بسم الله 🤍
مادريت ان مابه مخلوق يستاهل غلاك...
بعد مرور ساعتين من الطريق وصلو للمخيم :
بدا الاستاذ يعلمهم غرفهم واي جهه وبدو الطلاب يمشون لغرفهم ويقل العدد
اسيل همست للجادل : تكفين ماابي
الجادل : روحي الغرفه ماهو صاير شي واهم شي ديم انتبهي لها مو تصيح قدامهم!
اسيل تنهدت: اف طيب
الجادل حضنتها ثم قالت : يلا روحي
راحوا البنات للغرف الي هم فيها
——————————————————
عند اسيل وديم :
دخلو الغرفه وشافو سلمان منسدح على السرير وسعود جالس على الكنب وكلهم على جوالاتهم
راحت اسيل وجلست على السرير الي بالزاويه وديم بالزاويه الثانيه وبينهم اسره سعود وسلمان
سلمان ضحك : الخكري جنبي اجل
اسيل ببرود واستهزاء : والله عاد اذا فيه خكري هنا فهو انت
سلمان قام و رمى عليها المخده : لا والله ؟ جد ؟
اسيل قامت بغضب وجت بتعطيه كف بس مسكها من معصمها بقوه: مب انت الي تمد يدك علي
سعود سحب سلمان وراه واسيل ناظرت يدها وناظرت يدها بالم
اسيل رفست سلمان وطلعت من الغرفه ولحقها سلمان بغضب
ديم بخوف : سعود
سعود : سمي
ديم : تكفى رح لا يسوي شي
سعود بهدوء : لا تخافين سلمان واعرفه مارح يسوي شي بس بروح عشانك
وطلع من الغرفه يلحقهم
——————————————————
عند الجادل وداليا وفيصل وخالد :
الجادل : لا طس انت هناك
فيصل : كيفي انا اول من جلست فيه يعني حقي
الجادل : لا مافيه قم ابي تركي جنبي
فيصل فتح جواله متجاهل الجادل
الجادل : يابزر لا تسفهني
داليا : خلاص خله هنا
وسحبت الجادل لسريرها
داليا همست لها : لا تتمشكلين معه هو الي بيساعدنا نلقى طيف !
الجادل بنفس النبره : بس لو نرفزني ماني ساكته له وبعدين مانحتاج مساعدته وش ناقصنا يد ولا رجل ؟
داليا بتسليك : اي اي زين
الجادل ناظرتها وهي رافعه حواجبها : قدها تسلكين
ضحكت داليا : امزح معك
قاطعهم دخول اسيل و وراها سلمان ثم سعود
اسيل نطت على الجادل
الجادل انصدمت من عصبية سلمان الي اول مره تشوفها وهمست لاسيل: وش مسويه له انتي
اسيل : هو نفسيه عاد شسوي
ضحك فيصل وناظر سلمان: عليك به
سلمان ناظر اسيل بغضب : بتجي ولا شلون !
اسيل ب دلع : لا
سلمان بعصبيه من دلعها سحبها بقوه معه وطلعوا
الجادل بهمس ل داليا : اف منه
داليا بهمس : اخاف يسوي لها شي!
الجادل ركضت تفتح الباب وتطلع وداليا وراها
فيصل : شفيهم ذولي
سعود : مدري الزبده برجع غرفتي
فيصل هز راسه بإيجابية ورجع يناظر جواله ببرود
——————————————————
في اليل كانو كل الطلاب مجتمعين وجالسين
الجادل ناظرت اسيل وديم وقالت بهمس : وين داليا
اسيل : مدري
ديم : قالت بروح اتمشى
الجادل : زين
كانت داليا تتمشى وتهوجس وماانتبهت الا انها بوسط البر وضايعه
داليا بنفسها : يالله كيف انا غبيه كذا
بدت تحاول تلف يمين ويسار تدور احد وتدور نور ومر الوقت وصار ظلام تام عندها
داليا وهي تكلم نفسها : معليك هدي مارح يصير شي
تجمدت ب مكانها من سمعت صوت نباح الكلاب وصوت الذياب
عند البنات :
الجادل ب قلق : وينه ذا للحين مارجع
ديم ب خوف : اكيد بت بيرجع وين بيروح يعني
ناظرهم سعود : بكلم العيال وبنروح ندوره كلنا
الجادل هزت راسها بإيجابية
طلع سعود وطلعوا وراه البنات وراحو الغرفه الثانيه
سعود : ياعيال تركي مختفي تجون ندوره
سلمان : فاضي له انا
سعود : سلمان ! مب وقتك
فيصل : قوموا بس
خالد : طيب
قاموا العيال معهم وطلعوا يدورونها كلهم
خالد : انا وفيصل بندوره بعيد شوي وانتم الباقي خلكم قريبين
الجادل : زين طيب
راحو خالد وفيصل وابعدوا عن المخيم
خالد : بروح انا من هنا وانت من هناك
فيصل : طيب
كانت داليا ضامه رجولها وتصيح
خالد سمع صوت بكائها وراح عند الصوت
خالد : تركي؟
رفعت نظرها له ومن الخوف حضنته لا شعورياً وبادلها خالد
خالد : لا تخاف عادي
داليا بعدت عنه بعد مااستوعبت وقالت بتلعثم : اسفه اقصد اسف
استغرب خالد من تصرفاتها : عادي يلا امش نرجع اخوياك ابلشونا
مشت داليا معه ودق خالد على سلمان
خالد : لقيته جايين الحين
سلمان : زين
وسكر منه ودق على فيصل يعلمه ورجعوا كلهم للمخيم
الاستاذ : ليه طالعين ! مب قلنا ممنوع بعد ١٠ ؟
الجادل : اسكت اسكت محد ناقصك والله
الاستاذ : وش قله الادب ذي ياعزام
مشت الجادل متجاهلته
تعجب فيصل من شخصيتها ولحقها بخطوات سريعه وهمس لها : والله وطلعت منت سهل يالسلقه
ناظرته الجادل ب طرف عينها : ازهل يالطعس
ابتسم فيصل من ردها وقال : الايام بتعلمك وش يصير هالطعس
ناظرته الجادل بغضب : انت قد مره ماتكبرت وصرت طبيعي ؟
ضحك فيصل وقال بمزح : ترا غيرك يتمنى مكانك الحين
الجادل دفته وقالت بغضب : محد جابرك تجلس معي عاد !
ابتسم فيصل : تصدق عاد ؟ احب احارشك
وخلص البارت السابع 🤍 توقعوا مين الي بيكتشفهم بعد سعود من العيال ؟
