مِن إنتقام إلى حُب♡~(جاري تعديل الأخطاء)

-كلمة على جمب!!²

سلام عليكم، عايزاه أنتباهكم لثواني مش أكتر✌️

لو كنت فاكر أن برواية ديه هتستفيد تبقى بتضحك على نفسك صدقني، لأن أنا روايتي لا ليها فايدة ولا عازاه ولا حتى هتخرج بنصيحة في الآخر.

أنا مش زي غيري بعمل رواية علشان أوضح مشكلة وحلها أو أرشد حد على الصح مع إحترامي الشديد لزملائي أنا مش بنتقدهم أو بغتر بنفسي أنا بوضحلك أنا قد إيه تافه مش أكتر.

هتلاقي عندي أخطاء بالهبل والجبل إشي إملائية ونحوية وكمان في البارت الأول طريقة الحوار متخلفة _حسيت بيكم🤡_ دا كفاية الأخطاء القانونية لما قولت "السجن مع الشغل ونفاذ" دا عميد الكلية لو شفني هيشعلقني لأن الجملة غلط هي المفروض مع الأشغال الشاقة والحكم من الأصل غلط هو السجن المشدد لخمسة عشر عام بنسبة لإحراز المخدرات "بلاش أحرق🙈"_بصراحة أنا أولى حقوق وكنت عايزاه أثبت مهاراتي القانونية ويرتني ما أثبت🤡_ الغرب دخل على الشرق وأنا بشرب شاي بطعم الندم.

طولت عليكم معلش بس أخر حاجة، أنا روايتي الهدف منها تفصل عن الواقع مش أكتر عيش مع الشخصيات الجاية أحنا لسه في بداية الرحلة ويا عالم أنا وأنتم هنوصل لي إيه؟ وبعتذر لو الفكرة مبتذلة وقديمة وشكل البطلة حلو أوي مش بسيط ومعها فلوس كتيرة والبطل عايز ينتقم منها بس مينفعش نسيب الدنيا ونوقف في نص كده لذلك أتمنولي التطوير مِن أفكاري المرة الجاية، ولو وصلت لحد هنا بشكرك على إهتمامك.

أيوه صح قبل ما أنسى، البارت الجاي قنبلة🥰✨

-سلام.
-سيمو.

..