انا اشهد انك جبتي راسي من اقصاه يابنت سيف

البارت الثاني عشر

صباحنا اليوم يبدا من الرياض الفندق بتحديد عند عرسانا📍

___
فندق المعاريس

صحت من نومها على صوت تقفيله الباب رفعت جسدها تناظر وشافت سلمان جاي ومعه الفطور قامت من على السرير ودخلت الحمام (الله يكرمكم) بدون لا تقول له كلمه ، تنهد بضيق من حالها هذا من امس المفروض هم اليوم باسعد لحضاتهم لكن العكس، خرجت من الحمام وهي ماتناظر فيه نطق يتقدم لها:عبير!
ماردت عليه تقدم لين صار وراها قرب يمسك خصرها يقربها له:عبير احاكيش انا!!
عبير بغضب:ابعد!
هز راسه بالنفي ونطق:طيب حاكيني قولي لي وش مزعلش؟!
عبير بحده:مسوي ماتعرف طيب امس وش عندك تسولف عند المصوره وانا معطيني قفاك وعرض اكتافك وامس كان يومنا ولا بعد تضحك ومبسوط وعبير بطقاق!
سلمان بابتسامه خفيفه:يغني غرتي؟!
عبير تشتت انظارها بعيد:لا من وش اغار مثلا؟
سلمان يبتعد عنها بهدوء:بكيفك!
صرخ بنرفزه:سلمااان!!
ضحك سلمان وهو يرجع لها:تدرين اني احبك
عبير بخجل:انا احبك اكثر
قرب سلمان منها وباس خدها ، اشتعل وجها باحمرار من الخجل ابتعد عنها يتجه للفطور وينطق:يلا الفطور بيبرد!

___
الفندق
جناح ابو هادي

جالس في الصاله ويفكر وش سوى امس ابتسم ابتسامه جانبيه وهو يتذكر خوفها منه امس ، صحى من هواجيسه على صوت اخوه تميم وهو يجلس جنبه:الي شاغل بالك يتهنى فيه!
هادي بهدوء:انشهد انه يتهنى
طير عيونه تميم بصدمه:تحب؟!
هادي بابتسامه:الله الله
تميم بعجله:من من عشان اكلم امي تخطبها لك!
هادي كشر:تشتغل خطابه انت ولا وش؟!
تميم شمق له:يعني عشان بساعدك صرت خطابه
هادي يضرب راس تميم بخفه ونطق:لاتشمق لاخوك الكبير

___
جناح ابو سلمان

ماقدرت تنام امس من كثر ماكانت تفكر بالموضوع وبالي سواه هادي معها ووش يقصد ب(لاني ماحب الاسم هذا الا منك! /ريوفي! /ليه تتجاهليني؟)مامبينهم شي عشان يقول لها كذا تجاهلت كل هذا وانتبهت على فتحت الباب ، ودخل يزيد باستعجال:ريفان يلا ابوي يقول راجعين الديره!
هزت راسها له:طيب جايه
اخذت شناطها ونزلت بسرعه تحت تشوف الترتيب ومع من بتروح
(سياره هادي ● ترف ● ريوف)
(سياره عمر ● رفيف ● لين)
(سياره مشعل ● تميم ● يزيد ●غالب)
(سياره تركي ● ابو هادي ● ابو عمر ● ابو سلمان ●ام هادي ●ام عمر ● ام سلمان)
ركبو كلهم وانطلقو متوجهين من الرياض لديره
(ملاحضه: عبير وسلمان بعدهم في الفندق)

___
سياره هادي
يسوق وكل شوي يسرق نظره لريوف الي حالسه ورا مع ترف ويتابعون مسلسل رفعت عيونها التقت عيونهم ببعض ابتسمت من ورا النقاب ولاخظ ابتسامتها همس بخفيف تقدر ريوف تسمعه:اخخخ ياعيونها وابتسامتها!
نطق بصوت عالي عشان يسمعوه:وصلنا البقاله
نطقت الترف:هادي بننزل تكفى!
لف لها هادي بعصبيه:وش قلتي؟!
الترف بخوف:اسفه يالغلط
لف قدام ونطق:انزلوا
نزلو للبقاله وقفو جنبهم عمر و مشعل ونزلو بعد البقاله