بسم الله 🤍
مادريت ان مابه مخلوق يستاهل غلاك...
البارت الاول :
الصبح بالغرفه عند فيصل وسلمان :
فيصل : سلوم قم لا يدخل علينا العجيز ويزعجنا من صباح الله خير
سلمان : خمس دقاي...
قاطعهم دخول المدير سالم : ماقمت انت وياه !!
فيصل بهمس : جبنا طاريه وجاء
سلمان قام : والله البلشه
المدير سالم بغضب : احترم نفسك يكفي اني متحملكم
فيصل بنفس النبره : والله محد جابرك تتحملنا !!
المدير : انا قايل منت طالع انت واخوياك لين تعقلون وبتصيرون تحت مسوؤليتي لين تطفشون حتى الكتب بخليكم تحفظونها صم ! واخلص انت وياه انزلو بدت الحصه وطلع بغضب
فيصل ضحك : شفيه ذا شادها
سلمان : يارجال اسحب عليه رح شف العيال انا بلبس وبجيكم
طلع فيصل من غرفتهم وراح غرفه خالد وسعود
خالد نط عليه : ارحب
فيصل : توك شايفني
خالد : وجع مااشتاق لك يعني
ضحك فيصل وقال : حلالك
سعود ضحك عليهم : اقول امش انت وياه بس
طلعوا الثلاثه وطلع سلمان من الغرفه الي جنبهم ونزلو كلهم للفصل
رفس فيصل الباب ودخلوا
الاستاذ : انا سمحت لكم تدخلون؟
سلمان : يااستاذ كلها كم دقيقه !
الاستاذ تنهد بغضب من تمردهم المستمر وقله ادبهم وكمل شرحه
جلسوا في امكانهم وحط سلمان راسه عشان ينوم
المعلم : قم يافيصل جاوب
فيصل وهو جالس : وش السؤال
اشر المعلم على السبورة : هذا
قعد فيصل يناظره ثم قال : عطني خيارات طيب
وضحكوا الطلاب
المعلم : ولا واحد فيكم انتم فالح !
قام خالد ب ثقه بعد مااخذ الاجابة من احد الطلاب : هذاني موجود
المعلم : تفضل ياخالد؟
خالد : سهله ٣٠
المعلم ابتسم : ذكي وكيف حليتها
خالد : انا الاستاذ ولا انت
فيصل : وهو صادق احمد ربك عطاك الجواب
وضحكوا الطلاب
المعلم بغضب : برا انت وياه !
قاموا خالد وفيصل وقاموا معهم سعود وسلمان
المعلم : وين رايحين ياسعود وسلمان!؟
سعود : وين يعني اكيد بنروح معهم
المعلم تنهد بغضب وطلعوا الاربعه من الفصل
———————————————————————
باليل في الميتم عند البنات :
ديم ودموعها الي تنهمر بسبب انها قتلت اخوها يوم كان يضربها ودفنوه البنات وتشاركوا بالجريمة : كله بسببي بسببي انا
الجادل جلست قدامها بحزن : ياديم افهمي مالك ذنب مالك ذنب
ديم حضنت الجادل : لو مارحت ماصار الي صار
الجادل بادلتها الحضن : صار الي صار خلاص ارحمي عيونك يابنت
اسيل وهي تبكي : ديمي خ خلاص صار الي صار
داليا مسحت دموعها : واساسا لو كل وحده مننا صار معها نفس الي صار معك بنسوي زيك
الجادل : وداليا صادقه انتي خذيتي حقك واحنا خذينا حقك بعد
دخلت مديره الميتم : وش قررتوا ؟ ادخلكم السجن بالمقاطع الي معي او تسمعون كلامي؟
الجادل ب كره وحقد ناظرتها : وش تبين
المديره هند : ابيكم تتنكرون وتصيرون عيال وتنتقلون مدرستهم الداخليه
اسيل بعصبيه : تستهبلين علينا انتي !!!
داليا مسكت اسيل وسحبتها وراها
الجادل ناظرت صديقاتها الي هزوا راسهم بالايجاب : موافقين!
ابتسمت المديره هند بانتصار : بكرا الصبح تجوني اعلمكم عن كل شي
وطلعت من الغرفه وهي فرحانه
اسيل ببكاء: شلون شلون
الجادل : معليك انتي وبعدين اذا رحنا هناك محد بيتحكم فينا !
ابتسمو ديم وداليا على الجادل وتفكيرها
الجادل ناظرتهم وضحكت : جعلها دوم الابتسامه
—————————————————
" الصبح "
في مكتب المديرة هند
دخلو البنات عليها
الجادل : وش قصتك!؟
تنهد هند بحزن : القصه ومافيها انه مدير المدرسة سالم الي بوديكم لها ماخذ بنتي من ١٣ سنه وكل ماحاولت اروح له يصد عني ويطردني
اسيل : احنا وش دخلنا نروح له وش بنسوي ؟
هند طقت الطاوله بغضب : تجيبون لي بنتي واذا لعبتوا ب ذيلكم بتلقوني قدامكم !!
داليا بفضول : وليه ماتبلغين الشرطه ؟!
هند : متوقعه اني ببلغ عليه عشان اخسر بنتي ! سالم شخص مريض
الجادل : يليل طيب خلاص وش بنسوي الحين ؟
طلعت هند من درجها بطايق: ذولي هوياتكم المزوره
مدت البطاقه الاولى ل ديم : انتي بيكون اسمك ليث
ومدت البطاقة الثانيه ل داليا : وانتي بيكون اسمك تركي
ومدت البطاقه الثالثة ل اسيل : وانتي بيكون اسمك رعد
ومدت البطاقة الرابعة ل الجادل : وانتي بيكون اسمك عزام
هند : نقلت ملفاتكم هناك وقبلوكم من اليوم بتروحون لهم وبيصير بينا اتصال
همست الجادل ل اسيل : يليل ام البلشه مارح نفتك منها
ضحكت اسيل بخفه
هند : وهذا كيس فيه اثواب ومشدات
داليا : طيب يلا بنات مشينا
هند : وش الي مشينا تعالوا ماخلصت انا !
الجادل بعصبيه : وش تبين بعد مايكفي الي بتسوينه!!
طلعت مكينه حلاقه من درجها ورفعتها لهم
اسيل بتلعثم: و وش ق قصدك نسوي فيها؟
هند : احلق شعوركم تبونها طويله كذا !!
الجادل بعصبيه رفست الكرسي بقوه حتى ماطاح : تخسين تماديتي عاد !
هند ضحكت بسخرية : مااشاوركم انا ! تبون اذا تصافقتوا وتمعاطتوا يشوفون شعوركم ؟!
استسلموا لها البنات بقله حيله
هند بعد ماقصت شعورهم : الحين تقدرون تروحون السواق الي بيوصلكم بيكون موجود الساعه ٨
طلعوا البنات يرتبون اغراضهم عشان يمشون لمدرسة سالم الداخلية
ديم ب حزن : بنات اسفه كله مني
الجادل خمتها مع كتفها : تبين وحده على عينك؟
ديم ابتسمت وناظرت الجادل الي واضح الحزن من عيونها بس تكابر عشانهم
خلص البارت الاول ادري قصير بس بعوضكم بالبارتات الجاية بإذن الله 🤍
