ندى و مجيد
مجيد ماسك سما : ياخي انتي ليه كذا تتعبين امك ترا محد ياكلها غيري يعني حسي فيني شوي عاد اذا عصبت امك ترا احس شوي و تقتلني معاك
ندى : مجيد ؟
مجيد : عيونه
ندى: شتقول للبنت ترا ما تستوعب شي؟
مجيد: اسولف معاها يعني ما اسولف ؟ ، بعدين اعاتبها مجننتنا الليل كله ما نمنا
ندى: الله يعينا عليها
مجيد : مسويه بريئة ما كأنها فاقعه طبله اذني من بكاها ودي اعضك ما اتحمل
ندى: لا سلامات تعبت عليها اخر شي تعضها
مجيد : تعبتي عليها الله يعطيك العافية بس انا بعد تعبت عليها
ندى : اقول هاتها بس
مجيد : لا لا ابيها
ندى: تقول انها فقعت طبله اذنك هاتها
مجيد: لا روحي حلال عليها ابيها
دلال و فيصل
جالسين ياكلون و دلال تأكل سهم : يلا يا ماما افتح فمك
سهم ما كان راضي و فيصل قال : خليه خيرته بيجوع كملي اكلك
دلال : بعدين يجنني ترا مالي خلقه
فيصل: خليه معليك منه لو يبي هذاهو الاكل قدامه
قامو و دلال تشيل صحون الاكل و سهم جالس فوق فيصل يمسك خدوده ، يبوسه و مو مخليه في حاله : انت باكلك ما اتحمل
بداء يلعب معاه و اصوات ضحكهم مرا عاليه
دلال : شهل قعده رومنسيه و بدوني بعد
فيصل: تعالي شوفيه كيف يضحك
رجع يدغدغه و سهم يضحك مرا ثانيه : يا قلبي جعلها هل ضحكه دايمه
حملته و حطته في حضنها و فيصل جالس جنب دلال و طول الوقت ساكتين و دلال تلعب مع سهم ، ابتسم فيصل و لف على دلال : دلال
دلال : هلا
فيصل: بالله مصدقه هل كائن ذا مني و منك
دلال ضحكت : لا مني مصدقه ابدا
فيصل: تكفين انتي ساحرتني؟
دلال : ههههههه يمكن سحرتك
فيصل: لا ولله مو يمكن الا اكيد من اشوفك اضيع شهل سحر القوي؟
دلال : ولله انا الي لما اشوفك اضيع انسى نفسي
فيصل: من دخلتي حياتي و انا احس مسحور ما اقدر اعيش يوم بشوف ما اشوفك ولا اسمع صوتك كل شي فيك يفتن ما اقدر ارفضلك طلب عيونك تخليني اقول تم و سمي و حاضر و لبيه
دلال : يا البدوري الي الكل يهابك و يخاف منك انت صادق ولا؟
فيصل: البدوي ما يكذب
دلال : ما توقعت بحياتي احبك ولا اتزوجك اصلا هههههههه
فيصل: افا ليه ؟
دلال : ولله الكلام الي اسمع عنك دائما يخليني ارد بالحب بس من تزوجتك عرفت ان كل الي يقولوه كذب ، ما توقعت ولا واحد بالمية تكون حنون معي بدايه زواجنا لان الي اعرفه ان الحنان شمال و انت جنوب
فيصل: و الحين؟
مسكت دقنه : اكتشفت ان مافي احن منك في الدنيا ذي كلها شالت يدها و كملت : انت وش كنت تشوفني قبل ما تاخذني ؟
فيصل: ولله الي اسمعه من جدتي انك مغروره بالحيل و تنتقدك عشان ما تجين الديره ههههههه ، بس صدق ولله انك حلوه بس خلي عنك المكياج الزايد وقت الطلعه
دلال : يوه وش دخل الحين؟
فيصل: شسوي ما احب احد يشوف جمالك غيري
دلال : و انا بعد شسوي احب الميكب و احب اسوي للناس ميكب
فيصل: انا و اكمل كلام بنتهاوش خلنا على كلام الحلو
دلال ضحكت و فيصل يتأملها و يبتسم : يا جعله دوم
دلال : تدوم لي
قاطعهم سهم و هو يضرب فخذ فيصل : سلامات خلني ابدي اتغزل بأمك
دلال : ما يرضى شكله ههههههههههه
فيصل: على كيفه حقني
هدى و طارق
هدى بدت تحس بأعراض حمل بعد اخر مرا راجعو للعلاج بس ما تكلمت و واضح عليها التعب
طارق : فيك شي وجهك اصفر؟
هدى تكذب عليه: لا بس تعبانه عشان جايتني
طارق : روحي الغرفه بسويلك كمادات و انسدحي بطبخلك وش مشتهيه
ابتسمت لانها تحب اهتمامه فيها : لا ميحتاج انا اسوي لي
طارق : لا مو على كيفك روحي ارتاحي بسويلك اكل و كمادات تبين شي دافي ؟
هدى : لا بس ابي انسدح و ارتاح
طارق : طيب بوصلك للغرفه
هدى : لا كمل شغلك
طارق : اقول قومي معي بس يروح الشغل اهم شي ترتاحي
وصلها للغرفه و انسدحت : ما تبين شي دافي او اكل حلويات مو مشتهيه شي؟
هدى: لا بس بنام
دق جواله و كانت نوف : ارتاحي بخلص شغلي بسرعه و بجيلك الدوام يدقون لي
هدى : خذ راحتك حبيبي
طلع طارق برا الشقه و هدى كانت عارفه من الي دق عليه بس كانت ساكته عشانها واثقه ان نوف ما تقدر تأثر على طارق ب ولا شي لان ما بقلبه الا هي
طارق في السياره : و بعدين معاك انتي ما تستحين تدقدقين علي و انا في بيتي يعني ما ارتاح من وجهك في الدوام تدقين علي في بيتي !
نوف : طارق ليه اسلوبك كذا ياخي اعتبرني زميله عمل خلينا اصدقاء
طارق : مافي شي اسمع اصدقاء انا رجال متزوج استحي على وجهك
نوف : عادي هاذا هم الرجال يكلمون حريم و هم متزوجين انت وش الي غير عنهم صدقني بتعيش معي سعيد نقول اسرارنا لبعض و نطلع سوا و نسا...
قاطعها و هو معصب : انتي مستوعبه وش تقولين ؟ نوف كل شي تقوليه حرام يصير بيني و بينك حرام نطلع حرام اسافر معاك حرام اجلس معاك ، صدقيني بتواصل مع اهلك و بعلمهم بكل شي اذا ما تباعدتي عني و عن بيتي
و قفل الخط بوجهها
..........
