بسم الله 🤍
مادريت ان مابه مخلوق يستاهل غلاك...
يوم جديد ب غرفه الجادل وفيصل وداليا وخالد:
دخل عليهم سالم وقال : ماتقومون تساعدون باقي الطلاب !
خالد : الحين بفهم طقيت الخمسه وستين وللحين فيك حيل !
سالم بغضب : احترم نفسك واحمد ربك اني ضافك ولا كان الحين ب هالشوارع
قام خالد بعصبيه ومسك سالم من ياقته: اذا بتقعد تزيد وتعيد ب هالموال طلعني من الحين!
فيصل مسك خالد وبعده بالقوه عن سالم وناظر سالم : من يوم عرفتك وانت نكدي ومريض
سالم طلع من الغرفة بعصبية
داليا ناظرت خالد وهي مصدومه ثم ناظرت الجادل
فيصل : هد الحين واسحب عليه طول عمره كذا هو معتوه
خالد طلع بالغرفه بعصبيه
رجع فيصل بهدوء ينسدح وتارك البنات المصدومين
فيصل ناظرهم باستغراب: شفيكم
داليا : تخليه يروح كذا عادي
فيصل : خالد اذا عصب وزعل يروح يجلس لحاله ماودي ازيد عليه
هزت راسها بتفهم وقامت تدخل الحمام
فيصل لف على الجادل وشافها تفكر : وش تفكر فيه
الجادل : عادي اسالك وتجاوب بدون ماتسالني ليه ؟
فيصل باستغراب : اسال؟
الجادل : وش اسماء بنات سالم
فيصل : يليل
الجادل : اف يعني مارح تقول لي ؟
فيصل : مناهل وملاك
الجادل : متاكد ؟
فيصل هز راسه بإيجابية : ايه
الجادل : زين
ورجعت تنسدح وتفكر ب كلام ديم وقالت بنفسها : يمكن غيروا اسمها بس مب راضيه اصدق انه بيحطها في بيته وبين زوجته وبناته يعني اكيد موديها مكان ثاني
——————————————————
الغرفه الثانيه :
سعود : انا بروح عند العيال هناك
ديم : بجي معك
سعود : زين تعال
طلعوا ديم وسعود ولفت اسيل على سلمان النايم وميلت راسها تناظره ببرود وابتسمت من جتها فكره
عجبتها قامت وراحت تجيب مويه بارده بهدوء ورجعت قربت منه وكبت كميه من المويه عليه
فز سلمان ب روعه وشاف اسيل ميته ضحك
قام سلمان يقرب منها وهي ترجع وتضحك لين فتحت الباب وركضت وهو وراها
سلمان : رعد ! تعال ولا والله مايصير لك طيب
كانت اسيل تضحك وتاشر بيدها بمعنى لا
سلمان بغضب : قلت تعال!
كانت اسيل تضحك وتلاشى ضحكها من طاحت
ضحك سلمان بصخب: شفت كيف
اسيل ب حزن : مايضحك
ضحك سلمان زياده من وجهها
اسيل قامت وهي تنفض ثوبها : كله منك
ضحك سلمان : وانا شدخلني انا الي مطيحك
——————————————————
المغرب كانو كلهم مجتمعين بالغرفه ويناظرون بعض بملل
داليا : نلعب لعبه ؟
فيصل: وشهي
داليا بتفكير: ماادري كيفكم
الجادل وهي ماسكه جوالها: برا السالفه ؟
وافقوا كلهم على رأي الجادل وجلسو كلهم بالارض وبدا الجوال ينتقل لكل واحد وكان خالد برا السالفه والسالفه نظاره :
الجادل سالت ديم : ينلبس فوق ولا تحت
ديم ابتسمت : فوق
الجادل هزت راسها ثم قالت : رعد اسال سلمان
اسيل : للبنات ولا للعيال ؟
سلمان : كلهم
الجادل : فيصل اسالني
فيصل : ضروري ولا لا
الجادل : تقريبا ضروري اي اي ضروروي
ثم ناظرت الجوال : سعود اسال تركي
سعود : للشتاء او الصيف ؟
داليا : الاثنين كلهم
الجادل : تركي اسال خالد
داليا بتفكير : ينلبس باليد ؟
خالد : اي ينلبس
ضحكوا كلهم
الجادل : احط تصويت؟ ولا احد يبي يسال
فيصل : تصويت تصويت واضح منهو
حطت الجادل تصويت وبدوا يصوتون كلهم على خالد وضحكوا من طلع خالد فعلا برا السالفه
اسيل : يلا اختار وش كانو السالفه
خالد وهو يقرا ويفكر : ياتيشيرت يانظاره بس عزام تردد يوم قال انها ضروريه يعني نظاره
الجادل ضحكت : صح
خالد بثقه : طبعا صح
ولعبو مره ثانيه وكانت الجادل برا السالفه والسالفه ساعة
الجادل : فيصل اسال سلمان
فيصل : للعيال ولا للبنات ؟
سلمان : الاثنين
الجادل : طيب ليث اسال تركي
ديم : مهم ولا لا
داليا : الاغلبية لا مب مهم
الجادل ناظرت خالد : يطلع بالعزايم وكذا ولا عادي استخدام يومي
خالد : الاثنين يعني هو اصلا فيه منه انواع ناس تستخدم كذا وناس كذا
الجادل هزت راسها بتفهم ثم قالت : سعود اسال رعد
سعود : لون واحد ولا متعدد الالوان
اسيل : متعدد
الجادل : سلمان اسالني
سلمان : غالي ولا رخيص
الجادل قالت بالصدفه : يعتبر غالي
الجادل : يلا تصويت
بدو يصوتون ومحد شك بالجادل لين طلع انها برا السالفه
اسيل ضحكت : يقلع بليسك ماتوقعت
الجادل ضحكت بثقه
فيصل : اختار اختار السالفه
الجادل بدت تقرا وتفكر: فيه الوان وغالي وبعضهم يستخدمونه للعزايم يا كعب يا ساعة بس قلتو الاثنين يستخدمونه ف مب كعب يعني ساعة
الجادل ضحكت : يس
وبدو يلعبون لين طفشوا من اللعبه
الجادل : طفشت ياخي مافيه دباب شي
فيصل : مااتوقع سالم بيخلينا
الجادل : خير مب بكيفه
اسيل : وعزام صادق يعني لو خذيناه بيقعد يهاوش وبيطلع مارح يسوي شي
قاطعهم دخول طالب : المدير سالم يقول تعالو فيه نشاط
فيصل : وشهو النشاط
الطالب : دبابات
ضحكت الجادل وطلعت ركض
فيصل ضحك : شفيه ذا
اسيل : يعشق الدبابات
طلعوا كلهم وراحو عند المدير سالم والطلاب
سالم : العدد محدود عشان كذا كل اثنين في واحد
الجادل : ليث تجي؟
ديم : لا مستحيل انت تسرع بقوه
الجادل : مب مره لا تبالغ
اسيل ضحكت : ابد مب مره بس شوي
فيصل سحب الجادل : ابيك معي انت
الجادل ماقالت شي ومشت معه لان فيصل احسن لها من تركب مع احد ماتعرفه من الطلاب
اسيل وديم
وسلمان وسعود
داليا وخالد
الجادل وفيصل
بدو كلهم يركبون
الجادل لفت على فيصل : انا بسوق طيب؟
فيصل : زين بس بعد شوي بنعكس
الجادل : تم
انطلقوا الجادل وفيصل وكانت الجادل مستهتره وتسرع بس كان فيصل مستمتع
سعود : امشي؟
ديم : ايه
ومشى سعود وابتسم من ديم الي شدت عليه وكانو كلهم مستمتعين ويضحكون
فيصل : خلاص عاد دوري
بدلو الجادل وفيصل الاماكن صارت هي وراه وهو قدامها وانطلق فيصل بسرعه وضحك من رده فعل الجادل الي وقفت ورفعت يدينها وماتمسكت فيه
اسيل ناظرت الجادل وقالت : مهبوله ذي شوفي كيف فيصل يسرع وهي واقفه
داليا ضحكت : ماتعودتي عليها هي كذا
اسيل : الله يستر منها بس
وكملو كلهم لعب وكانوا مبسوطين وبعد وقت نزلوا كلهم وراحو غرفهم وناموا من التعب
وخلص البارت الثامن 🤍 تعالو انستا بسوي قروب تعطوني تشبيهاتكم وتوقعاتكم للاحداث الجايه
5_wuizl
