وجديلتها لا التفت حوالينها ، غمرتني بعطرها وآهـ منها.

البارت الثامن

لا اله الا أنت سبحانك إني كنت من الظالمين

--------------------------

#وجديلتها_لاالتفت_حوالينها

.
.

جــدة، صبـاح الاثنـين

خرجت من غرفتها لابسة مريولها وفوقه عباتها
وعلى ظهرها شنطتها المـدرسية
نزلت عتبات الدرج وهي تدور على اخوانها وأمها
: يـــــمهه وينكم؟
أمها من الصالة نطقت بصوت عالي : تعالي هنا احنا
دخلت نزلت شنطتها واقتربت تجلس على السفرة الارضية وبدأت تفطر معهم
رفعت عيونها لأخوها وقالت : وليد بتوصلني انت اليوم؟
ابتلع لقمته وأردف : لا طبعا مو فاضي لك.
سعود ناظره بسخرية ومن ثم قال لها : أنـا بوديك ياعيني
ابتسمت له واؤمات
وام وليد قالت بغصة : وش صار على بلاغ ابوكم؟
راشد اللي كان منسدح على الكنبة شاركهم الحديث : يمه اليوم بروح مره ثانيه واشوف وش صار لاتشيلين هم
قامت وهي تحمد الله وقبل لا تمشي نطق وليد : هييي بنت شغلي الشاشة بسرعة!
قطبت حواجبها بإستغراب ونفذت آمره
ام وليد : وش فيك يايمه؟
وليد : اصبري يايمه الحين تعرفين
" واردف لدانة" اقلبي قناة الاخبارية وارفعي الصوت
دانة التفت وشالت الريموت وهي تقلب وترفع الصوت
توجهت كل الانظار على الشاشة وهم يستمعون للخبر الصادم!

تحت الــعنــــوان العــــــريــض
: حــــادثــــة الــــمـــيـنـــاء
وبصوت الصحفي السعودي اللي اردف الخبر من مقالته

عاجل : في عشية يوم الخميس وبتاريخ 11 من شهر يوليو ولهذه السنة
تم العثور على جثة رئيس الميناء محروقة
وأيضا محاولة العاملين هناك بتقديم يد المساعدة لاطفاء الحريق الذي كان مستقصد من قِبل القاتل
ولكن قد فات الأوان ومع اشد الاسف روحه فارقت جسدهـ من لحظة اندلاع الحريق
والبحث لازال مستمر عن القاتل
وذلك وتم ايضا إغلاق ميناء جدة لمدة اسبوع كامل
وإيقاف جميع الشحنات الصادرة والواردة
وكل هذا تحت إشراف رائد مركز شرطة جدة

.

فتحت عيونها على وسعها بصدمة ونقلت انظارها بين اخوانها
اما راشد جلس بعدما كان منسدح وهو كذلك اردف بصدمة لأخوه : كنت مداوم يومها ليه مابلغتني؟
وليد ناظره : ماسنحت لي فرصه اخبرك
ام وليد : لاحول ولا قوة الا بالله
الله يرحمه ويغفر له
دانة بصدمة وهي مو مصدقة : يعني عمي ابو صابر مات مـقتول!!
سعود : هذا يومه وكان مكتوب له الله يرحمه ويغفر له
" ناظر اخوانه واردف" يعني وش ماراح تشتغلون هناك؟
وليد نفى ونطق : لا اكيد بعد اسبوع بنرجع
راشد أيده بكلامه : اي والله ماحنا بقاطعين رزقنا
وان كان مكتوب لنا شي فـ راح يجينا حتى لو كنا ببيتنا
ام وليد تنهدت واردفت : المصايب تتحاذف علينا من كل صوب
انتبهوا لأنفسكم مابي يصيبكم شي ياعيالي
" تجمعت الدموع بعيونها" مالي غيركم والله
وابوكم ماندري عنه
سعود قام من مكانه وهو يقرب منها ويهديها : افا يـ ام وليد والله ان ماتنزل دموعك بوجودنا
استهدي بالله وتطمني وكل الامور محلولة
هزت رأسها ومسحت دموعها تصبر نفسها
والتفت سعود لدانة ونطق : يلا يابنت راح تتأخرين
دانة بضيق : لا خلاص روح لورشتك
ماعاد لي خلق للمدرسة
سعود سحبها من يدها بخفة : اقول يلا امشي قدامي
كل يوم غايبة!
كيف تبين تنجحين وانتي مهملة
طلعوا لباب البيت واردفت له بحزن : ماتوقعته يموت
وبهالطريقة
احتضن وجهها بين كفوفه ونطق بحنية : اترحمي عليه وكلنا ماشين بالدرب ذا
رفعت عيونها عليه وهي ممتلئة بالدمع : تدري؟
كنت اعتبره مثل ابوي
من يومي صغيرة وكلما زارنا بيدينه اكياس هدايا وحلويات لي
سعود : ايه انتي المدللة كلهم يحبونك
" وبمزح" عاد ليتني بنتك مثلك الكل يحبني ويدللني
مسحت دموعها وابتمست له لانه يحاول يطلعها من ضيقتها وهمست بإذنه بضحكة : ماعليك انا احبك كثير واكثر من وليدوو
سعود هز رأسه بيأس : عاد هذاك فقدنا الامل فيه، يوم يتعدل وعشرة ينقلب حاله
المهم بروح اسخن السيارة روحي جيبي شنطتك والحقيني
اؤمات له ورجعت للصالة قبلت رأس امها ونطقت لها : يمه حبيبتي لا تنسين دوائك
ام وليد : ابشري يايمه وانتي انتبهي لنفسك واستودعتك الله
دانة وهي تلبس نقابها والشنطة : حاضر ان شاء الله
وخرجت من البيت متوجهة لسيارة اخوها