في قبضة العُقربان

الـبـارت الـثـالِـث

في قبضة العُقربان"
"بِـقلمب: زَهـرَه"
"نَجماتي المُضيئه لاتنسون التصويت والتعليق بين الفقرات✫

"واضافة لحسابي @zr_mh2"
"قراءه مُمُتعه.
" "" "" "" "
مو كلشي تريده يصير إلك، ولا كلشي تحبه راح يبقى وياك.. كلشي بي حكمة ربانيّة يجوز انت تحس نفسك ضعت بس يجي يوم وتلگي نفسك بالمكان إلي تستحقه ويا الاشخاص إلي يستحقوك ويستحقون نيتك الصافية
"" ""
حظرته وعفت التلفون، بالغرفه على الشحن وطلعت، اتوضى واحضر نفسي للصلاة، اخذت السجاده وازار الصلاه وفرشتهن بصف امي وكعدت
انتضر المؤذن يأذن باوعتلي صفح اعرفهه زعلانه لان رسبت وكملت تسبيح، اذن، وابويه جاب سجادته وفرشهه كدامنه وبدينه نصلي كملت قبلهم وكعدت اسبح روادني شعور حلو. واني بنصهم كاعده
دعيت دعيت من كل كلبي ربي يحفظهم اليه
، التفت ابوي
وفي: تقبل الله
هجراء: منا ومنكم صالح الاعمال، بست التربه ولميت ونزعت ازار الصلاة وخليتهه بمكانهه و وكعدت غلى التخم اتإملهم سمعت الباب اندفر وابوي هز راسه يأس عرفته من دفرت الباب هذا اديم طلعت افتح الباب
هجراء:ولك اجيتت لاتدفر الباب على يوم ينكسر
صاح من وره الباب
اديم: يمعوده افتحي الباب الشمس شوتني
فتحت الباب وشفته سابح بالعرق، اخذت الملازم والسجلات من ايده وتلفونه
هجراء: الله يساعدك ادوم،
اديم: ويساعدج هجور، جوعان اريد اكل
هجراء: ادخل اسبح وبدل ملابسك وصلي، بين ما احمي الاكل واحضره
اشر لي بأيده اوكي ونزع حذائه وجواريبه، ودخل لجوه
خليت الملازم بغرفته، وحميت الاكل وصبيته.
ورحت دكيت باب الغرفه عليه
اديم: ادخل
هجراء: صببت الاكل، تجي تتاكل
اديم: هسه اجي،
عفته ورحت للصاله شفت ابوي وامي كاعدين، كتلهم يله عيوني الاكل جاهز، رجعت للمطبخ البارد اخذ مي بارد من البراد وكعدنه اجه ابوي جر الكرسي وكعد كال بسم الله وبلشنه ناكل والمكان هدوء وماينسمع بس صوت الخواشيك وهي تضرب بالصحون، وقاطع الهدوء
وافي: اديم اخذت درجاتك، نجحت لو هم مصخم مثل الاخت هجراء.
اديم: لايابه باجر، وان شاء الله ناجح.
وافي: ان شاء الله خير
وجه اديم نضراته اليه وكال
اديم: هجراء نحجتي لو مصخمتهه
هجراء: احم لا صخمتهه رسبت بكلهن و بس بواحد ناجحه بقرار.
اديم: خوماكو شي متعبه نفسج كلش
هجراء: شسوي يعني، هذا الاكدر عليه
اديم: يله يختي، تره الدور الاول للماعنده شخصيه
هجراء: والدور الثاني للشخصيات القويه
وافي: گرت عين امكم ماگول غيرهه
باوعت على اديم واديم باوع عليه وطگيناهه بضحكه
وافي: كومو منا لا بارك الله بيكم،
اخذنه ماتبقى من كرامتنه وطلعنه للصاله
رحت للغرفه جبت تلفوني ورجعت للصاله، كعدت يم اديم على التخم، وهو انبطح ونام على رجلي وخله ايدي على شعره، وكال حركي ايدج على شعري ،
اتصفح بتلفوني والعب بشعره.
شغل تلفونه على قصيده باسم الڪربلائي

" يُمه ذِكريني". غلق جهازه خلاه على صدره ورجع شابك ايديه وخلاهن فوك الجهاز وغمض عيونه ، صورته واني امرر ايدي بشعره بدون مايحس عليه ، وهو يقره ويدنن وي كلمات القصيده.
"يُمه ذِكريني مِن تُمر زَفة شباب
من العِرس مَحروم
وحِنتي دَمي المُصاب
شَمعه شبابي من يِطفوهه
حِنتي دمي، والچِفن ذاري التُراب
يمه ذكريني".؛
ونزلته ستوري على الانستا.
طفه القصيده وضل على نومته وسألني
اديم: هجور من اموت هم تنسوني
هجراء: اسم الله عليك، من عمري على عمرك، شلون انساك انت روحي من الدنيه
اديم: اممم، زين اذا صارت عندج بنوته سميهه" مَيان"احب هذا الاسم
هجراء: تعيش ونسميهم سوه، وبالاسم العيجبك.
اديم: زين و اذا متت هَم تبقين تحبيني وتذكريني لو فتره وتنسيني؟
هجراء: اديمي شهالحجي عفيه شبيكك اليوم،
اول شي مع احترامي الك انچب من عُمري على عمرك،يومي قبل يومك ان شاء الله،مُستحيل يمر يوم وانساك كُل ذكرياتنهه، وضحكاتنه وحياتنه الي عشناها سوه حرفياً اقرب شخص لگلبي هو انت،كلشي عشنا سوه راح احجي لاطفالي بالمُستقبل واگللهم شلون چان عدهم خال حَنون الي مدللني ومايرفضلي طلب،بعد مااعرف احجي شي عابتلك بچيتني.
" انتَ الي اخاف اخسره بحياتي واعرفف مـراح تتعوض ابدد"
رفع راسه من رجلي ومسح دموعي
اديم: لجج هيج اني عزيز،وماادري
هجراء: فوك ماتتصور اعز من روحي انت
اديم: فدوه اروح اني للحنينه، ديله عاد مسحي دموعج، دموعج غاليه عليه، وعزيزه لاتنزليهن على شي مايسوه، اسمحيلهن ينزلن بس من تفقدين شخص عَزيز. ديله اسكتي، وراح انام بالاربعه گعدين اريد اروح يم. افنان اشوفهه شويه ، واطلع وي اصدقائي.
هجراء: صار تدلل بعيني
اديم: فدوه لعيونج، قرص خدي وكام لغرفته.
كمت للطبخ شفتهم مكملين اكل عزلت الامواعين وغسلتهن ورتبت المطبخ، ورتبت الصاله على السريع ودخلت للغرفه
راسلني اديم وكال رجعي سويلي'mention'على الاستوري سويت مثل ماكال ونشره بحسابه وره
خمس دقائق ، وصلني اشعار رد على الاستوري من حسابي جديد بدون اسم و مابي اي صوه،
:-منو هذا، وليش انطيتيني بلوك
قريته من الاشعارات ومارديت وهو هم مارجع دز شي،
ضليت اتصف بالريلزات لحد ماصارت الساعه بالـ 3:40
رحت لغرفه فتحت الباب اديم شفته بعده نايم طلعتله ملابس وعطره من الكنتور وكويتهن، وطلعت عطره وغراضه اليحتاجهن وخليتهن على الميز. فتحت تلفونه شفتهه بالـ.4:00 اهلي بعدهم نايمين خطرت ببالي فكره شيطانيه وضكحت ضحكه. شريره و
رحت للملحق، عدنه كارتونه مال العاب ناريه التطلع صوت من تطگ عبالك طلقه، اخذت ثلاثه منهن، وجبت جداحه وكفت بالباب مال الغرفه وفتحت فتحه صغيره لزمت الطگطاگات بيد والجداحه قبل لا اوجهن قريت الفاتحه ونطقت الشهاده
وجيتهن وشمرتهن وقفلت الباب عليه بسرعه، حسبت واحد. اثنين ثلاثه طكت الاوله
وهو صاح يبووووو دخلو علينه الدواعش