انا اشهد انك جبتي راسي من اقصاه يابنت سيف

البارت الثالث

يوم جديد واحداث جديده

راجعين من المسجد بعد ماصلو صلاه الظهر وكل واحد متجه لبيته ابو عمر وابو سلمان وابو هادي سبقو العيال ودخلو بيوتهم وهادي _سلمان_عمر_تركي _مشعل_غالب_يزيد_تميم يمشون ويسولفون
تقدم عمر بخطوه ووقف قدامهم:اسمعو ياعيال!
العيال بصوت واحد:سم
عمر:اليوم الجمعه فبيتنا سمعت البنات بيتجمعن في بيت عمي عبدالله
عيال سيف:تم
عيال عبدالله:ابشر
عمر:اجل الساعه اربع كلكم عندنا ياني مجهز لكم جدول
يزيد:تم تم الحين خلينا نمشي الشمس كلتنا!
ضحكو العيال على كلام يزيد وهو صح الشمس كانت قويه مرره محد يقدر يتحمل حرارتها

::::::::::::::::::::::::
في بيت ابو عمر

كل واحد في غرفته بعد ما انهو الفطور رفيف ولين في غرفتهم عمر ومشعل وغالب في غرفتهم ابو عمر وام عمر في غرفتهم.
جالس على فراشه ويفكرر هو امس ماشافها بينهم وسمع كلام خواته وبنات ام هادي والي فهمه انه هي امس ماجت معهم ضرب يده على الارض بقهر كان وده ينفذ خطته او بس يخوفهم بها على الاقل عشان يعطونه ياها بس خطط وافكاره كلها راحت هباء منثور
جلس غالب جنبه:شفيك؟
مشعل:مافيني شي!
غالب:كل هذا ومافيك؟ شي شوف يدك شوف!
التفت مشعل وشاف يده المجروحه والسبب انه لما ضرب يده كان فيه قطع زجاجه في الارض بسببت له هذا الجرح
مشعل في نفسه:والله انك بتدفعين ثمن هذا ياريوف!
ومثل عدم الاهتام ولف لغالب:ما يهم!
وطلع برا الغرفه وغالب رجع يكمل قراءة كتابه طلع من غرفتهم واتجه لغرفه اخواته دق الباب ولما سمحو له بدخول دخل وجلس جنب لين وهم يناظرون فيه
رفيف:ايوه شعندك يااخوي العزيز؟
مشعل:جاي اسولف معش غلط؟!
لين:ابدا ماغلط بس غريبه!
مشعل لف للين:وش عندش انتي؟
لفت لهم رفيف ونطقت لانها تعرف انهم بيتهاوشون لو ماتدخلت بينهم:بس انت وياه!
لفو لها كلهم وسكتو يناظرون فيها لفت رفيف لمشعل:تفضل؟
مشعل:كيف كان يومكم امس؟
سكتو التثنتين يناظرون مشعل توتر مشعل من نضراتهم لين نطقت لين:مرره حلو انبسطنا كثير بس لو ريوف موجوده كان احلا!
وصل مشعل لنقطه الي يبغاها من زمان:ليه ماجايه جونسبنا حق الديره؟!
رفيف رمت المخده:وجع يامشعل وجع!
مشعل بسخريه:وش قلت يعني والله اني صادق ماخلت احد في الديره الا وصفقته
لين:بس والله انها كفو تعجبني ماتخاف من احد!
كملو سوالف تحت استغرابهم من اسالت مشعل الي اغلبها عن ريوف

::::::::::::::::::::::
بيت ابو سلمان

جالسه في غرفتها وتمشط شعرها وتضفره اندق الباب وسمحت له بدخول واول مادخل لفت للمرايه بعدم اهتمام دخل يزيد وجلس على فراشها مثل عادته
يزيد:بتروحين بيت عمي عبدالله؟
ريوف:اي بس اخاف لا يجي ويوقف قدامي مثل امس ويمنعني!
فهم قصدها واتجه ناحيتها وجلس على الارض جنبها ونطق بهدوء:ريوف
لفت له والدموع تجمعن في محاجرها:يزيد!
سحبها وهو يدخلها في حضنه ويشد عليها من سمع شهقاتها:اششش خلاص بتروحين لاتخافين!
بعدت عنه شوي وصارت تضرب صدره:ليشش امس ماخليتني اروح هااا ليش؟همست في اذن ابوي عشان يمنعني ليييه؟!
قلبه يتقطع من الداخل هو يشوف عيون اختها الي قاعده تهطل دموع مثل المطر بسببه:اسمع...
قاطعته وهي تضربه مره ثانيه:كله بسببك امس راحو واستانسو انا قعدت في البيت لحالي وانتو رحتو عني!
مسك يدينها الي تضرب صدره وصرخ:ريووووف
سكنت حركتها ورفعت راسها تناظر عيونه الي شوي وتنزل منها دمعه وكمل هو:تدرين ليش متعتك تدرييين لا صح؟ منعتك لان مشعل ناونش نيه شينه مشعل ناونش انتي بذات!
ريوف بصدمه:ايش دخل مشعل!
تذكر ايش صار امس بعد مادخلو كلهم داخل البيت