وجديلتها لا التفت حوالينها ، غمرتني بعطرها وآهـ منها.

البارت الثاني عشر

لا اله الا أنت سبحانك إني كنت من الظالمين

------------------------------

لايك قبل القراءة فضلاً ✨.

#وجديلتها_لاالتفت_حوالينها

.

.

أجاملك وأقول مامنك قصور

ولا انت من رأسك لرجلك مقصّر..

.

.

نهى بعصبية : ايه زين زين بس والله لاخرب لها حياتها بنت الكلاب

غصون : نورسين صح؟

نهى : وفيه غيرها الكلبة ذي

غصون : الصدق كان ودي يتزوج اختي

نهى : معليش خلها تتهنى الحين لكن انا اوريها

غصون بحماس : وش بتسوين؟

نهى : للحين ماقررت بالي مشغول بأشياء ثانية

لكن بفضى لها اصبري بس

غصون : حلو وهذا اللي ابيه

نهى : المهم مثل ماعلمتك تروحين لأمي وتعتذرين منها
وحاولي تكسبين تعاطف سلطان

غصون بإستغراب : وليه يعني؟

نهى بخبث : بدايه الخطة لازم تكون ناجحة

ابتسمت ونطقت : فهمت عليك

#باك

افاقت من سرحانها وهي تسمع صوت الباب ينفتح

التفت بظهرها وشافت سلطان يدخل ويغلق الباب خلفه

تجاهلها ولا كأنه يشوفها ومشى بيصعد الدرج لكن استوقفه صوتها : سلطان

وقف بمكانه وهي قربت منه تلمس ذراعه

لكن نفض يدها بقسوة واردف : يدينك القذرة لاتلمسني

غصون بتمسكن : والله اسفه ياسلطان ماكان قصدي

ناظرها وهو يرفع حواجبه : لا بالله!
كل ذا التطاول على أمي وماكان قصدك!
اجل لو كان قصدك وش بتسوين

غصون : اعصابي كانت مشدودة وماتحملت شيء
عشان كذا تنرفزت

كتف يدينه ببرود : وبعد؟