الطريق صار شطوله مانشفن دموعي زحفت يم السديه ولزمت ايده بارده ثلج فتحتهه وشابكت اصابعي وي اصابعه وسديت ايده حجيت بصوت مكسور اديم خويه تسمعني اديم عفيه لاتكسر ضهري اديم اني بعازتك اديم لاتكسر جناحي اديمم اموت اني بلياك مو كلت اني مااعوفج موكلتت نكبر ونشيب سوه اديم احجي لاتسكت اديم الحياة بلياك ماتسوه اديم موتكول اني مااكدر على فراگجن ليش عفتنه ولكك خويه لاتسوي بيه هيج يهون عليك حبيبي يهون عليك دموعي موجنت تكول لاتنزليهن بس من تفقدين شخص عزيز عليج سمحيلهن ينزلن اثاري انت العزيز المايجي بعدك عزيز ليش ماترد عليه خليت ايده يم خدي ابوس بيهه واعاتبهه كوم احظني حظنة موادع، وكفت السياره ونزلو السديه واني لازمه ايده وابچي لحد ما وصلو للردهه علمود الاجراءات فلتو ايدي وسدو الباب وضليت واكفه بمكاني واباوع من الباب لحد. ماسدو البرده نزلت وي الباب وولميت رجليه الصدري واني اشوف دمه صابغ قميصي الابيض باللون الاحمر، نزلت راسي ابجي، واواعض ردن العبايه حتى اكتم شهاتي وصياحي و رفعت راسي وغمضت عيوني والدمع مغرك خدي صحتت ربيي كون افز من النوم ويطلع كل هذا حلم
:-احم السلام عليكم فتحت عيوني، ورديت السلام عليه :- ليش، وحدج هنا انطيني ايدج خل اساعدج تكعدين على الكراسي ومد ايده هجراء: وجهت نضري على ايده، ومسحت دموعي وكمت كعدت على الكرسي، رجع ايده متفشل :- هاج هذا بطل مي اشربي، منه وغسلي وجهج هجراء: تسلم خويه ماريد ، وكف على جهه وجهت نضري لبداية الممر شفت امي وعمو امير واحمد ابن خالتي وابويه اجو باتجاهي ك وابويه يمشي محني ضهره. والحزن مغيم على وجهه وامي العيون حمر والوجه.احمر من اللطم وعمو امير واحمد مو اقل منهم حاله، ورحتلهم. ركض ودموعي تنزل بغزاره، وابوي لمني بثنين اديه،بحظنه ويبجي على بجي واني احجيله شلون صار الحادث وكل شهكه تاخذ روحي، واني اتخيل الحادث كدام عيني يمر مثل الشريط وعمو امير يصبر بأبويه انفتح الباب وطلعو مدد على السديه ومغطينه بالجرجف الابيض وامي صراخهه صراخ ام.فاقده ضناهه ترس الممر، حاظنته وتبجي احمد حظنهه من اكتافهه وخرهه سحبو السديه وامي صاحت وراه :يهل المكابر تلكوه تره جاكم مدلل البيت
""
يتبع...
"اضافه لحسابي الانستا "
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
:لو يسبقوني بالمعايده والسلام مايسبقوني بالضمير والحضور يعايدونكم بالكلام والرسايل واعايدكم من قلب واحساس وشعور انتم البدايه والمضارع والختام عيدكم مبارك كل عيد وكل عام وانتُم بخير اعادهُ الله علينا وعليكم بعليكم بالصحة والسلامة وماتشوفون الا السعاده🦋♥.
