بسم الله 🤍
مادريت ان مابه مخلوق يستاهل غلاك
نزلو كلهم واشر لهم حازم وتقدموا له
حازم : ذياب انحاش يوم عرف انكم جايين
خالد : من يوم عرفته وهو هطف
حط فيصل يده على كتف حازم : وليه تركي خوينا عندك؟
تنهد حازم ونطق : كذب علي وما اكتشفت كذبته الا متاخر وهذاني جيت وقلت لكم وتراه مابعد قام
دخل خالد تارك العيال برا وتقدم لداليا وشافها ماسكه بطنها وتبكي
ونطق : بسم الله شبلاك!
رفعت داليا راسها وقالت ببكاء : انت الي خاطفني؟
خالد : وش الي خاطفني طبعا لا
دفعته داليا وهي تصيح وماسكه بطنها من الالم: لا تكذب لا تكذب من الي جابني هنا
خالد : ذياب ذياب ماهو انا ومسح دموعك بسرعه لايجيون العيال
مسحت دموعها ومد يده يساعدها تقوم وقامت معه وطلعوا للعيال
تقدمت ديم تضمها وبادلتها داليا
خالد بملل : خلو خمخمتكم بعدين!
ضحكت ديم تبعد عن داليا وركبوا السياره بعد ماشكرو حازم وحركوا
كايد : نرجع بيتنا ولا وش الوضع ؟
داليا : لا انا مااقدر رجعني السكن
هز راسه ونطق : والباقي؟
فيصل : انا بجي معك مره مافيني حيل سكن وكآبه
خالد : حتى انا
الجادل وديم : بنجي
رايد وباقي العيال : حتى حنا
كايد : يعني بس تركي صح؟
داليا : ايه
هز راسها بإيجابيه ومشى للسكن يوصلون داليا ثم رجعوا لبيت كايد يكملون فعالياتهم
...
دخلت داليا على اسيل الي تغطت بالبطانيه بسرعه
داليا وهي تسكر الباب : بنت شفيك؟
اسيل وهي تحاول توزن نبرتها : ولا شي ، وش صار معكم
رفعت داليا حاجبها مستنكره صوتها وهي ماسكهه بطنها : لقوني العيال والجادل وديم وجابوني هنا وطلع ابن الكلب ذياب...
سكتت وهي تستوعب وناظرت بطنها : الله يقلعه طلع هو سبب بطني وش حاط لي ذا
لفت على اسيل الي ساكته وللحين متغطيه بالبطانيه
تقدمت لها وشالت اللحاف بسرعه وشافت ملامحها الباكيه ونطقت بخوف : كنتي تصيحين؟ وشفيك؟
اسيل بترقيع: كنت تعبانه وتعرفين لازم اسوي دراما
مشت داليا للكنب تجلس عليه ونطقت : وجع خرشتيني احسب فيك شي
سكتت اسيل تناظرها: شفيه بطنك؟ وش مسوي ذياب
داليا : تعرفين اني دلخه وماافكر قبل اسوي الشي جاني واحد وعطاني بسكوت واجبرني اكله وماكنت ابي اكسر بخاطره يعني ولا خطر في بالي انه مخطط مع التبن هذا
اسيل : وكيف حكمتي؟
داليا : كان مفتوح اول شي ويوم تاكد اني اكلته ركض وانحاش
تنهدت اسيل : يارب تخلصنا من هالمكان صار موحش
داليا : الله يسمع منك ، معد اتصلت هند ؟
اسيل : تدق وتهزئني وتسكر
داليا تنهدت تمسك بطنها
قامت اسيل : قومي المستشفى
داليا : اقول اقعدي بس مابنروح مستشفى ونفضح نفسنا
اسيل : تستهبلين صح ؟
داليا : حبيبتي يبي لها فحص عشان يشوفون وش فيني وبيعرفون اني بنت!
تاففت اسيل : يوه
داليا : اقعدي بس
رجعت اسيل مكانها وجلسو يناظرون بعض بصمت
...
خالد : والله الفلم جامد
ديم : ايه مره ممتع
ثامر : قايل لكم عليه زحمه
الجادل : ميت نوم انا برجع
ديم : حتى انا
فيصل : اجل نرجع كلنا مره وحده لان حتى انا فيني النوم
كايد : والله حتى انا دروخت
سعود : اجل خلاص مشينا
مشو كلهم متوجهين للسياره وراحو العيال والجادل وديم للسكن وكايد والباقي بيوتهم ونامو كلهم
