسر عين كل من قال بنات الديار اغبياء ومايفهمون بالعلم وأنهم غير متحضرين عمومًا بتفهمون بالاحداث الي صار ...
