وجديلتها لا التفت حوالينها ، غمرتني بعطرها وآهـ منها.

البارت الثالث

لا اله الا انت سبحانك اني كنت من الظالمين
نجمة وتعليق فضلًا ✨.
-----------------------------------
في البر 8:15 الـليل
نزلوا من السيارات وفرشوا الفرشات ووقفوا الخيم وثبتوها بعدها بنص ساعة لحقتهم نهى اللي كانت متأخرة
والحريم كانوا مع بعض بجهة والرجال بجهة
سلطان ومحمد وهم يرحبون بعبد الله : ياهلا والله أرحب
عبد الله اللي سلم عليهم : البقى شحالكم وعلومكم؟
البقية : بخير الله يسلمك ويحفظك
قرب من ابو خالد وهو يحب رأسه ويسأل عن أحواله ومن ذا الكلام
كان أبو خالد جالس بصدر الخيمة وجنبه عبد الله من جهة اليمين ومن جهة اليسار ولده الكبير خالد
وقدامهم محمد وخويه " ياسر " اللي جاء بسيارته بطلب من محمد وجنبهم متعب ولد خالد
دخلت عليهم لين وهي شايلة بنت عبد الله " رنيم " جدووو جبت لك رنوميي
ابوها اللي فار دمه بدخول بنته ووجود رجالن غريب وبعصبيه : اطلعي يابنت برا اطلعععي!
ابو خالد وهو يشد على عضد ولده : هاتيها حبيبه جدها
قربت لين وهي خايفه من ابوها اللي بيحرقها من نظراته وهو يتوعد فيها
شال الجد رنيم وهو يقبل خدودها ويوجه كلامه للين : روحي يابنتي والمره الجاية إذا تبين شي ارسلي ماجد تمام؟
لين وهي تطلع من الخيمة بخوف : ابشر ياجدي
ابو خالد وهو يهمس لولده : بقى احد مافشلتنا قدامه ياخويلد!
خالد بقهر : حسابها في البيت انا اوريها
ابو خالد : أن قربت من البنت بأذى ماراح يحصل لك طيب.!
سطام اللي كان برا الخيمة ودخل وهو شايل فناجيل ودلة القهوة وبدأ يقهويهم مثل دايم
ومشى الوقت مابين سوالف الشغل وهكذا، وعبد الله استأذن منهم بحجة أنه لازم يرجع الرياض عشان عنده دوام ودع بنته ومشى
.
.
.
عند خيمة الحريم
الجده كانت برضو جالسه بصدر الخيمة مع دراعتها اللي مزينتها بلونها البندقي وكناينها حوالينها وبناتها نهى ودلال واحفادها غلا ولين ورنيم وماجد اللي كان جالس بركن الخيمة ولا هو معهم مشغول بجواله
نهى بنغزة وهي تكلم امها : افا يايمه هذا وانا بنتك ماتعلميني انك بتخطبين لسطام؟
الجده : لعنبو ابليسك انتي مافي شي يتخبأ عنك!
وناظرت غصون وهي عارفه انه هي اللي موصلة الخبر لنهى
غصون وهي تشتت نظراتها : انا ماقلت شي لا تناظريني كذا ياعمة
دلال : يمه انا اللي علمت اختي ترا
نهى : اي يمه دلال علمتني ولا ماتبي تعلميني انتي؟
الجده : القصد موب كذا بس باقي ماصار شي للحين
نهى بخبث وهي تناظر غصون ثم تناظر امها : بنقوم بالواجب يايمه وكلنا بنروح معك
افا وانا بنت ابوي مانخليك بروحك
دلال وهي تعقد حواجبها : ليه مانتي براجعة مع زوجك؟
نهى صدت : لا علمني انه بيروح وقلت له درب السلامة
الهنوف وهي تشاركهم حديثهم : ياعمة متى بتروحون إذا ربي كتب؟
الجدة بحنية لأنها تحب الهنوف وجداً عكس غصون : نهاية الأسبوع يوم الخميس ان شاء الله وانتي اولنا رجلنا على رجلك
الهنوف بابتسامة : ابشري والله ياعمة
غصون اللي قلبت عيونها ونهى اللي أشرت لها بمعنى لا تهتمي
.
.
.
عند محمد وياسر
اللي خرجوا من الخيمة وقعدوا على وحده من الفرشات
ياسر اللي انسدح على رجل محمد وهو يتنهد : جوكم يجنن يارجال ياليت اهلي كذا
محمد بقهقهة : مو جونا تصدق! لو مو إصرار سطام اخوي ماكان جينا
ياسر وهو يسحب كوب الشاهي الورقي ويشرب منه : بتشبث فـ اخوك اسمحلي
محمد : ههههههههه فداك وحلالك
ياسر : تغيير جوو ووناسه بدال المولات والكافيهات اللي مالها داعي شوف شوف " وبدأ يأخذ شهيق وزفير " حتى الجو نظيف
محمد ضحك بقوة : اقول قم قم نروح نفرفر شوي بالسيارة
ياسر وهو ينسدح ثاني مرة : والله مااقوم يازين الجو هنا
محمد وهو يقوم ويلبس حذيانه - الله يكرم القارئ - : بروح اجيب البلوت وراجع لك
ورجع جلس معاه وهم يلعبوا ويسولفوا.
.
.
.
عند ام سلمان جالسة بمجلس بيتها وعندها جارتها ام وليد
ام سلمان بضيق : والله ماعاد عرفت أحوالهم من هذيك الليلة
ام وليد : يعني وين اختفوا كأن الأرض انشقت وبلعتهم!
ام سلمان : ماادري اخاف يكون صاير فيهم شي وحنا ماندري عنهم
ام وليد : ولا يهمك بكلم ولدي سعود واخليه يسأل عنهم
ام سلمان : والله ماقصر معانا سعود الله يفتحها بوجهه
ام وليد : ماسوى الا الواجب واحنا أهل وحبايب ياوخيتي
ام سلمان : الا وينها دانة مااشوفها معك
ام وليد وهي تتصل ببنتها : اي يمه وينك؟..................... يلا تعالي أجل............... مع السلامة
وبعد دقائق معدودة رن جرس البيت،وركضوا رنا وحلا وهم يفتحون الباب
دانة وهي تبوسهم وتحضنهم : وهه فديت الحلوين انا
رنا : جبتي لنا معك شبس وحلاو؟
دانة بابتسامه : اي وانا ماانسى حبيباتي يلا امشوا ندخل وأعطيكم
دخلوا داخل ودانه قربت تسلم على ام سلمان
ام سلمان وهي تشوفها تنزل العبايه وتسمي بالله عليها : ماشاءالله عليك يادانه كل مره اشوفك يزيد زينك، لا رجع سلمان بخطبك له بإذن الله
دانة بهمس خجول : تسلمي ياخالة
وجلست بجنب امها اللي قالت : الله يفرح قلبك برجوع سلمان وابوه
ام سلمان : اللهم امين
رنا وحلا وهم جالسين جنب دانه قالت حلا : شرأيك تجين معنا ونتفرج فلم الكرتون هذاك
دانه وهي تلف عليهم : يلا مشينا
ووجهت نظرها على امها : يمه بروح معهم واونسهم لا جيتي بتروحين نادي علي
ام وليد : طيب ياامي روحي
وخرجت دانة مع البنات الصغار وام وليد تصبر ام سلمان على مصيبتها
**دانة : بنت بعمر ١٧ سنة ثاني ثانوي حلوة وانيقه وطيوبة حيل بنتعرف عليها أكثر مع الأحداث
.
.
.
عند غصون ونهى خرجوا يتمشوا على الرمل وبالجو اللي كان يميل للبراد
غصون : عاد امك الله يهداها مالقت الا الطباخة تخطبها لسطام؟
نهى بحقد : ووععع عاد من زينها بس هين انا بوريها لك جالسه تترزز قدام اخوي وامي عشان يحبونها بنت الفقر مو شايفه خير
غصون : مااتخيلها تصير سلفتي ابدا احنا وين وهي وين
نهى : ماعليك ماراح اخليها تتهنى " وناظرت بغصون" بس لا تخلينا نبين لهم شي ابدا لين يتم الموضوع " وبخبث" وبعدها يبدأ دورنا
غصون بضحكة : كفو عليك
وكانت سواليفهم وخططهم كلها خبث بخبث وحقد وحسد ناسين انه فيه رب بيحاسبهم على كل أفعالهم وكلامهم
.
.
.
عند سطام جهز أغراض العشاء وشغل الحطب ونادى على ياسر ومحمد
محمد : والله اني تعبان ومهدود حيلي من أمس مواصل رح انت
ياسر وهو يأقف : أجل ارتاح انت على بال مانجهز العشاء
محمد وهو يتغطى بفروته وينسدح : لا جهز صحوني تراني ميت جوع
ياسر وهو يمشي : تم تم
قرب من سطام وهو يساعده
سطام : بركب انا قطع اللحم والخضار بالاسياخ واشويها وانت سوي الرز تمام؟
ياسر وهو يشمر اكمامه : كم كاسه بتسوي؟
سطام : ٨ كأسات وان شاء الله تكفي والسلطه بخلي محمد يسويها
ياسر : محمد بيريح يقول مواصل عطني انا اسويها
سطام وهو يمد له أغراض السلطة : بس ها ابيها قطع صغيرة مااحبها كبيره
ياسر وهو مبسوط بأجوائهم : تمام
سطام وهو مابين يشوي اللحم ويناظر ياسر اللي قطع السلطه قطع كبيره وشكلها يضحك
طلع الجد هو ومتعب من الخيمة وقربوا منهم
متعب : ها ياشباب مساعده؟
سطام : اي تعال فيه الملح ناسيه بالسياره جيبه
متعب اخذ مفتاح سيارة عمه وراح السيارة وهو راجع شاف ماجد عند عمه محمد اللي منسدح
متعب : وش تسوي هنا ياماجد؟
ماجد وهو ماسك ذراع محمد وشاق ثوبه : كويس اني لحقته لادغته عقرب!
متعب بخوف وهو يقرب منهم : هات بشوفه
ومسك ذراع عمه اللي جسمه كان متصبب من العرق وذراعه كانت حمراء
ماجد وهو يقرب من ذراعه ويسحب السم بفمه ثم ينثره على التراب
متعب بعصبيه : غبي انت!!!! جسمك ماراح يتحمل
ماجد وهو يلهث : لين نوصل للمستشفى بنأخذ ساعه بسحب السم كله وخلينا نشيله ونوديه بسرعه
متعب وقف وهو يقرب من عمه سطام وهمس بإذنه : عمي نبيك شوي
وقف سطام وهو حاس بإنه صاير شي : ياسر بالله انتبه للأكل شوي وراجع لكم
ياسر اؤمى برأسه وابتعد سطام ومتعب عنهم
سطام : وش صار اهرج!
متعب : عمي محمد لادغته عقرب لازم نلحق عليه والغبي ماجد بيخرج السم منه
سطام بعصبيه : وانت مخليه وجاي ابعد بسرعه
وراح له وهم يشيلونه للسيارة شغلها ومشوا على طول
متعب اللي خرج ثلج وربطه بشال وبدأ يحطه على لدغه العقرب اللي بذراع محمد
سطام اخذ كيس بسرعه وعطاه لماجد : استفرغ بسرعه هنا
ماجد بحنكته المعتاده دخل أصابعه بحلقه واستفرغ كل اللي بمعدته ورجع رأسه على مقعد السياره بتعب وإرهاق
اما سطام اللي مسك الخط السريع ورايح على أقرب مستشفى
.
.
.
تعليقاتكم وارائكم؟
يُـتبع..............