في قبضة العُقربان'
بـِقلمي: زَهره.
نجماتي المُضيئه لاتنسون التصويت بين الفقرات✫
ومُتابعه لحسابي
@zr_mh2.
قراءة ممتعه
"" ""
ڪعدت على الدچه مال باب المطبخ وسندت راسي على الباب
وصفنت على الحال الاحنه بي. وشويه ونفتح الباب وطل خالو
وافي: اليومم منو عدنه
وكفت وابتسمتله بتوتر
ريناد: انيي
خله ايده على راسي واردف
وافي: نور البيت بيچ بويه
ريناد: منور بأهله
وافي: لعد وين صاحبتج
ماجاوبته
اخذني جوا ايده ودخلنه نمشي والايد الاثانيه بيهه علاليك المسواك
دخلنه للمطبخ وسمع صوت خالتي تبچي وامي تهدي بيهه ذب العلاليك ودخل لجوه
وافي: شكو شنو صوت الصبچي العالي شصاير ليكون ميتلچن ميت؟
مسحت خالتي دموعهه واردفت
رَفيف:بنتك يوافي ماهي بالبيت من الصبح
وافي:مو الصبح جانت موجوده وتريكنه سوه وانتي طلعتي لبيت اهلج!واتصلت عليهه بـ8 ضبط هي موجوده شهل حجي هذا!
ريناد: اهدء خالو لاتعصب
وافي: شهدء بابا اذا اني اول ما اجي يتلگني بنتك ماهي لعد كللي وين راحتت من الصبح ومحد حس عليهه.
لُجين: صلي على محمد خويه لابد نلكاهه وين روح
كعد بالكاع ويفرك براسه واردف
وافي: احجلي هجراءء وين راحت؟
رفيف: والله مادريي حالي من حالك اجيت ومالكيتهه
وافي: ريناد طلعيلي الكامرات واتصلي على اخوج
ريناد: تدلل خالي
انطيته الابتوب وطلعت برا اتصل على احمد
احمد: خير ياطير الططوه غرد اسمعك
ريناد: اني ططوه؟
احمد: واحلى ططوه
ريناد: عوفنه من الططوه وكلي وين انت
احمد: بالمكتب
ريناد: فر سيارتك وتعال خالي يريدك
احمد: شبي صوتك صاير شيء
ريناد؛ تعال وتفهم مو مال اتصال
احمد: احجيي و فضني عادد عندي شغل مافارغ لسوالفك
ريناد: هجراء ماكو من الصبح
احمد: شنووووو
ريناد:........ وهاي كل مابالموضوع
أنت تقرأ
في قبضة العُقربان
Mystery / Thrillerعباره اعجبتني منقوله عن كاتبتي المفضله " من اراد عالمنا فَـ لـيدخل اليهِ نحنُ حتى كتابنا لم يُفهم من عنوانه " #رُسل فهد
