We Can't Be Friends (Edited)

04

"Aleesa."

"兄弟 (Kuya)."

"任何更新? (Any updates?)"

"没什么，兄弟。我还在跑腿，工作对我来说仍然很困难。(Nothing, kuya. I am still running errands and work is still difficult for me.)"

" 这个电话是废话，如果你已经发了就给我打电话.  ( This call is bullshit. If you have already sent it, call me."

" 是的兄弟 (Yes, kuya.)"

Inilapag niya sa kama ang hawak niyang cellphone dahil pinatayan siya ng kausap ng tawag.

" Madame? "

Napatingin siya sa kasambahay niya na dala ang house telephone ng bahay niya.

" Si Mr. Buenavista po. "

" Akin na po, ate. Salamat po. "

Kinuha niya ang telepono sa kasambahay at sinagot ang tawag.

" Kuya Vic, napatawag po kayo. Anong maipaglilingkod ko po sa inyo? "

Bati niya at rinig niya ang pagtawa ng kausap sa kabilang linya.

" Nako, Aleesa. Kahit private call, ganyan pa rin talaga ang bungad mo. "

" Syempre naman po, Kuya. Ito ang pinili kong serbisyo kaya paninindigan ko po talaga ito."

" Sabagay. Nga pala, Aleesa. Saan ka na ba? Hinihintay na kita dito. "

Agad naman siyang nagtaka dahil sa tinuran ng kausap.

" Huh? Bakit po? Ano pong gagawin? "

" Ikaw, Aleesa ah. Nagtatampo ako, kinalimutan mong kaarawan ko ngayon. "

Doon niya napagtanto na ngayong hapon gaganapin ang kaarawan ng kaibigan niyang businessman.

" Ah, opo kuya. Pasensya na po, makakalimutin na. "

" Naku, ayos lang. Naiintindihan ko naman lalo na't hindi ngayon maganda ang takbo ng trabaho mo. Sige na, aasahan kita mamaya. "

" Opo, kuya. Salamat po, Happy Birthday po! "

Pagtapos ng tawag ay ibinalik niya sa kasambahay ang telepono at kinuha ang sariling cellphone , nakita niya ang mga text message ng kaibigan.

Ding:

Mars, ready ka na ba?

Sunduin na ba kita?

Hay naku, si mare snobber!

Nagtipa siya ng reply para sa kaibigan at agad na ni-send ito.

Aleesa:

Naku, Ding. Sorry, ngayon pa lang ako mag-aayos huhuhuhu.

Ding:

Naku, dalian mo ah!

Aleesa:

Huwag mo na'ko sunduin, magdadala naman ako ng sasakyan.

Ding:

Sure ka?

Aleesa:

Oo nga, sige na. Maliligo pa'ko!

Inihagis niya ang cellphone sa kama at agad na pumasok sa banyo para maligo at mag -ayos.

Halos isang oras ang inilagi niya sa pag-aayos ng sarili niya. Simple make-up na syempre ay tinernohan ng square-shaped glasses niya.

Isinuot niya ang pink dress na paborito niya, nagsuot din siya ng mga simpleng alahas katulad ng hikaw, kwintas at relo.