انا اشهد انك جبتي راسي من اقصاه يابنت سيف

البارت الخامس

مر يومهم عادي ولا صارت اي احداث مهمه

اليوم الثاني في المخيم الظهر🌞.

مجتمعين في حوش المخيمات طالعين برا الخيم يسولفون ويلعبون العيال بدبابات والبنات كيرم والاجواء جميله والرجال والحريم سوالف وشاهي
قام عبدالله ابو هادي ونطق:اسمعوني شوي
كلهم لفو لهم وباذان صاخيه لكل حرف بيقوله والعيال وقفو لعب بادبابات وكمل ابو هادي: اخوي حمدان جاي عندنا المخيم!
وقف ريوف من يبنهم كلهم وهي تتوجه لعبدالله:عمي عبود!
لف لها عبدالله ابو هادي بابتسامه:سمي؟
لفت ريوف انظارها لام هادي:خاله ناديه والله يعني شوفي زوجش مزيون يعني وش اسوي؟!
ركضت بسرعه وهي تنخش ورا ابوها من رمت ليلى"امها" دبه المويه عليها ابو سلمان:ايه الحين انخشي!
كشرت ريوف وهي تلف تشوف يزيد موقف على الدباب:يزيد ياحبيبي انت تعال محد متحملني غيرك!
ابتسم من غير شعور وهو يشوف تصرفاتها وطريقتها في الكلام إلي قاعده تجيب راسه من اقصاه من غير اي جهد منها

نزلو العيال من الدبابات وهم يجلسون على الفرش معهم وسرعان مالفو كلهم وهم يشوفون سيارة حمدان (اخو عبدالله ابو هادي موجود في تعريف الشخصيات)
وقفو كلهم معاد ريوف ويزيد الي كانو مامهتمين لف لهم سلمان وهو يشوف ريوف بحضن يزيد بهمس:هوووب مب في البيت حنا!!
يزيد بعدم اهتمام:تراها اختي عندك شي؟
سلمان بحده:يزيييد!
وقف يزيد وهو يمد يده لريوف ودخلو داخل ولف سلمان للامام وهو يهز راسه باسى وهو يشوف حمدان وبناته نازلين وتقدام حمدان وهو يسلم على الموجودين
وبعدها ابتعدو الرجال والعيال عن الحريم بشوي

من اول مانزلت من السياره وهي عيونها على هادي وبس تدور الزله او فرصه ولو انها قليله اهم شي تكلمه مسكينه ماتدري انه في حد جايب راسه من اقصاه وبتعرفين عليه قريب يا "يمنى".

جلسو بعد السلام والكلام والاخبار ونكق ام يمنى: الا اقول ياام سلمان!
لفو كلهم لها وحتى الرجال والعيال وكملت:اذكر عندش بنت ولد غير سلمان وينهم؟
لفت ام سلمان وهي تدور ريوف ويزيد الي ماكانو موجودين معهم ولفو لصوت جاهم من قدام الخيمه
يزيد:خيير؟
وقفت ليلى بصدمه:يزيد!
تقدم يزيد وهو ماسك يد ريوف ونطقت ام يمنى بسخريه:بعدهم على ذي الحاله من صغرهم؟
ريوف بحده:وش عندش انتي؟!
ام يمنى تلف لام سلمان وهي تضحك: اقول لا تزوجينها زوجيها اخوها!
يزيد بحده وهي يرص على اسنانه:حدش!
ام يمنى باستهزاء: وش بتسوي انت ياحبيب اختك؟
تقدمت ريوف وهي خلاص معاد تتحمل تغلط على اخوها وعليها وهي ساكته: لا والله ماهي بنت سيف الي تسكت عن وحده عديمت شرف تغلط عليها
وتمسك ريوف نحر ام يمنى وهي تخنقها فزو كلهم وهم يحاولون يبعدون ريوف عن ام يمنى لكن مافي امل لين نطق يزيد:ريوف بعدي عنها بتموت المسكينه!
بعدت ريوف عنها وهي تناظر يمنى الي ترمقها بنضرات غريبه:تبين اكمل عليش مع امش عادي ترا؟
سحبها يزيد ريوف وهي يدخلها معه الخيمه وقعد يعزز لها وهي تضحك.