انا اشهد انك جبتي راسي من اقصاه يابنت سيف

البارت التاسع

صباح الخير من قلب نجد العذيه تحديد الديره📍

___
بيت ابو هادي

صحت من نومها وهي مبتسمه عن ليل امس الجميله امس ملكتها وبكره عرسها قامت من على فراشها تتجه لدورة المياه(الله يكرمكم) تاخذ شور يخليها تصحصح اكثر

___
المطبخ

مجتمعين هادي وتركي وتميم وترف عند امهم ناديه الي جالسه تصلح الفطور هم يسولفون على راسه
ام هادي بانزعاج:وجع انت وجاها صكيتو راسي!
هادي حذف عليهم المنديل:اسكت انت وياها صكيتو راس امي!!
ام هادي لفت له:مسوي طالع منها؟
ضحكو تميم وتركي وترف على وجه هادي إلى حس بالغدر ، دخلت عليهم عبير نطقت بابتسامه:صبحهم بالنور!
تركي نقز من على الطواله يتجه لها يحاوط اكتافها:صباح الخير انتي!
نطق هادي بابتسامه خفيفه:كيفش ياعروس؟
عبير بضحك:كويسه
ام هادي بابتسامه:الله يوفقش يابنتي ولف لهادي:وعقبالك!
ابتسم هادي من تذكر ريوف ونطق بهمس:قريب!
طلعو كلهم من المطبخ يطلعو برا يتجهون لبيت الشعر من كان ابوهم جالس فيه ومعهم الفطور

:::::::::::::::::::
بيت ابو سلمان

صحى وهو مبسوط والدنيا ماعي شايلته اخيرا ملك على خب الطفوله اخيرا يقدر يسولف معها على راحته وبدون لحد يزعجه قام ودخل دوره المياه(الله يكرمكم) اخذ شور وطلع صلا صلاه وطلع من الغرفه ونزلت تحت طلع للحوش وهو يشوف اخوانه وامه وابوه حوله سفره الفطور وجلس عندهم ابتسم يلتفت لامه الي نطقت:شلونك يمه؟
سلمان بابتسامه:بخير وشلونش انتي؟!
ام سلمان وهي تصب له شاهي:دامك بخير انا بخير
ابو سلمان:يلا سمو بالله!
وبدو ياكلون ويسولفون وفي نفس الوقت يفكرون لبكره يوم العرس

::::::::::::::::::
بيت ابو عمر

قامو من على السفره بعد ماخلصو فطورهم ومل وتحد يتجه لغرفته كالعاده لكن اليوم غير راحو يجهزون ملابسهم وكشختهم من اليوم الان بكره ماعندهم وقت والقاعه بتكون في الرياض يعني المغرب للزم كلهم يسافرون لرياض ، غرفة البنات
رفيف:لين دخلي الميكب كامل يمكن نحتاجه!
لين:تم ، لكن بسالك؟
رفيف:سمي
لين:سم الله عدوش ، بنجلس في الرياض او بنرجع بعد العرس!
رفيف لفت لها:شوفي كلهم بيجلسون فاكيد بنجلس حتى حنا
لين بحماس:الحمدالله كنت خايفه انه نرجع

:::::::::::::::
تسريع الاحداث
المغرب امام بيوتهم
يدخلون اغراضهم في شنط السيارات عشان يحركون لرياض ركبو السيارات وترتيبهم نفس العاده ماتغير انطلقو متجهين لرياض

___
الرياض

وصلو ونزلو للفندق الي حاجزينه غير عن فندق المعاريس نزلو اغراضهم وكل واحد اخذ جناح اول جانح لعائله ابو هادي والثلني لعائله ابو سلمان والثالث لعائله ابو عمر

___
الفندق
جناح ابو هادي

كان استنفار تام اغراضهم في كل مكان وملابسهم واشياء العرس رتبو على السريع ونزلو البنات لبولفارد الرياض يشترون الاغراض الباقيه