"ခေါင်းဆောင်၊ အခုတလော Hunter တွေဆီကနေ သတင်းတစ်ခုရလာပါတယ်"
ခေါင်းဆောင်ဆိုသူသည် အနက်ရောင်ပြောင်လက်နေသော မျက်မှန်ကို ချွတ်ကာ စားပွဲပေါ်တင်လိုက်ပြီး တပည့်ဖြစ်သူကို ဆက်ပြောရန် ခေါင်းငြိမ့်ကာ အချက်ပြလိုက်သည်။
"Veran နယ်မှာ Hunter တွေကို ထိန်းချုပ်နိုင်တဲ့သူရှိနေတယ်ဆိုပြီး hunter တွေဆီက သိရပါတယ်"
"အသေးစိတ်ရော စုံစမ်းပြီးပြီလား"
"စုံစမ်းကြည့်ရသလောက်တော့ အဲ့သတင်းက အမှန်ပါပဲ။ သူက ကြည့်ရတာ အသက် ၄နှစ်၅နှစ်လောက်ပဲ ရှိပါသေးတယ်"
ခေါင်းဆောင်၏မျက်ခုံးတို့ ကျုံ့သွားသည်။ ပိပိရိရိစေ့ထားသော နှုတ်ခမ်းခမ်းတို့က မဲ့ချင်ချင်။ လက်ချောင်းရှည်ရှည်တို့က စားပွဲခုံပေါ် တတောက်တောက် ခေါက်လျက်။ သူ တစ်စုံတစ်ခုအား စဉ်းစားနေပုံပင်။
ခေါင်းဆောင်ကို မိတ်ဆက်ရမည်ဆိုလျှင်၊ ခေါင်းတောင်၏ နာမည်ဟာ ဂျွန်ဂျောင်ဂု။ အသက်က ၃၂။ မျိုးရိုးဗီဇကိုပြောရမယ်ဆိုရင်တော့ အသွင်ပြောင်းနိုင်တဲ့ Hunter တစ်ကောင်ဖြစ်တယ်။ ဘိုးစဉ်ဘောင်ဆက် ချမ်းသာလာပြီး ပိုင်ဆိုင်မှုများတယ်။ ဥပမာ- ကျောက်တွင်းတို့ ရွှေတွင်းတို့ပေါ့။ ရှယ်ယာရှင်တစ်ယောက်ဖြစ်ပြီး ပြည်တွင်းမှာရော ပြည်ပမှာရော သူရဲ့ ရှယ်ယာတွေက မနည်းမနောပါပဲ။
ပုံမှန် Hunter တွေက အသွင်မပြောင်းနိုင်ကြပါဘူး။ ခေါင်းဆောင်ကတော့ အသွင်ပြောင်းနိုင်တဲ့ Hunter ဖြစ်တဲ့အလျောက် Hunter တွေရဲ့ ခေါင်းဆောင်ဖြစ်တယ်။ Hunter အတော်များများက သူ့အမိန့်ကို လိုက်နာကြရပြီး သူက Hunter တွေထဲ အသန်မာဆုံးဖြစ်တယ်။ Hunter တွေရဲ့ ခေါင်းဆောင်က အမြဲ တစ်ယောက်ပဲရှိတယ်။ ခေါင်းဆောင်ကပဲ Hunter တွေကို အနိုင်ယူနိုင်ပြီး ထိန်းချုပ်နိုင်တယ်။
ဒါပေမယ့် အခုတော့ Hunter တွေကို ထိန်းချုပ်နိုင်တဲ့သူ ထပ်ပေါ်လာတယ်။ ပြီးတော့ ကောင်လေးက ငယ်ငယ်လေး။ အစကတော့ ခေါင်းဆောင်မှာ ပြိုင်ဘက်ရှိလာပြီ ထင်တာ၊ ပြိုင်ဘက်တော့ အဖြစ်နိုင်ဘူး။ အဲ့ဒီလူက ဖြစ်ခြင်းဖြစ်....
