ادري سحبت بس ظروف😵💫
يوم ثاني الصباح
فتح فيصل عينه بدوخه و خمول من صوت سهم و هو يبكي ، لف راسه على جهه سريره و لقى دلال واقفه و حامله سهم تعطيه دواء : شفيه يبكي؟
دلال : حرارته مرتفعه شوي
رفع نفسه و حاول يستوعب : نوديه مستشفى ؟
دلال : مب فاتحين الحين الساعه 4 يفتحون
رجع انسدح و دلال اخذت سهم و جلست على السرير تسكته و تحاول تخليه يرجع ينام و بعد مده نام و حطته على سريره و هي راحت عند الكمدينه تتزبط شوي عشان تنزل تفطر ، رجع يناظرها : الى مين دا كله؟
دلال : بنزل عند عمتي بفطر معاها
رفع نفسه : يلا بنزل معاك
لفت عليه : لا
فيصل : وشو الي لا بنزل معك غصب دام كذا
دلال : فيصل خلاص ما ابغى اشوف وجهك!
فعقد حواجبه : و ليه شسويت؟
لفت على المرايه تحط لها مرطب متجاهله كلامه ، قام من السرير و وقف وراها : زعلانه مني؟
ما ردت عليه
حاوط رقبتها و دفن وجهه في رقبتها : وش مزعلك ياقلبي
دلال : فيصل تباعد ما اعرف اتحرك منك
فيصل : اول قولي وش مكدر ذا الخاطر ؟
دلال متجاهله سؤاله: روح اللبس اذا تبي تنزل معي
فيصل : كل ذا عشان قلت لك ما عجبني الفستان؟
دلال : لا مو بس كذا اسلوبك المعفن معي
فيصل رفع حواجبه يمثل انه متفاجئه : انا! وش سويت ؟
دلال اخذت الكونسيلر و هي صاده عنه : مسوي ما تعرف وش مسوي امس
فيصل : ما سويت شي
دلال : لا ولله و العلامات الي على رقبتي كيف اغطيهم!
فيصل : تتغطى تتغطى او لا تغطيهم بعد احسن
شالت يده عن رقبتها : وخر وخر بس!
فتحت الفاونديشن و بعدت خصلات شعرها و بدت تحط اماكن العلامات و تغطيهم و طول الوقت فيصل يتأملها و يبتسم ، تضايقت من نظراته و لفت عليه : بتنزل لهم و انت كذا؟ روح البس ملابسك
فيصل : طلعي لي ملابسي
دلال : ليه ما عندك رجول و يدين؟
فيصل ضحك عليها : الحين كل ذا عشان امس ! خلاص يا شيخه انسي حسستيني اول مرا! ههههههه
دلال : اسلوبك المعفن بعد المفروض ما تكلمني كذا
فيصل : محد قالك تصيري حلوه و بذات امس طار عقلي شسوي
سكتت ولا ردت عليه
فيصل: خلاص بننزل لهم و انتي كذا زعلانه
دلال اخذت عبايتها : طيب بس روح البس قبل ما يصحى ولدك و يشوفك كذا ولا ينام و ينشب لنا
بدل ملابسه و نزلو سوا يفطرون
ناديه : تأخرتي
دلال : معليش سهم مريض و بالقوه نام
ناديه : ياقلبي سلامته يلا اجلسو
جلسو و طول الفطور دلال ساكته ولا تتكلم همس لها فيصل :شفيك زعلانه مني؟
دلال : لا
فيصل: اجل شفيك كذا ؟
دلال : خايفه على سهم حرارته كانت مرا مرتفعه
فيصل: يا قلبي كل ذا الهم عشانه الحين نوديه مستشفى و يطيب
دلال : مدري مالي نفس اكل بروح اشوفه
فيصل: اذا بتقومين بقوم وراك
دلال : لا انت كمل فطورك
فيصل: خلاص اجل اخلص و اجيك
استأذنت منهم و طلعت الغرفه تشيك على حراره سهم
بعد دقايق رجع فيصل الغرفه و قبل ما يدخل يمع صوت بكى سهم
دخل الغرفه و دلال حامله سهم و مب عارفه وش تسوي : سهم مرا تعبان تكفى خل نوديه مستشفى يكح كثير
فيصل: طيب البسي بسرعه انا بروح السياره
لبست عبايتها و ركبت السياره و توجهو للمستشفى
صحى ياسر و نزل يفطر مع جده
ياسر : فيصل صحى ؟
الجد : اي
ياسر : ورا ما نزل يفطر معنا؟
الجد : فطر مع امك و جدتك و طلع للمستشفى
ياسر : شفيه؟؟
الجد : ولده تعبان ، لما يرجع بعاتبه ولده تعبان ولا قال لنا المفروض يرتاح
ياسر : معليه خله يرجع و اكلمه
يتبع ....
