في المستشفى
الدكتور بعد ما خلص فحص : زكام بسيط دفوه زين خلوه دايم متدفي
فيصل: يعني كويس اكيد؟
الدكتور : اي اكيد و اعطوه خافض حراره
فيصل: طيب يعطيك العافية
طلع من المستشفى و ركبو السياره ، لف فيصل على دلال و هي ترضعه : دفيه زين لا تزيد حرارته حتى وقت النوم
دلال : بس امس نسيت الحفه زين
فيصل: طيب بس اليوم تلحفيه زين عندنا جمعه مع العيله و الجو بارد دفيه
دلال : طيب
الظهر
دخل مجيد الغرفه يطمن على ندى ، لقاها لسى نحط ميكب : لسى ما خلصتي؟
ندى و هي ماسكه بطنها : وين اخلص و ولدك يرفس فيني عورني مو عارفه اركب رموشي
مجيد عقد حواجبه : ها وشوله تركبي رموش ؟
ندى : بخاطري احط لي رموش و بعدين خفاف ما ابي احط مسكره ابي رموشي ترتاح و حاطه فيهم سيروم كمان
مجيد :هي انتي دقيقه فهميني كيف تركبي رموش
اخذت علبه الرموش و حطتها بوجهه : بحط ذول ذوللل
مجيد سحب العلبه : صاحيه تركبي رموش لا يا بنت الحلال خلك على رموشك وش زينهم و ارمي ذول
ندى : يربييي شفيك جيبهم
مجيد : وريني كيف تركبين
جلست توريه كيف تحطهم
مجيد : اقول شيليه بس خلك طبيعيه شحلات رموشك
ندى : مجييد ما ابي ترا حلو
مجيد : شيليه يا قلبي انتي بعدين ما ينفع تحطين صمغ و انتي حامل
ندى : شكو من قالك كذا؟؟؟
مجيد : قلبي قال
شالت الرموش غصبا عنها و كملت مكياجها
خلصت دلال من مكياجها و فتحت دولاب تختار شي تلبسه و فيصل منسدح على السرير و فوقه سهم نايم : عطيتي سهم دواء؟
دلال : ايوه عطيته
فيصل: ايه ... وش بتلبسين ؟
دلال : مدري لسى افكر
قام من على السرير و حط سهم و توجهه للدولاب و طلع فستان أبيض: ذا حلو
دلال : لا لا ما يناسب الميكب بعدين مو حلو
فيصل: عجل بختار واحد ثاني
دلال : لا لا خلاص عرفت وش البس
طلعت فستانها الثاني الجديد لونه وردي طويل مزهر بدون اكمام
فيصل : البسيه بشوفه عليك
راحت تلبسه و هو مسك جواله و لقى رساله من ياسر ( وينك طولت)
فيصل :( شوي و اجيكم مشغول)
رفع راسه لما سمع صوت دلال :خلصت شرايك
رفع حواجبه و هو يشوف كيف ماسك عليها مرا و الفستان انثوي و ناعمم
كتفت يدها لما شافت ملامحه: لا تقول مو حلو ولله يجنن
فيصل: الا بس برد اليوم و بعدين ماسك عليك بزياده الفستان
جلست جنبه و بدأت تدلع و تحاول فيه يقتنع : فوفو شفيك ياخي بالله مو يجنن بعدين محد بشوفني اوعد بس البنات ما بطلع فيه عند حريم عماني
فيصل تخرفن شوي : يالييل يعني لازم؟
عبست شفتها : اي تكفى
فيصل: باحد مدوخني و مخرفني غيرك بتنازل هل مرا روحي البسي عبايتك
راحت تلبس عبايتها و اخذت سهم لحفته و جهزت شنطته و وصلها سهم عند باب الحريم و هو يوصيها على سهم
هدى و طارق
جهزت هدى بس جالسه تكوي عبايتها و طارق يعدل عقاله و يناظرها من المرايه : خلصتي؟
هدى : وين اخلص ترا عبايه راس اكيد بطول
طارق : يلا تأخرنا ابوي دق علي ترا
هدى : يلا خلاص خلصت لا تهدر
و هي تلف حجابها طارق يتلقف : غطي غطي شعره الي طالعه
هدى : طارق ترا بلبس نقاب ما ببين مني شي !
طارق : اغار عليك شسوي
ناظرت فيه مستغربه و كمل طارق : وش النظرات ذي من حقي اغار
هدى : اول مرا تغار اصلا اول مرا اسمع منك الكلمه ذي
طارق : الي يحب ما يغار؟
سكتت ولا ردت من صدمتها اصلا كانت مستغربه يمكن لانها اول مرا تحس انه يحبها من قلب مب تسلك زي كل مرا
حس طارق انه استحى لانه ما يعرف يعبر عن مشاعره و صرف الموضوع : اءءء انتظرك برا الغرفه يلا
لاكن هدى فهمت حركته و تدري ان طارق ما يعرف يعبر عن مشاعره و يعبرها بأشياء ثانيه
