مِن إنتقام إلى حُب♡~(جاري تعديل الأخطاء)

-البارت العاشر|وحشتيني|

عــــودة العــلاقــات.😫🤙

-مِن إنتقام إلى حُب❤️~.
-البارت العاشر.
-وحشتيني.

كُنتُ واقفًا داخل بركةٍ من الدماء والخزي يُحاوطني؛ فما كان لي سوي أن أطلُب "كوباية شاي .. معلقتين سكر تقيل!".

(شركة المستقبل للألبان)..
يجلس في مكتبه يسند ظهره على كرسيه الضخم، يُغمض عينيه ويتذكر كل ساعة ودقيقة وثانية وأصغر من الثانية وهي بجوار فؤاده، لا ينسى برائتها إبتسامتها سعادتها فيروزها الناعم فكم يريد ويرغب في جُرعة تنبش قبر قلبه الميت حتى ينبض من جديد ويعود لنور ويترُك ظُلمات قبور الماضي، ولكن كيف يعود والنور الذي ملأ حياته أنطفئ واندثر بجوار القبر يبكي، ليقطع حبل أفكاره دخول لؤي ..

مروان بنبرة باردة دون أن يفتح عينيه أو يتحرك " عملت إللي قولتلك عليه؟ "

لؤي بهدوء " نَزلت طقم حراسة ولا الوحوش لو دبانة عددت من جمبها يقطعهوا!! "

لم يتحرك من مكانه أو حتى يُبدي رد فعل على كلام لؤي، حتى ..

لؤي بمبررات وحدة في الكلام " ياعم أنت مكبر الموضوع ليه كده! .. دا قضاء وقدر وحتى لو مش قضاء وقدر أحنا هنسكت؟ "

لم يرد عليه، ثم ..

لؤي بهدوء وهو يقف أمام المكتب " بص أنا عارف أن إللي حصل مش هين عليك .. ومش هسكت غير لما أعرف وقعت إزاي؟ .. لكن متهدش إللي بنيته!! .. مهما حصل أو هيحصل هي مراتك يعني مفيش بني آدم أمه جبته على وش الأرض ديه يمنعك عنها .. ولو على الوقعة الحمدالله ربنا سترها هو يعني في شوية كدمات ودراعها الشمال اتكسر بس دا كله شوروخ كبوت .. ومتقلقش سألت الدكتور قالي يدوب أسبوعين وترجع زي ما كانت .. بس بلاش تسيبها في وقت زي ده يا بن خالتي "

صمت!
لا يوجد سوى الصمت المرعب من طرف مروان بالإضافة إلى وضعيته المخيفة على كرسيه الجلد، ليعتدل في جلسته يفتح عينيه ..

مروان ببرود مرعب " ظبط معاد مع الجنايني علشان الدفعة الجديدة!! "

لم يتعجب لؤي من بروده فهز رأسه بيأس وأخذ يسير نحو الباب وقبل أن يخرج ..

لؤي وهو واقفًا جوار باب المكتب " بلاش تظلم نفسك يا مروان وتظلمها معاك .. كفاية إللي ضاع من حياتك! .. عيش الباقي وأنسى إللي راح .. صدقني لما الواحد بيحب بجد بيعافر علشان يعيش مع إللي بيحبه وما يفارقهوش حتى لو الدنيا داست عليه زمان .. وأنا وأنت يا بن خالتي خير العارفين بِده .. أتمسك بيها! .. لأنها لما تشوفك عايزيها بجد! .. مستحيل هتسيبك .. خالي بالك من نفسك .. يا بابا مروان!! "