بعد اسبوعين
رجع فيصل من الدوام و ما لقى دلال في الصاله ، عرف انها نايمه كل عاده
ركب الغرفه و شافها نايمه و واضح تعبانه
قرب فيصل منها و بداء يصحيها : دلال يلا قومي ما يصير يومك كله نوم نوم
دلال بخمول : فيصل اتركني تعبانه من بطني ما صدقت انام
فيصل : و انتي شسالفتك بطنك دايم يوجعك ؟
دلال : ما ادري بس خليني ارتاح مرا نعسانه
سكت شوي بعدها قرب منها و شالها : اقول بلا نوم يلا قومي
دلال : بعدد عنيي!!
فيصل حطها على السرير : يلا صحصحتي قومي ناكل
دلال : فيصل مالك داعي تسوي كذا!
فيصل : شدعوه طول عمري اسويلك كذا ما زعلتي ؟
دلال : بس انا وش قلت لك قلت لك بطني ...
فجأة مسكت فمها و راحت تستفرغ في الحمام ( يكرمكم)
لحقها فيصل و صار يدق الباب : دلال! انتي كويسه؟
طلعت دلال و هي ماسكه بطنها ، مسكها فيصل و جلسها على السرير : شفيك فجأة كذا تعبتي؟
دلال : مدري بس تعبانه لي كم يوم
فيصل : طيب قومي اوديك المستشفى
دلال : لا ما ابي اروح المستشفى الحين انزل اسوي لي شوربه و اطيب
فيصل : متأكده؟
دلال : ايه متأكده
فيصل : طيب انا ببدل
دلال : بنزل اسويلك شي سريع
نزلت و سوت له مكرونه وفيصل اخذ شور و نزل ياكل و شافها مب حاطه لها : ما بتاكلين معي؟
دلال : ما احس لي نفس
فيصل : طيب سويلك شوربه
دلال : مالي خلق دايخه و بطني يوجعني ابي انام
فيصل: يومك كله نوم خلاص يا بنت الحلال اجلسي معي شوي
دلال : و هو بيدي ولله نعسانه و دايخه
فتح يده و قال : طيب تعالي جنبي
دلال : ما ابي
عقد حواجبه مستغرب منها : و ليه؟
دلال : مدري ما احس ابي اجي عندك
توسعت عيونه اول مرا تقوله زي كذا : كيف يعني تحسين ما تبين تجين عندي!؟
دلال : مدري ريحتك مو عاجبتني ابدا خذ لك شور
فيصل : توي ماخذ شور مسرع صوت معفن
دلال : مدري ريحتك مو حلوه ولله اذا قربت بستفرغ حط لك عطر
فيصل مستغرب و مفجوع من كلامها : تدرين اني متعطر بالعطر الي تحبينه ؟
دلال : مدري ريحته معفنه
فيصل : دلال وش جايك اليوم؟ اول مرا ترديني ما تبيني اقرب و ريحتي معفنه
دلال : انا بركب لاني مو قادره اتحمل ريحتك و خذ لك شور مرا ثانيه ماني طايقه اجلس !
قامت و ركبت الغرفه و فيصل يناظرها مصدوم من كلامها
هدى و طارق
طالعين سوا يتمشون و يتقضون الى بيتهم الجديد
طارق : تبين اي واحد؟
هدى : الثاني اريح احس
دق جوالها وكانت ندى
هدى : دقيقه بكلم
طارق : خذي راحتك
هدى بصوت واطي : نعم شتبين؟
ندى : البشميل احط فيها نص ملعقه ملح صح؟
هدى : منجدك ؟ ذي المرا الثالثه الي تسأليني و اقولك اي خلاص لا عاد تتصلين
ندى : طيب طيب ما تسوى علينا
سكرت منها
ندى و مجيد
سكرت ندى و حطت الملح و دخلت صينيه المكرونه بالفرن و راحت لعند امها : ماما معليش راقبي الصينيه بروح اخذ شور
بدريه: معليه يماما بشوفها روحي
طلعت تاخذ سور و سوت شعرها و تعطرت و لبست فستان ناعم لونه احمر و حطت لها ميكب ، سمعت صوت الباب و نزلت تبي تفتح
ندى : مين؟
مجيد : انا افتحي
فتحت له الباب : طولت عليك حبيبتي؟
ندى : لا توي مخلصه حياك
مسكت يده و دخلته المجلس
ندى: تبي نسولف ولا تاكل اول؟
مجيد : ولله جووعاان خشي على الاكل علطول
ندى : ان شاء الله
ظلعت تحط له اكل و بعد خمس دقايق رجعت له و حطت له صحنه و بدأء ياكل و ندى ما اكلت تراقب اذا الاكل حلو ولا لا
ناظر فيها و ابتسم : امم تسلم يدك حبيبي
ندى : قول ولله حلو؟
مجيد: وربي لذيذ شفيك ؟
ندى: اي مو تجاملني زي اخر مرا مليان ملح و تقولي لذيذ
مجيد: ما ابي اكسر بخاطرك
