بسم الله 🤍
مادريت ان مابه مخلوق يستاهل غلاك
سعود بملل : يليل متى بيجون
ديم : احس صار شي
داليا : شي ؟ وشهو
ديم : وانا شدراني بس كذا حسيت انه صارت مصيبه
طلع سعود جواله من جيبه ودق على سلمان الي رد عليه : هلا سعود؟
سعود : وينكم ؟
سلمان : راجعين الحين
سعود: ماصار معكم شي؟
سلمان : اذا وصلنا علمناك
سعود: زين يلا فمان الله
وسكر جواله يرميه بجنبه
داليا : صاير شي؟
سعود : الي حسيته انه صاير شي بس طلعوا منه يقول اذا جيت علمتك
بعد وقت رجعوا العيال وعلموا الباقي بالسالفه
كايد : ومدري وين راح
ديم : وش صار معك انت
اسيل : يعني تعرفوني ملقوف شفت لوحه من فوق ورحت لها وضيعت من كبر البيت بعدها لقاني سلمان بعدها...
سكتت من استوعبت الي صار
ضحك سلمان وقال بتعمد: ايه كمل وش صار بعدها
احمر وجه اسيل
رايد باستغراب : وشفيك وش صار بعدها
رفعت اسيل راسها : هاه؟ اقصد ماصار شي بعدها طلعنا ورجعنا هنا
محد دقق للموضوع
سعود : يلا كايد العشاء
قام كايد : يلا بسم الله
وجلس يطبخ والعيال يساعدونه وتعالت اصواتهم
همست الجادل لاسيل : وش صار بعدها؟
اسيل : ماصار شي؟
الجادل : وش شايفه على جبهتي نقطه حمراء؟
اسيل : يوه جوجو !
الجادل : مافيه جوجو بتقولين لي
اسيل : خميته بالغلط
ضحكت الجادل : احلفي
اسيل : كلي زق
ضحكت الجادل على اسيل ثم قالت بطقطقه : بنت لا يكون تحبينه!
اسيل: وجع ماينقال لك شي مااحبه مااحبه
ضحكت الجادل عليها زياده
بعد ماتعشوا وخلصوا
سعود : فنان يقلع بليسك
شاركوا العيال بموافقتهم على كلام سعود
ضحك كايد : عساه بالعافية
رايد : نلعب اونو
ديم : يلا
اسيل : تم
فيصل يلا
ثامر ومنصور : مارح نلعب حنا بس بنشوفكم
بدا فيصل يوزع الاوراق للكل ماعدا ثامر ومنصور : يلا
بدوا يلعبون ويضحكون
داليا بحماس : اونووووو
حطت الورقه ثم قالت : فزتتت
ديم : خير متى فزت انت
داليا: فزت
خالد : قم قم اشوف
داليا : وجع ليه اقوم
خالد : اقول قم بس
داليا : رجلي توجعني مااقدر اقوم
قام خالد وتقدم لها وشالها ثم حطها على الارض وضحك : زي ماتوقعت كم ورقه مزبنها تحتك
ضحكوا العيال عليها ونطقت الجادل : يالغشاششششش
داليا راحت للجادل وقومتها وشافت الاوراق الي تحتها : مسوي تسولف وانت نفسي
الجادل ضحكت : شدراك ياتبن
رايد : بدامها خربانه خربانه بعترف
فتح المركه الي جنبه وضحكوا كلهم على الاوراق الي مخبيها
اسيل : اجل خلني اخربها زياده
ورمت اوراقها بوجه سلمان وقامت تركض : فيك خير امسكني
قام سلمان يلحقها بعصبيه : تعالل
ضحك كايد : مب صاحيين انتم
ثامر وهو ماسك بطنه : كل يوم نبي نطلع والله انكم فله
بعدوا سلمان واسيل عن العيال ونطق سلمان : تعالي!
اسيل : واذا مسكتني وش بتسوي
سلمان : ودك تعرفين تعالي؟!
اسيل : لا ماش مااقتنعت
طلع سلمان نظرات الاستغراب واستغربت اسيل : وشفيك؟
سلمان : من مدخل الكلب الي وراك
صرخت اسيل بخوف وهي تركض لجهته ضحك وهو يمسكها : مشت عليك جيتيني برجولك
اسيل : يالغشاش فكني مااتفقنا
سلمان : وبعدين غبيه انتي فيه كلب مايطلع صوت
اسيل : وانا شدراني يمكن نايم
سلمان : نرجع لموضوعنا
اسيل : اي موضوع مافيه مواضيع شرايك نرجع لهم
سلمان : ليه ترمين الورق ؟
اسيل : بالغلط ماشفتك
سلمان : ياشيخه؟
اسيل : ياخي فكني وخلنا نتفاهم زين
شالها وهو يقول : تعالي بخليك تتفاهمين مع احد ثاني
اسيل : سلمان بلا استهبال !
سلمان بجديه : من قالك استهبل معك
طلع جواله من جيبه واتصل على كايد : بسالك كلب الحراسه وينه؟
صرخت اسيل : سلماااااااان
نزل سلمان اسيل وبحركه سريعه ثبتها وسكر فمها : ايه عرفته عرفته ... ياخوي معليك مافيه شي...زين
سكر جواله ورجعه بجيبه ناظرها : بشيل يدي ياويلك تصارخين
هزت اسيل راسها بإيجاب وشال يده عنها وسرعان ماصرخت : ساعدوووووني انا هن...
قاطعها وهو يرجع يحط يده على فمها : بتهجدين ولا شلون!
حاولت اسيل تفك نفسها بس كان اقوى منها بمراحل رجع يشيلها وهو حاط يده على فمها
وصلوا عند مكان الكلب الي بدا ينابح وهو مربوط نزل سلمان اسيل وشال يده عن فمها
اسيل بخوف شديد : ابعد ابعد يابزر
سلمان : تفاهمي معه
صرخت من حاول يتقدم لها الكلب
سلمان : لا تصارررخين
نزلت دموعها : سلمان ياحيوان بعده عني!
لفها له وناظر عيونها : تبكين عشان كلب؟
بدت اسيل تكحكح وتحاول تتنفس
سحبها وبعدها عن الكلب ونطق بقلق : شفيك
طاحت عليه ونطقت وهي تاشر على جيبها : بخـ بخاخ ر ربو
دخل يده بجيبها وطلع بخاخ الربو وحطه على فمها وبخ ثلاث مرات
رفعت اسيل يدها وبعدت يده بمعنى يكفي مسح على شعرها : بخير؟
هزت راسها بإيجابيه ثم قالت : بردها لك تشوف
ابتسم سلمان : يصير خير
قامت اسيل من استوعبت انها بحضنه وقالت بتصريف: برجع عندهم
ضحك وقال : روحي
اسيل : مارح تجي؟
سلمان : بجي بعد شوي واذا سالوك عني قولي عنده مكالمه مهمه بيجي بعد شوي
هزت راسها بإيجابيه وتظاهرت انها بترجع بس فضوليه كالعاده وجلست تراقب سلمان من بعيد بدون علمه شافته يطلع بكت دخانه من جيبه و ولاعه وبدا يدخن ثم طلع جواله واتصل وحطه على اذنه ويضحك ومبسوط اسيل بنفسها : مين يكلم معقوله بنت ! لا وين اكيد ولد ... شفيني واثقه انه ولد ؟...
قربت منه بشويش لاجل ماتطلع صوت وسمعته يقول وهو يضحك : معليك مني انتي شلونك...الشوق ذابحني...ابي اشوفك
ناظرته بحزن ثم مشت عشان ترجع وقالت وهي تكلم نفسها : غبيه انتي ! شدخلك تزعلين ! اكرهه اكرهه مايهمني
رجعت للعيال وجلست بهدوء
فيصل باستغراب: وين سلمان؟
اسيل : يكلم شوي وبيجي
هز راسه بتفهم ثم ناظر رايد : بكرا بتجون للمدرسه؟
رايد : ايييه
ابتسم فيصل : حلو
عم السكوت وناظرتهم اسيل : شفيكم هاجدين
داليا : جاني النوووووووم
لفت اسيل على الجادل الي منسدحه ومعطيتهم ظهرها : عزام؟
كايد : خله نايم ...نرجع ؟
فيصل : يلا احس اني مهلوووك
كايد : مره و ورانا دوامات من صباح الله خير
قاطعهم سلمان الي جاء من وراهم : بتمشون؟
هز فيصل راسه بإيجابيه ونطق سلمان : يلا اجل مشينا
بدوا سلمان وفيصل يركبون الاغراض الي لهم
اسيل: ياعزام خلاص قم تعبتني !
ضحك كايد بخفه وهو يناظرهم
فيصل : مطولين؟
اسيل : عيا يقوم وش اسوي يعني !
صد فيصل عنهم ثم رجع يناظرهم وهو يتقدم ويشيل الجادل بيدينه يوديها للسياره ناظر ملامحها بتدقيق وقال بنفسه : مستحيل ذا ولد كيف ملامحه ناعمه فيه ان بالسالفه ولازم اعرفها واتاكد
ركبوا السياره كلهم بعدوا ماودعوا العيال ورجعوا للسكن والباقي رجعوا بيوتهم
وخلص هالبارت اتمنى يعجبكم وادري انه قصير بس بعوضكم واتمنى تقدّرون ظروفي الخاصه 🤍
